Bélidɔwesɛbɛ Fiézan 14:2 - Kazambale lé Sebe Sauunu 1979

² Ka a munu lé Gakelebale, kalé Bale wo pa é yɛrama ’ézé nya, wo nya, ’bɛzama; Yé Gakelebale, kalé Bale ka si munu faa lé wo ke tɛrɛ la, wo va, ka kɛlɛle ’ézé munu nya we gi.

Bélidɔwesɛbɛ Fiézan 14:2 ပူးပေါင်းရင်းမြစ်များ

Ezidras 9:2

Naa, wo koo, wo benu koo, wo wolé lomu si ’wo nanu nya, yé wo bɛn sauunnu vɔɔ tɛrɛ ’ko la munu nya, yé minwiinzannu valé we ’wuo?-?dɔzannu, wo kɛlɛ wenyané ’ko kɛlɛzan vininnu nya.

Ézai 41:9

Bii lé, maa i si tɛrɛ glɛ sina Yé maa i laa, ’té i a tɛrɛ baa ta, Yé maa lé i lɛ léé, bii a an wuozan nya, Maa i si a va, yé maa ’ka dan sɔn vɔ lɛ i ma lo.

Ézai 6:13

Dé munu vuzan vo‐oo, ’bɛnu kulu é dan ga lɛ é ziin. Naa, dé wo térébɛnt yili valé sɛnéyili vɔ yé wo pun ’é vo fɛan zo, a zo duo lé, munu ’ko, wo punla do é dan nɛɛ lɛ mi sauunnu nya.

Ézai 62:12

Wo dan wo laa lɛ, munu sauun lé Gakelebale wo tabo, Yé bii, wo dan i laa lɛ, blibɔmafla lé wo ’ka sɔn vɔa a ma lo.

Jérémi 2:3

Izraɛl a é pale é yɛrama Gakelebale zé nya Bélé féifɛ vinin zo; Munu faa lé wa blé, we a wo nwiin Yé wenaané bɔ wo ma; maa Gakelebale ɛ ke a fena.

Ézékiɛl 21:2

Blami be, ’i yara dɔ yirinwana bɛyilazia, yé ’i yirinwana bɛyilazia ma we fe. ’I balelawe fe pɔrɔ lé ke yirinwana bɛyilazia tɛrɛ la bɛ, a ma.

Daniɛl 12:7

Yé mi lé, lɛnsɔ ke a ta, ’té é ke é dɔle ’yi ta loru, maa a dére ’ma; yé é bɛyi valé é bɛbo nwa lagi zia, ’té Bale lé éé voo é yuɛma lɛɛfaama, a glɛ ’ka lo, éé a ’nyɔɔn‐an a tɔ nya yé é léé: É dan kɛlɛ lɛ lɛɛ yaa é buu giéle zuo ma. Yé dé Bale lé munu lé plɛplɛ faa nyaa tata bléyian va, yé we ’konu faa é nyaa.

Daniɛl 8:24

Alé plɛplɛ gi é dan gyɛ lɛ, naa, abo lé gla ma kaan lo; é a fɛsɛrɛzan nya fɛan zo, é gié é glɛ la. Wenu lé é dan wo kɛlɛ lɛ wo nyian é dan wo lɛ a lɛ. É dan mi plɛplɛnu valé Bale lé munu sɛrɛ lɛ tata.

Lévinu 11:45

Naa, maa a Gakelebale lé é ka si Éjipiti tɛrɛ la, a nya, kɛlɛle kalé Bale nya we gi, ’bɛ valé ka kɛlɛle sauun we gi lé maa kɛlɛ; naa, maa a sauun.

Lévinu 19:2

Bé fe Izraɛl lé nénu faa lɛ léma: Maa Gakelebale, kalé Bale, maa a sauun, amalé ’ka kɛlɛ sauun.

Lévinu 20:24

Maa a fe ka lɛ léé, wolé tɛrɛ é dan kɛlɛ lɛ kazé nya; maa dan a nɔ lɛ ka lɛ kazé nya; é a tɛrɛ nyɔnɔzan nya. Maa a Gakelebale, kalé Bale lé é ka valé bɛnnu kini ékema, a nya.

Lévinu 20:26

Maa, Gakelebale a sauun, amalé ’ka kɛlɛ sauun an lɛ; maa ka valé bɛnnu kini ékema léé, ’ka kɛlɛ anzé nya.

Rom munu 12:1

Bɛwemalé, an bwenu, maa we plaan ka lɛ Kazambale lé nyanai zénle nya léé, ’ka kabozennu nɔ saraka yuɛmale lé é ke Bale zé nya, ’té é sɔ Kazambale lɛ bɛ, a nya, yee ɛ ke kalé Bale bɔle tegele nya.

Bélidɔwesɛbɛ Fiézan 14:21

Té ka wi gale do kpen ble lo; ’ka a nɔ bɛn bɛ mi lé ke ka va, a lɛ, dé ’bɛ kaan lo, ’ka a dan bɛn bɛ mi lee; ka a munu lé Gakelebale, kalé Bale wo pa é yɛrama ézé nya, wo nya, ’bɛzama. Té ka boliné dɔné é bu nyɔyi nya lo.

Bélidɔwesɛbɛ Fiézan 28:9

Ka dan kɛlɛ lɛ munu lé Gakelebale wo pa é yɛrama ézé nya, wo nya, ébo ’nyɔɔn ka lɛ fɛan zo, a zo, ’té dé ka Gakelebale kalé Bale lé bélidɔwenu lɛdɔma yé ka tawo alé tawobɛ faa gi.

Bélidɔwesɛbɛ Fiézan 33:3

Iin, munu sɔ a lɛ; Alé mi sauunnu a a lee. Wo dɔ a gane sɔnɔ Wo a dére ’ma.

Bélidɔwesɛbɛ Fiézan 4:20

Naa, ’kaa, Gakelebale ka si a va yé é ka si foliɛwɔlɛ gɔrɔ gi Éjipiti tɛrɛ la, ka kɛlɛle abozen lé munu nya we gi, fɛan zo lé ka ke kyɔ, a zo.

Bélidɔwesɛbɛ Fiézan 7:6

Naa, ka a munu lé Gakelebale, kalé Bale wo pa é yɛrama ézé nya, wo nya; Gakelebale, kalé Bale ka si bɛnnu faa lé wo ke tɛrɛ la, wo va, ka kɛlɛle azé nya we gi.

Bélidɔwesɛbɛ Fiézan 7:7

É ’ka kɛlɛ lɛ léé, ka kiɛre mini bɛn bɛnu faa ta, bɛwemalé Gakelebale é buvɔ ka ma yé é ka si a va lo, naa, ka ’léé a kiéné é mini bɛn bɛnu faa ta.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.