Bélidɔwesɛbɛ Fiézan 13:1 - Kazambale lé Sebe Sauunu 1979

^1-2 Dé balelayezan do nwa ka méléna, ɛɛ, dé nyɛgyɛzan lé, dé tɔmase do léé, ɛɛ, dé we blɛnblɛn lé, dé é a fe ka lɛ yé a lɛ sɔɔ weboen nya, yé ’bɛ zuo é lé ka lɛ léé, kaa go bale bɛnu zuo, kaa wo bɔ, ’té ka ’ka balenu ’ko dɔɔa lo,

Bélidɔwesɛbɛ Fiézan 13:1 ပူးပေါင်းရင်းမြစ်များ

1 Minwiinzannu 13:18

Yé balelayezan kwa lé a lɛ léé: Maa é ziin, maa a balelayezan nya bélé bii zo; yé lanje do we fe an lɛ Gakelebale dére nya, yé é lé an lɛ léé: ’I da a nya i va ilé kɔn ’léé, ’é buru ble yé ’é ’yi mini. É vié wo a lɛ.

1 Minwiinzannu 13:19

Bale lé mi nɔla a va yé é buru ble yé é ’yi mini alé kɔn gi.

Wegɔnévɔlenu 30:6

Té bé dére taa pa lo, dé é da we pla i lɛ yé wo i ye viézan nya.

Ézai 9:15

Munu ’ko lé zigɔɔnzannu ’wo saan, yé munu lé wo yee zi gɔɔnle ’wo lɛ nyi si, wo saan.

Jérémi 23:11

Gakelebale léma: Balelayezannu valé Balebanzannu kɛlɛwe a é vɔnle; Anbozen lé kɔn gi, an bɔ wolé we lɛrɛlɛrɛnu ma.

Jérémi 23:32

Gakelebale léma: Ka ye, munu lé woo vié nyɛ gi fé balelawe fele nya, ’té woo wo gi fé, ’té woo anlé munu saan wolé viéwole valé wo yara plɛplɛ nya, maa a wo ma. Maa ’ka wo pa lɛ zia lo, maa ’ka we fe lɛ wo lɛ lo, wo ’ka we zin do kpen nyian wo anlé munu ma lo. Maa Gakelebale ɛ ke a fena.

Jérémi 27:9

Yé kalé balelayezannu koo, kalé ’monédɔzannu koo, kalé nyɛgyɛzannu koo, kalé monénénu va ’monédɔzannu koo, kalé yokɛlɛzannu koo, we lé wa fena ka lɛ léé, ka ’ka dan pla lɛ Babilɔn nwiinzan blɛn wuo lo, té ka tɔné dɔ wo lɛ lo.

Jérémi 29:24

Bé fe Nésélamizan Sémaéja lɛ léma:

Jérémi 29:26

Gakelebale i dɔ Balebanzan nya Balebanzan Jéojada pa gi léé, i munu dɔ Gakelebale lé kɔ taginile we ma, léé, ’wuosɛrɛzannu faa lé wo ke a fena léé, ’wa balelayezannu nya, ’wo wo kun, yé ’i wo vɔ bokɔn gi yé ’i foliɛwɔlɛ vɔ wo ma.

Jérémi 29:8

Naa, lai sunyanu lé Gakelebale, Izraɛl lé Bale léma: Kalé balelayezannu lé wo ke ka va koo, kalé ’monédɔzannu koo, té ka zi nɔ wo lɛ léé, wo dabli kɛlɛ ka lɛ lo, yé nyɛgyɛzannu lé woo nyɛ gya kalé we nya, té ka tɔné dɔ wo lɛ lo.

Jérémi 6:13

Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn éé wo gya. É sia balelayezan ma fɔɔ yé é bɔ Balebanzan ma, wo faa kɛlɛ dablikɛlɛzannu nya.

Ézékiɛl 13:23

Bɛwemalé ka ’ka dan boayuɛziwenu ye lɛ é dɛrɛ lo, yé ka ’ka dan balelawe fe lɛ é dɛrɛ lo. Maa dan anlé munu si lɛ ka lee, yé ka dan a gi dɔɔ lɛ léé, maa ɛ ke Gakelebale nya.

Zakari 10:2

Naa, térafimnu dére a é pla, ’monédɔmunu éé tɛlɛ tɛlama we fé vié nya; nyɛ ginu a vié nya, yé woo mi tɔrɔ paan boawenu nya. Amalé munu a wona bwi gi bélé trubɛ palu zo. Wo pazan ’ka lo, amalé wa wenaané bɔmazannu nya.

Zakari 13:4

’Bɛ yi la, dé balelayemunu a balelawe fena, yara é dan wo gyɛ lɛ ’wolé yuɛziwe fele ma, yé wo ’ka dan wikyɛɛsɔ zén lɛ ’wo ta é dɛrɛ vié wole we ma lo.

Matio 24:11

Viébalelayezannu kiɛre é dan nwa lɛ, yé wo dan munu kiɛre saan lɛ.

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Matio 7:15

’Ka yuɛ pa kabo va viébalelayemunu lé we ma. Woo dan ka va bélé ’blanu zo, naa, wo bli a wo gi bélé lɔrɔgyɛ glau zo.

Maak 13:22

Dabli Kristnu valé viébalelayezannu é dan nwa lɛ, yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

WENÉNÉ LÉ LUK A GYE (Évangile selon Luc) 6:26

Dé munu faa ka ma we zin fe, ’té wenaané ɛ kɛlɛ ka lɛ bɛ, naa, ’bɛ zo lé wo tranu a kɛlɛ viébalelayemunu lɛ.

Bélidɔwesɛbɛ Fiézan 18:20

Naa, balelayezan‐an é bli si ébo lɛ yé dére lé ’yee Gakelebale ’ka a fe lɛ a lɛ léé, é a fe lo, dé é ’bɛ dére fe ’é tɔ gi, ɛɛ, dé bale bɛ tɔ gi lé é a fe, balelayezan ’ko, wo dan we lɛdɔ lɛ a gi ga nya.

Bélidɔwesɛbɛ Fiézan 4:1

Sin, Izraɛl munu, bélidɔwenu valé gɔnɔlawenu lé maa a gona paana ka gi bɛ, ’ka tɔné dɔ wo lɛ. ’Ka wo ta tawo, ka vole é yuɛma we ma yé tɛrɛ lé Gakelebale, ka tranu lé Bale, a nɔ ka lɛ, yé ’é kɛlɛ kazé nya.

Bélidɔwesɛbɛ Fiézan 4:2

We lé maa a fena ka lɛ, té ka a taa do kpen pa lo, té ka a ke si a ta lo; naa, Gakelebale, kalé Bale lé bélidɔwenu lé maa a fena ka lɛ, ’ka wo ta we kɛlɛ.

2 Tɛsalɔnik munu 2:9

Bale lé zi ma wenyané fezan ’ko bɔrale a Satan lé nyanama nya, yé gyɛzorowenu gɔnɔ faa koo, tɔmasenu koo, viéwe blɛnblɛnnu koo,

2 Piɛri 2:1

Viébalelayemunu ana munu méléna é kyɛn, yé viéwe paamigizannu é dan kɛlɛ lɛ ka méléna é ziin, yé wo dan misaanwe paa lɛ munu gi, yé Mizan lé é wo tabo bɛ, wo dan sɔn vɔ lɛ ’bɛ ma, yé wo dan wobozen guru zana lɛ a gi fiaa.

1 Jan 4:1

Ka lé ka sɔ an lɛ, té ka bli é vo léli faa lɛ lo, naa, ’ka lélinu gi dan, yeean é ke Kazambale zé nya, a dɔɔle we gi, naa, viébalelayemunu kiɛre bɔra tɛrɛ la.