Bélidɔwesɛbɛ Fiézan 12:7 - Kazambale lé Sebe Sauunu 1979

⁷ Ka koo, kalé munu koo, ka dan fɛ ble lɛ Gakelebale ’lɛ yee ɛ na, yé ka gi é dan nana lɛ fɛ zinnu faa lé Gakelebale, kalé Bale ka drɔɔ vo wo nya, wo ma.

Bélidɔwesɛbɛ Fiézan 12:7 ပူးပေါင်းရင်းမြစ်များ

Minwiinzannu lé Wezuofe Sɛbɛ 29:22

’Bɛ yi la wo fɛ ble yé wo fɛ mini Gakelebale ’lɛ gi nanale blɛn nya; wo David be Salomɔn dɔ ’wo nwiinzan blɛn nya a gɔnɔ fiézan nya, yé wo nyɔnɔ zén a nwiin Gakelebale ’lɛ a kɛlɛle minwiinzan nya we ma, yé wo nyɔnɔ zén Sadɔk nwiin léé, ’é kɛlɛ Balebanzan nya.

Néémi 8:9

Gbɔrɔnama Néémi koo, Ezidras lé ke Balebanzan valé sɛbɛgifezan nya, yee koo, Lévinu lé wo we paa munu gi koo, wo lé munu faa lɛ léé: Yi ’ko a Gakelebale, kalé Bale lé yi nyané nya; té ka kle pa kabo ta lo, té ka wuvɔ lo. Naa, munu faa lé wo bélidɔwe dérenu ’ko ’ma, wo wuvɔ.

Bale Lé We Gifezan 3:12

Yé maa a ye léé, we do kpen lé é ke é zin blami zé nya, yee lé ke léé, a gi ’é nana yé ébo nɔ zin yele lɛ élé tɛrɛla gi; a bɛ ’ka lo;

Bale Lé We Gifezan 3:13

naa, dé mi do éé fɛ blé, ’té éé fɛ minia, ’té a gi éé nanaan élé nyanama pa bléyi va, zin lé éé a yé wo ma, ’bɛ a Bale lé blɛ nya.

Bale Lé We Gifezan 5:18

Naa, dé Kazambale fuafɛnu valé fɛ zinnu nɔ mi do lɛ, dé é a se kɛlɛ a lɛ léé, ’é a ble, ’ézé si a va, yé a gi ’é nana élé nyanama mafɛ ma, ’té Bale blɛ kɛlɛ a lɛ é wo.

Ézai 23:18

Naa, a gooli valé a banwofɛ lé é a ye élé wenyané ma, é dan kɛlɛ lɛ Gakelebale zé nya, é ’ka dan a téé lɛ lo, yé é ’ka dan a tadɔ lɛ lo. Munu lé woo nyanaan Gakelebale ’lɛ, a gooli é dan kɛlɛ lɛ wolé fɛblele kiɛre valé wo tasɔ nɔnɔmi mafɛ nya.

Ézai 62:9

Naa, munu lé woo ’sa gya, wo ɛ dan a ble lɛ Yé wo Gakelebale tɔ zin fe, Munu lé woo dɔrɔ soo, wo dan a mini lɛ Anlé fɛna sauun na gɔrɔ gi.

Ézékiɛl 44:3

A lɛ é dan vo lɛ é tanle. ’Bɛ lé ’bɛ ke minwiinzan zé nya, minwiinzan éé bɔalɛ léé, é nyana ana, buru blele Gakelebale ’lɛ we ma. É dan wɔra lɛ kɔn méléna kɔn lɛɛ wuo zia, yé é dan bɔra lɛ yee zi duo ’léé zia.

Joɛl 1:16

Wo ’ka fɛblele sia lɛ ko wuo loo? Ginanale valé ginanale blɛn ’ka san lɛ kolé Bale lé kɔn gi loo?

Joɛl 2:26

Ka dan fɛ ble lɛ yé ka dan kan lɛ, Yé ka dan Gakelebale, kalé Bale tɔ ma gyɛ lɛ. Yee ɛ dan we blɛnnu kɛlɛ lɛ ka lɛ, Yé yara ’ka dan anlé munu gyɛ lɛ é dɛrɛ lo.

Lévinu 23:40

A yi vininzan nya, yili nɔnɔminu poro koo, yɔlaanu koo, yilikwɛɛnu koo, yuu gɔ la yilibɛnu koo, ka dan wo si lɛ yé ka dan gi nana zana gyɛ lɛ Gakelebale ’lɛ yi sɔrafié.

Malasi 2:13

We do lé ka kɛla é ziin, yee lé ke ’ko: ka yuɛyi éé zén‐é balebanna ta, ’té ka wuvɔa, ’té ka dunnuan; Gakelebale ’ka é ban‐ɛn blé lo, yé fɛ lé ka nɔ a lɛ é ’ka a si lɛ lo, amalé ka wuvɔa.

Kelewenu 2:46

Wa yi faa do do ma é nanale ékeva Balebangikɔn gi, ’té woo Taboyi lé buru blé kɔnnu gi, ’té woo fɛ blé gi nanale valé bli do nya.

Bélidɔwesɛbɛ Fiézan 12:12

’Bɛna lé ka koo, ka benu valé ka lunu koo, ka wuogɔnénu valé ka wuolomu koo, ka gi é dan nana lɛ Gakelebale, kalé Bale ’lɛ; dé Lévimi a ka va, yee koo é ziin, naa, azé fɛ do ’ka ka va lo, yé ka valé wonu lé tɔnɔ ’ka ékeva lo, ’bɛzama.

Bélidɔwesɛbɛ Fiézan 12:18

Naa, ka dan ’bɛnu ble lɛ Gakelebale, kalé Bale ’lɛ, fɛ lé Gakelebale, kalé Bale é dan a si lɛ a va, ana; ka koo, ka benu valé ka lunu koo, ka wuogɔnénu valé ka wuolomu koo, Lévimi lé ke ka va koo, ’ka a ble wo nya; Gakelebale, kalé Bale ’lɛ lé ka gi é dan nana lɛ, fuafɛnu faa lé ke ka lee, wo ma.

Bélidɔwesɛbɛ Fiézan 12:8

Ka ’ka dan kɛlɛ lɛ bélé fɛan zo lé ka ke a kɛlɛna kyɔ ’ko, a zo lo; naa, sin, mi faa do do a kɛlɛna, é dɔ a bli gi fɛan zo lé é a é zima, a zo;

Bélidɔwesɛbɛ Fiézan 14:23

Fɛna do lé Gakelebale, kalé Bale é dan a si lɛ a va yé ’é tɔ pa a ma, ka dan go lɛ kalé fɛvuzannu nya ’bɛna; kalé ’sa vuzan koo, kalé dɔrɔ’yi vinin vuzan koo, kalé nyɔnɔ vuzan koo, kalé diri valé kalé ’blanu valé kalé bolinu lé né vininnu koo, ka dan wo ble lɛ ’bɛna; ’bɛ zo lé ka dan kanale Gakelebale, kalé Bale lee draan lɛ lɛɛfaama.

Bélidɔwesɛbɛ Fiézan 14:26

Dé i bɔ ’bɛna, i dan ilé blibɔmafɛ faa lɔ lɛ gɔɔli ’ko nya, dé diri léé, dé ’bla léé, dé nwɛ léé, dé dɔrɔ léé, fɛ faa lé é i gi nana, i dan a lɔ lɛ yé i dan a ble lɛ Gakelebale, ilé Bale ’lɛ, yé i gi é dan nana lɛ, bii valé ilé munu nya.

Bélidɔwesɛbɛ Fiézan 15:20

Lɛɛ faa do do gi bii valé ilé kɔngimunu é dan wo ble lɛ Gakelebale ilé Bale ’lɛ, fɛna do lé é dan ana si lɛ a va, ana.

Bélidɔwesɛbɛ Fiézan 26:11

’Bɛ zuo i gi é dan nana lɛ fɛ zinnu faa lé Gakelebale, ilé Bale a nɔ bii valé ilé munu lɛ, wolé we ma, ’té Lévimi valé bɛn bɛnu lé é ke ka va, ’té wo gi éé nanaan é ziin ka va.

Bélidɔwesɛbɛ Fiézan 27:7

’ka bɔvɔ sarakanu bo ’bɛna é ziin, yé ’ka fɛ ble ’bɛna, yé ka gi ’é nana Gakelebale, kalé Bale ’lɛ.

Bélidɔwesɛbɛ Fiézan 28:47

Bléyian va lé fɛ kiɛre faa a ka lee, ka ’ka Gakelebale, kalé Bale bɔ lɛ ginanale valé bli zin nya lo,

Filip munu 4:4

Ka gi ’é nana yifaama Mizan gi; Maa a taa fé léé, ka gi ’é nana ma.