Bélidɔwesɛbɛ Fiézan 16:10 - Kazambale lé Sebe Sauunu 1979

¹⁰ ’Bɛ zuo ’ka flɛyinu lé fɛti kɛlɛ yé ’ka blidrɔɔblɛ kɛlɛ, Gakelebale, kalé Bale ka drɔɔ vo fɛan zo, a yɛrama.

Bélidɔwesɛbɛ Fiézan 16:10 ပူးပေါင်းရင်းမြစ်များ

Minwiinzannu lé Wezuofe Sɛbɛ 29:14

Maa a de nya, yé anlé munu a de nya, yé ko bɔa blɛ drɔɔ ’ko kɛlɛle lɛ i lɛɛ? Fɛ faa sié bii ɛ va, yé fɛ lé ko nɔ i lɛ ’ko, bii ɛ nɔ ko lɛ.

2 Minwiinmunu lé Wezuofe Sɛbɛ 31:14

Lévi mi Jimina be Koré a gɔrɔ ’léé tabinzan nya yirinwanazia. Blɛ drɔɔ lé munu a kɛlɛ Gakelebale lɛ, é a ’bɛ nwiinzan nya é ziin. Yee ɛ Gakelebale banfɛnu valé a ’lɛfɛ plɛplɛnu no.

Fwile 35:29

Nyanama lé Gakelebale munu bɔɔ pa a ma Moizi lɔlu nya, Izraɛl lé munu faa lé é ke wo bli gi léé, ’wo nyanama ’ko paan, gɔnénu valé lomu, wo da blan nya Gakelebale lɛ wobo lé blibɔmale nya.

Wegɔnévɔlenu 10:22

Gakelebale lé drɔɔvole éé mi kɛla fua nya, yé é ’ka a taa paan yaragyɛwe do kpen nya lo.

Joɛl 2:14

Dé é dan da lɛ ka va é ziin, yé é bli nɔlaa? Dé alé drɔɔvole é dan vo lɛ a pa gii? Dé é dan Gakelebale, kalé Bale lé blɛnu valé baleban’yinu vo lɛ é pa gii? De ɛ ’bɛ gi dɔɔ?

Lévinu 12:8

Dé ’blané mafɛ ’ka lezan lee lo, é dan plala fié si lɛ, ɛɛ, dé ’bɛ kaan lo, ’é plawuo sua fié si, a do ’é kɛlɛ balebanwi lé wa kyɛ blé, a nya, yé a do ’é kɛlɛ wenyané ’yibo saraka nya. Balebanzan é dan alé wenyané ’yibo lɛ, yé lezan é dan kɛlɛ lɛ tegele.

Lévinu 23:15

Flinyi lé ka da ’sanwun nya yé wa dia é bɛ fié la a nya bɛ, é sia ’bɛlé tu kinile ma, ’ka flɛyi do do sɔrafié nɔnɔ tegele.

Lévinu 25:26

Dé mi lé a tabole se ke a lɛ, dé ’bɛ ’ka lo, dé yeebozen a tabofɛ ye,

Lévinu 5:7

Dé ’blada valé bolida mafɛ ’ka a lee lo, é dan wenyaa saraka bo lɛ Gakelebale lɛ plala fié nya, dé ’bɛ kaan lo, ’é a bo plawuo sua fié nya, a do a wenyané ’yibofɛ nya yé a do a balebanwi lé wa kyɛ blé, a nya.

Mi Nɔnɔle 28:26

Dé ka flɛyi do fɛti kɛlɛ, yian nya lé ka kalé féifɛ vinin no Bale lɛ, ’ka zén‐ékeva plɛplɛ kɛlɛ. Té ka nyanama do kpen pa lo, ’té dé é ’ka ka ma’lɛrɛle nya lo.

Mi Nɔnɔle 31:28

Sunyanu lé wo go guli dan lɛ, ’i Bale zé fɛ si wozé fɛnu va, ’bɛ gi léé, dé é a munu nyaoo, dé é a dirinu nyaoo, dé é a sokofale valé ’blanu nyaoo, dé wa wuru fié yɔ soru, ’té Bale zé a do.

Mi Nɔnɔle 31:37

Wo va ’bla wuru yaa yɔ yaa wɔlɛ vu ta soru a Gakelebale zé nya;

1 Korent munu 16:2

Dimansi nya ka faa do do kalé gɔɔli ke pa é yɛrama kalé kɔn gi kalé fɛyebɛ yɛrama. Té wo an dale lɛbɛn a nɔle we ma lo.

2 Korɛnt Munu 8:10

We ’ko a é zima kazé nya, amalé maa a we ’ko plana ka lɛ é wo. A lɛɛ do lo, é dɔ ka gi léé, ’ka we zin ’ko kɛlɛ, yé ka a pélisia é vinin mi bɛnu ’lɛ.

2 Korɛnt Munu 8:12

Dé bli zin a mi gi Bale alé blɛ sié a leefɛ yɛrama. Dé fɛ ’ka mian lee lo, Bale ’ka a fe lɛ léé, ’bɛzan ’é fɛ nɔ lo.

Bélidɔwesɛbɛ Fiézan 16:11

I gi é dan nana lɛ Gakelebale ilé Bale ’lɛ, fɛna do lé Gakelebale, ilé Bale é dan a si lɛ a va ’é tɔ pale a ma we gi, ana; bii koo, i be koo, i lu koo, i wuogɔné koo, i wuole koo, Lévi mi lé é ke é nyanale ka va koo, bɛn bɛ mi koo, ti valé bugalazan valé zanagalale lé ke ka va koo, ka faa gi ’é nana wo nya.

Bélidɔwesɛbɛ Fiézan 16:9

’Ka flɛyi sɔrafié nɔnɔ; yian nya lé ka ’sa gyɛle pélisia kɔblané nya, ’ka flɛyi sɔrafié nɔnɔle pélisia ’bɛ yi nya.