Bélidɔwesɛbɛ Fiézan 15:11 - Kazambale lé Sebe Sauunu 1979

¹¹ Nyanégyɛmunu é dan kɛlɛ lɛ kalé tɛrɛ la yifaama, bɛwemalé maa bélidɔwe ’ko nɔ ka lɛ: ’i kɛlɛ bɛ ma wolowolozan nya i bwe lɛ, ’té é ke nyanégyɛzan valé tiané nya ilé tɛrɛ la bɛ, a lɛ.

Bélidɔwesɛbɛ Fiézan 15:11 ပူးပေါင်းရင်းမြစ်များ

Fwile 23:11

Naa, lɛɛ sɔrafiézan nya, i dan féi pale vo lɛ yé ana tɛrɛ é dan flin lɛ; ilé munu va nyanégyɛzannu gi é dan nana lɛ a ma, yé fɛ lé é vo, bwigiwinu é dan a ble lɛ. ’I yee duo kɛlɛ ilé dɔrɔféi valé ilé ɔliviyilinu lɛ.

Wegɔnévɔlenu 19:17

Mi lé a nyanai éé zén‐é nyanégyɛzan ta, éé drɔn paan Gakelebale lé é dan a lɛgi nɔ lɛ a kɛlɛwe yɛrama, ’bɛ ma.

Wegɔnévɔlenu 22:2

Fuablezan valé nyanégyɛzan éé keeé; Gakelebale ɛ wo fiénu kɛlɛ.

Wegɔnévɔlenu 31:20

Éé bɛ soian nyanéblemunu lɛ, éé lee fuoan nyanégyɛmunu lɛ.

Ézékiɛl 18:7

’té é ’ka yaan mi ta lo, ’té mi bɛ bɛfɛ ’ka voo a lee lo, ’té é ’ka glawe kɛla lo, ’té éé fɛblele no lɔrɔgyɛzan lɛ, yé ’té éé sɔ zén‐é mi porole ta, ’té é ’ka vɛɛn paan mi ma ézé tɔnɔ yele we ma lo,

Matio 26:11

Nyanégyɛmunu a ka va yifaama, naa, maa ’ka ka va yifaama lo.

Matio 5:42

Mi lé é fɛ laa i lee, bé nɔ a lɛ, yé mi lé é da vɛɛn si lɛ i va, té i sɔn vɔ a nɔle ma a lɛ lo.

Maak 14:7

Nyanégyɛmunu a ka va yifaama, dé é sɔ ka lɛ léé, ka wezin kɛlɛ wo lɛ bléyio?-?bléyian va, ka bɔalɛ. Naa, maa ’ka ka va yifaama lo.

WENÉNÉ LÉ LUK A GYE (Évangile selon Luc) 12:33

’Ka ka leefɛnu dan yé ’ka a ma gɔɔli nɔ nyanégyɛmunu lɛ. Gɔɔli pa balanu lé wo ’ka sɛra lo, ’ka wo kɛlɛ kabo zé nya, yé fɛwezan lé é ’ka nyaan lo, ’ka wo téé la gi, fɛana lé kyeenwozan ’ka wɔraan lo, yé gyan ’ka vɔa fɛ ma lo, ana.

WENÉNÉ LE JAN A GYE (Évangile selon Jean) 12:8

Nyanégyɛmunu a ka va yifaama; naa, maa ’ka ka va yifaama lo.

Kelewenu 2:45

Yé wo ’wolé tɛrɛnu valé ’wolé fɛnu dan yé wo a mafɛnu guli ’wo ke ma, mi do do mawe ke a gi fɛan zo, a zo.

Bélidɔwesɛbɛ Fiézan 15:7

Kalé tɛrɛ lé Gakelebale a nɔ ka lɛ bɛ, dé nyané ka bwe do gyɛ ana fla do la, té i bli dɔ a ma plɛplɛ lo; té i bɛ ma kɛlɛ plɛplɛ i bwe nyanégyɛzan lɛ lo.

Bélidɔwesɛbɛ Fiézan 15:8

’I kɛlɛ bɛ ma wolowolozan nya a lɛ yé a mawe a fɛan gi, bé drɔn pa a ma ’bɛ yɛrama.