Bélidɔwesɛbɛ Fiézan 13:5 - Kazambale lé Sebe Sauunu 1979

⁵ Ka ’bɛ balelayezan valé ’bɛ nyɛgyɛzan gyɛ, naa, é a ka nwana Gakelebale, kalé Bale lé é ka si luu gi Éjipiti tɛrɛ la, a ma, yé zi lé Gakelebale, kalé Bale a gɔɔn ka lɛ, é a a va léé, ’é ka si ’bɛ zi ta. ’Ka a gyɛ yé ’bɛ zo lé wenaané si ka méléna.

Bélidɔwesɛbɛ Fiézan 13:5 ပူးပေါင်းရင်းမြစ်များ

1 Minwiinzannu 13:19

Bale lé mi nɔla a va yé é buru ble yé é ’yi mini alé kɔn gi.

1 Minwiinzannu 18:40

Éli lé wo lɛ léé: ’Ka Baal lé balelayezannu kun. Té wo va mi do kpen é so a ta lo. Yé wo wo kun. Éli zun wo nya Kizɔn yuubɛ gɔɔn ma yé é wo bɔrɔ bo ’bɛna.

2 Minwiinmunu lé Wezuofe Sɛbɛ 34:31

Minwiinzan blɛn dɔ élé kpala ta, yé é gi pa Gakelebale va, yé é léé, ’é dan tawo lɛ Gakelebale zuo, yé alé bélidɔwenu koo, a déretawenu koo, a sɔnnénu koo, ’é dan a kɛlɛ lɛ ’é bli valé ’éboen faa nya, gipadérenu lé wa gyɛ sɛbɛ ’ko gi, tawole wo ta we gi.

Jérémi 14:15

Bɛwemalé Gakelebale we fe balelayezannu lé woo balelawe fé a tɔ gi, ’té é ’ka wo pa lɛ zia bɛ lo, ’té wa fé léé, gwɔun valé lɔrɔ ’ka dan da lɛ tɛrɛ ’ko la lo, wolé we ma, yé é léé: balelayezannu ’ko, wo dan zamaga wo lɛ gwɔun valé lɔrɔ nya.

Jérémi 29:32

amalé Gakelebale léma: Maa dan we lɛdɔ lɛ Nésélamizan Sémaéja gi, yee valé é kulunu nya; a kulu do kpen ’ka dan nyana lɛ munu ’ko va lo, yé we zin lé an dan a kɛlɛ lɛ anlé munu lɛ, wo ’ka dan ana ye lɛ lo. Naa, é nwa Gakelebale ma é dérenu nya. Maa Gakelebale ɛ ke a fena.

Jérémi 50:6

Anlé munu a ’bla trubɛ palu sanle nya. Wo tabinzannu zi saan wo nya, wo wo saan gɔnu nwiin; wo si gɔ blɛnnu nwiin yé wo go gɔpanénu nwiin; wo gi san ’wo nyanana ma.

Jérémi 7:23

Naa, ka ye, we lé maa fe wo lɛ, yee lé ke ’ko: ’Ka tɔné dɔ an dére lɛ yé an dan kɛlɛ lɛ kalé Bale nya yé ka dan kɛlɛ lɛ anlé munu nya; zinu lé maa wo ta tawole fe ka lɛ, ’ka tawo wo ta, ka gi nanale we gi.

Zakari 13:3

Dé mi do a a va léé, ’é balelawe fe é ziin, a yaati valé a yaabu é dan a fe lɛ a lɛ léé: I vié wo Gakelebale tɔ gi, amalé é ’ka lé i vo é yuɛma lo. Dé é balelawe fe, a yaati valé a yaabu é dan a gyɛ lɛ.

Kelewenu 13:8

Naa, Élimas, ’bɛ gi léé, yokɛlɛzan, é dɔ Pɔlnu ma Kazambale lé we gi sɛrɛle gbɔrɔnama bɛgizan tɔné gi we ma.

Bélidɔwesɛbɛ Fiézan 13:10

’ka gɔlɛ vuli a va yé é ga, é a kwa kulina léé, ’é ka si Gakelebale, kalé Bale lé é ka si luu gi Éjipiti tɛrɛ la, a zuo, ’bɛzama.

Bélidɔwesɛbɛ Fiézan 13:15

é a lé ka fla ’ko la munu gyɛ gwɔun nya, ’ka bale pa fla ’ko valé é tafɛnu faa ma, yé ’ka winu gyɛ gwɔun nya.

Bélidɔwesɛbɛ Fiézan 13:9

’Bé gyɛ; bii ɛ i bɛ nwa é vinin a gyɛle we gi, yé ’bɛ zuo munu faa é pa i va;

Bélidɔwesɛbɛ Fiézan 17:5

mi lé é we naané ’ko kɛlɛ, dé gɔné léé, dé le léé, ’ka da a nya kalé fla gɔrɔ ’léé yé ’ka gɔlɛ vuli a va, dé ’bɛ kaan lo, ’ka ga bɛ dɔ a nwiin. Dé é a le nyaoo, dé é a gɔné nyaoo, a zo lé wa kɛlɛ a lɛ.

Bélidɔwesɛbɛ Fiézan 17:7

Wenayezannu ’é nwa fɛ vulile nya é vinin, yé ’bɛ zuo mi pɔnénu faa zén a gyɛle va. ’Bɛ zo lé ka dan wenaané si lɛ ka méléna.

Bélidɔwesɛbɛ Fiézan 18:20

Naa, balelayezan‐an é bli si ébo lɛ yé dére lé ’yee Gakelebale ’ka a fe lɛ a lɛ léé, é a fe lo, dé é ’bɛ dére fe ’é tɔ gi, ɛɛ, dé bale bɛ tɔ gi lé é a fe, balelayezan ’ko, wo dan we lɛdɔ lɛ a gi ga nya.

Bélidɔwesɛbɛ Fiézan 19:19

dé é dɔ a gi léé, é dan a kɛlɛ lɛ é bwe lɛ kɔɔn fɛan zo, é a lé ’ka kɛlɛ a lɛ a zo. ’Bɛ zo lé ka dan wenaané si lɛ ka méléna.

Bélidɔwesɛbɛ Fiézan 22:21

wo dan go lɛ blɛnzan nya a ti lé kɔn ’léé; flamunu é dan gɔlɛ vuli lɛ a va yé é dan ga lɛ, é we lɛrɛlɛrɛ kɛlɛ Izraɛl, azama, yé é kɛlɛ bɔrɔdɛ nya é ti lé kɔn gi. ’Bɛ zo lé ka dan wenaané si lɛ ka méléna.

Bélidɔwesɛbɛ Fiézan 22:24

’ka da wo fiénu nya flagɔrɔ ’léé yé ’ka gɔlɛ vuli wo va yé ’wo ga; blɛnzan a fla yé é ’ka siaa lɛ lo, azama; gɔnézan é bɔluzan na sɛrɛ, azama. ’Bɛ zo lé ka dan wenaané si lɛ ka méléna.

Bélidɔwesɛbɛ Fiézan 24:7

Dé mi do é bwe Izraɛl lé mi do kyeen wo, dé é a kɛlɛ élé luu nyaoo, dé é a dan‐oo, dé wa ye wo dan we lɛdɔ lɛ kyeenzan ’ko gi a gale nya. ’Bɛ zo lé ka dan wenaané si lɛ ka méléna.

Bélidɔwesɛbɛ Fiézan 26:14

Bléyian va lé maa a gyɛ bona, maa ’ka fɛ ’ko do kpen ble lɛ lo; bléyian va lé maa ’ka tegele lo maa ’ka an bɛ mane lɛ wo ma lo; maa ’ka a do kpen kɛlɛ lɛ gyɛbofɛ nya lo; maa Gakelebale, anlé Bale dére ’ma, yé we faa lé bé fe an lɛ, maa we kɛlɛ ’bɛ yɛrama.

Bélidɔwesɛbɛ Fiézan 4:19

Dé ka yara nwa lai zia, yiri koo, moné koo, monénénu koo, lagifɛ gbaunu bɛ, dé ka wo ye, té ’wo ka sia ana yé ka dia ka bli la wo ’lɛ yé ka wo bɔ lo; dé ka kɛlɛ, ’té ka kabo sɛrɛ. Gakelebale, kalé Bale fɛ ’konu kɛlɛ munu faa lé ke tɛrɛ la, wo faa zé nya.

Bélidɔwesɛbɛ Fiézan 6:13

’Ka kana Gakelebale, kalé Bale lee, ’ka a bɔ, ’ka bale ’nyɔɔn a tɔ nya.

Bélidɔwesɛbɛ Fiézan 7:4

dé ka kɛlɛ, wo dan ka benu ’wuo sɛrɛ lɛ an ma, yé wo dan bale bɛnu bɔ lɛ, yé maa Gakelebale bli é dan fli lɛ ka ma; maa dan ka kulu ga lɛ do ’té.

Jozué 23:8

Naa, ’ka yere Gakelebale, kalé Bale ma, ka kɛlɛ fɔɔ kyɔ fɛan zo, a zo.

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.

Weblezannu 20:13

Munu vɔnle lé wo ke Gibéa, ’ka wo pa ko lee sin, yé ko wo gyɛ, yé ko wenaané si Izraɛl tɛrɛ la. Naa, Bɛnjamɛn munu ’ka a va léé, ’wo tɔné dɔ ’wo bwenu, Izraɛlnu dére lɛ lo.

1 Samuɛl 12:14

Dé ka kana Gakelebale lee, dé ka a bɔ, dé ka a dére lɛdɔma, dé ka ’ka ka tɔné gi kɛlɛ lɛ plɛplɛ Gakelebale dére ma lo, ka dan yere lɛ Gakelebale, kalé Bale ma, ka valé ka nwiinzan nya.