Bélidɔwesɛbɛ Fiézan 13:17 - Kazambale lé Sebe Sauunu 1979

¹⁷ Fɛ lé wo bale pa a ma bɛ, té a do kpen é vo ka lee lo, Gakelebale bli dɔralale koo, alé nyanai zénle ka ta valé zin kɛlɛle ka lɛ koo, ka fanle koo, wo faa we gi, é ’ébo ’nyɔɔn ka tranu lɛ fɛan zo, a zo.

Bélidɔwesɛbɛ Fiézan 13:17 ပူးပေါင်းရင်းမြစ်များ

Wepélisiananu 26:24

Gakelebale bɔra a va é béli yé é léé: Maa a i ti Abraam zé Bale nya. Té i kana lo ma, maa a i va. Maa dan i drɔɔ vo lɛ, yé maa dan i kulu kɛlɛ lɛ di an wuozan Abraam lé we ma.

Wepélisiananu 26:4

Maa dan i kulu kɛlɛ lɛ di bélé lagi monénénu zo; maa dan tɛrɛ ’konu faa nɔ lɛ i kulunu lɛ; yé tɛrɛ la bɛnnu faa drɔɔ é dan vo lɛ i kulu lé we ma;

Wepélisiananu 28:14

I kulunu é dan kɛlɛ lɛ kiɛre bélé tɛrɛ lé vun zo; wo dan soi lɛ yirinwanazia fɔɔ yirivɔna, é valé yirinwana bɛbolazia fɔɔ yirinwana bɛyilazia. Tɛrɛ la lelenu faa drɔɔ é dan vo lɛ bii valé i kulunu lé we ma.

Lɛrɛvɔ Sɛbɛ 78:38

Naa, duowo, alé nyanaizénle zi, é wo ma we vo wolé weple kɛlɛle ma, yé é ’ka wo gyɛ lɛ lo; Yi kiɛre nya é ’é bli kun yé é ’ka é bli faa fli lɛ lo.

Lɛrɛvɔ Sɛbɛ 85:3

I ilé munu ma we vo wolé weplenu ma, I wolé wenyanénu faa ta yɔɔ. Ka ye do.

Fwile 20:6

yé munu lé an sɔ wo lɛ, ’té woo anlé bélidɔwenu kɛla, an nyanai éé zén‐é wo ta fɔɔ wo kulu wuru soru nya.

Fwile 32:12

Mɛmalé i dan zi nɔ lɛ Éjipitinu lɛ yé wa fe léé, we tɔntɔn bɔle wo ma koo, wo gyɛle gɔnu nwiin koo, wo sile tɛrɛ la tata koo, alé we ma lé wolé bale wo fwii? ’I daan ilé bliflile blɛn ma, yé ’i bli nɔla we tɔntɔn lé i a a va léé, bé kɛlɛ ilé munu lɛ, a ma.

Jérémi Lé Wuvɔ Sɛbɛ 3:32

Alé nyané pale mi ta zuo, É élé nyanai zénle valé mi mawe dɔɔle nagɔɔn‐an a lɛ.

Ézékiɛl 37:26

Maa dan an gi pa lɛ wo va do, wo vole drɔɔ we ma, yé gipawe lé éé voo ana lɛɛfaama, maa dan a kɛlɛ lɛ wo va. Maa dan wo suni wɔra lɛ, yé maa dan wo fan lɛ, yé maa dan anlé fɛna sauun dɔ lɛ wo méléna lɛɛ faa zé nya.

OZÉ (Osée) 11:9

Maa ’ka dan we kɛlɛ lɛ anlé bliflile yɛrama lo; Maa ’ka dan Éfraim sɛrɛ lɛ lo; Maa ’ka mi nya lo, maa a Bale nya, azama. Maa a Mi Sauun nya ka méléna; An ’ka dan da lɛ bliflile nya lo.

Mi Nɔnɔle 25:4

Gakelebale lé Moizi lɛ léé: ’I munu nwiinzannu faa zén ékeva, yé ’i weanwiinzannu faa dun Gakelebale ’lɛ yili ta, léé, Gakelebale lé bliflile é si Izraɛlnu ma.

1 Korent munu 16:22

Dé Mizan ’ka sɔa mian lɛ lo, ’wo bale pa ’bɛzan ma ma. Mara?-?na‐ta, ’bɛ gi léé, Mizan, ’i da.

Bélidɔwesɛbɛ Fiézan 13:18

Dé ka Gakelebale, kalé Bale dére ’ma, yé a sɔnnénu lé maa wo gɔɔn ka lɛ kyɔ, dé ka wo pa, yé we lé é ke é drɔle Gakelebale, kalé Bale yuɛ gi, dé ka ’bɛ kɛlɛ, Gakelebale é dan we ’konu faa kɛlɛ lɛ ka lɛ.

Bélidɔwesɛbɛ Fiézan 30:3

Gakelebale, kalé Bale nyanai é dan zén lɛ ka ta, yé é dan ka si lɛ luu gi é ziin, yé é dan ka si lɛ munu faa lé é ka sɔɔla wo worona, wo va, yé é ka zén ékeva é ziin.

Bélidɔwesɛbɛ Fiézan 30:5

Gakelebale, kalé Bale é dan da lɛ ka nya tɛrɛ lé é ke ka tranu zé nya, a ta, yé é dan kɛlɛ lɛ kazé nya; é dan wezin kɛlɛ lɛ ka lɛ, yé é dan ka fan lɛ é mini ka tranu ta.

Bélidɔwesɛbɛ Fiézan 7:13

É dan ka lɔrɔ pa lɛ; é dan ka drɔɔ vo lɛ yé é dan ka fan lɛ; nénu lé wo bɔn ke wo bunu ma, é dan wo drɔɔ vo lɛ yé é dan kalé féifɛ drɔɔ vo lɛ; kalé ’sa koo, kalé dɔrɔ dɛrɛ valé kalé nyɔnɔ koo, kalé dirinu valé kalé trubɛnu lé né yaale koo, é dan wo faa drɔɔ vo lɛ, tɛrɛ lé ébo ’nyɔɔn ka tranu lɛ léé, é dan a nɔ lɛ ka lɛ, a ta.

Bélidɔwesɛbɛ Fiézan 7:26

Té ka da ’bɛzofɛ nya kalé kɔn gi lo; dé ka kɛlɛ, ’té bale a é pale ka ma bélé yee fɛnu zo; ’ka serele bo fɛ ’konu ma, ’ka wo ye bélé bo zo, naa, bale pamafɛ lé.

Jozué 22:20

Zérak be Akan, é ’ka tɔnégiplɛplɛ we kɛlɛ lɛ fɛnu lé wa nɔ bale pale wo ma nya, wolé we ma, yé Gakelebale bli fli Izraɛl munu faa ma loo? É ’ka zamaga wo lɛ élé wenyané ma é do lo.

Jozué 6:18

Naa, ’ka yuɛ pa kabozen va, fɛnu lé wo dan bale pa lɛ wo ma, wolé we ma. Naa, fɛnu lé wo dan wo nɔ lɛ Bale lɛ bale pale wo ma nya, dé ka wo si, ’té ka bale pale nɔla Izraɛl ta yé ka dan we tɔntɔn bɔ lɛ Izraɛl ma.

Jozué 6:24

Wo fla valé é tafɛnu faa kyɛ ble, naa, gɔɔlifu koo, kyan koo, zéné valé foliɛwɔlɛ fɛnu faa koo, wo wo pa Gakelebale lé kɔn gi fɛwezan pana.

Jozué 6:26

Yé Jozué bale pa fla ’ko pale é pai ma, yé é léé: Mi lé é nwa Jériko fla ’ko pale nya é pai, bale a é pale a ma Gakelebale ’lɛ. Dé é a gane vɔ alé né vininzan é dan ga lɛ, yé dé é a duolinu vɔ a be voélazan é dan ga lɛ.

Jozué 7:1

Fɛnu lé wa nɔ Bale lɛ bale pale a ma nya Izraɛl lé nénu saan a vazia. Juda bɛngizan Zérak be Zabidi, Zabidi be Kaami, Kaami be Akan, fɛnu lé wa nɔ bale pale wo ma nya, é wo si. Yé Gakelebale lé bliflile nwa Izraɛlnu ma.

Jozué 7:26

yé wo gɔlɛ zun blɛn dɔ Akan ta yé é vo ana fɔɔ kyɔ. Yé Gakelebale daan élé bliflile blɛn ma. We ’ko lé we ma lé wo fɛkona tɔ pa Akɔɔ gɔnu worona fɔɔ kyɔ yi nya.

Jozué 8:28

Jozué Ai kyɛ ble, yé é vo é sɛrɛle é ’bin nya, fɔɔ kyɔ.