Bélidɔwesɛbɛ Fiézan 12:6 - Kazambale lé Sebe Sauunu 1979

⁶ ’Bɛna lé ka dan Bale ban lɛ; kalé balebanwinu lé wa kyɛ blé koo, kalé sarakanu koo, kalé fɛvuzannu koo, kalé féifɛ vininzannu koo, kalé bale kunle lɛ sɔɔ sarakanu koo, kalé bli drɔɔ blɛnu koo, kalé dirinu valé kalé bolinu lé né vininnu koo, ka dan wo nɔ lɛ yee ɛ na.

Bélidɔwesɛbɛ Fiézan 12:6 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 31:14

Lévi mi Jimina be Koré a gɔrɔ ’léé tabinzan nya yirinwanazia. Blɛ drɔɔ lé munu a kɛlɛ Gakelebale lɛ, é a ’bɛ nwiinzan nya é ziin. Yee ɛ Gakelebale banfɛnu valé a ’lɛfɛ plɛplɛnu no.

2 Minwiinmunu lé Wezuofe Sɛbɛ 7:12

Gakelebale bɔra Salomɔn va é béli, yé é lé a lɛ léé: Maa ilé bazoro dére ’ma, yé maa fɛkona si a va léé, ’wo saraka bo ana an lɛ.

Ezidras 3:2

Josadak be Jozué valé é bwenu Balebanzannu koo, Séaltiɛl be Zorobabɛl valé é bwenu koo, wo nwa yé wo Izraɛl lé Bale banna kɛlɛ, balebanwi lé wa kyɛ blé, a nɔle ana we ma, wean wa gyɛ Bale lé mi Moizi lé bélidɔwe gi, a yɛrama.

Néémi 10:36

Ko fe é ziin léé, ko dan da lɛ kolé négɔné vininnu koo, kolé winu lé né vininnu koo, kolé diri lé né vininnu valé kolé ’bla lé né vininnu koo, wo nya, Balebanzannu lé wo ke nyanama pana kolé Bale lé kɔn gi, wo lɛ, fɛan zo lé wa gyɛ bélidɔwe sɛbɛ gi, a zo.

Néémi 10:39

Naa, kolé blɛnu lé ke ’sa koo, dɔrɔ’yi vinin koo, nyɔnɔ koo, wo nya, Izraɛlnu valé Lévi benu ’é go wo nya kɔnmi ’konu zi; ana lé Bale lé kɔn gi nyanamapafɛnu ke; Balebanzannu lé woo nyanama paan koo, kɔntayuɛpazannu koo, lɛrɛvɔzannu koo, ana lé woo dɔa. ’Ko zo lé ko dére kɛlɛ do léé, ko ’ka dan sɔn vɔ lɛ kolé Bale lé kɔn ma lo.

Lɛrɛvɔ Sɛbɛ 116:17

Maa dan i ban lɛ i bɔvɔle nya, Yé an dan Gakelebale laa lɛ é tɔ nya.

Ézékiɛl 20:40

Naa, Mizan Gakelebale léma: Izraɛl munu faa valé munu faa lé wo ke tɛrɛ ’ko la, wo dan an bɔ lɛ anlé gɔ sauun, Izraɛl gɔ torole nwiin. ’Bɛna lé maa dan ka si lɛ ginanale nya, yé an bli é dan vo lɛ kalé blɛfɛnu koo, kalé féifɛ vininnu koo, fɛnu faa lé ka wo pa é yɛrama anzé nya koo, wo lɛ.

Lévinu 1:3

Dé diri lé é dan a nɔ lɛ balebanwi lé wa kyɛ blé, a nya, a gɔné lé, we do kpen ’ka a ma lo, ’é yee ɛ nɔ; é a nɔ zén‐ékevasɔkɔn ’léé, Gakelebale ’lɛ, Gakelebale kɛlɛle a zinzan nya we gi.

Malasi 3:10

’Ka da kalé fɛvuzannu faa nya fɛwezan tadɔkɔn gi, léé, fɛblele ’é kɛlɛ anlé kɔn gi; lai sunyanu lé Gakelebale léé: ’Ka an gi dan a nɔle nya, yé ka dan a ye lɛ léé, maa la lɛ so ka lɛ yé maa ka drɔɔ vo fɔɔ, yé é gié é glɛ la.

Malasi 3:8

Mi éé dabli kɛla Bale lɛɛ? Naa, ka dabli kɛlɛ an lɛ. Yé ka léé: Ko dabli kɛlɛ i lɛ kaa? Ka dabli kɛlɛ an lɛ kalé fɛvuzan valé blɛfɛ nɔle nya.

WENÉNÉ LÉ LUK A GYE (Évangile selon Luc) 11:42

Farizimunu, ka gale nyɔ. Zian va blaanu lé wo ke mant valé ru nya, é valé ziannu koo, ka wo vuzan no, yé ka Kazambale lé we tegele valé é lɔrɔpale vo ka bɛ zuo; é a lé ’ka bɛnu é kɛlɛ, yé té ka a vininzannu kɛlɛle vo lo.

WENÉNÉ LÉ LUK A GYE (Évangile selon Luc) 18:12

maa lɔrɔ sɔn‐o flɛyi do gɔnɔ fié; fɛnu faa lé maa wo yé, maa wo vuzan no i lɛ.

Bélidɔwesɛbɛ Fiézan 12:17

Kalé ’savuzan koo, kalé dɔrɔ’yi vinin vuzan koo, kalé nyɔnɔ koo, kalé dirinu lé né vinin zannu koo, kalé ’bla valé kalé boli lé né vininzannu koo, kalé bale kunle lɛ sɔɔ sarakanu koo, kalé bli drɔɔ blɛ koo, kalé féifɛ vininnu koo, té ka wo do kpen ble fla lo.

Bélidɔwesɛbɛ Fiézan 26:2

kalé tɛrɛ lé Gakelebale, kalé Bale a nɔ ka lɛ, ka dan a ta féifɛ vininnu faa si lɛ yé ka wo pa kyɛɛ gi yé ka go wo nya fɛna do lé Gakelebale, kalé Bale é dan a si lɛ a va é tɔ pale a ma we ma, ana.

Jozué 22:27

naa, ko kɛlɛ wenayefɛ nya ko valé ka méléna, ko kulunu valé ka kulunu méléna, léé, ko Gakelebale bɔa ’é bɔna, kolé balebanwinu kyɛblele koo, kolé wenyané ’yibo saraka valé kolé bɔvɔ saraka bole koo, wo nya, té ka benu a fe yi do nya ko benu lɛ léé, kazé ’ka Gakelebale va lo lo.

1 Samuɛl 1:21

A zana Elkana valé élé kɔngimunu faa go Gakelebale lé lɛɛ do do gi saraka bo lɛ, ’bɛ valé alé bale kunle lɛ sɔɔle we ma.

1 Samuɛl 1:24

Né si nyɔ ma aan wo, Ane go a nya é lee, yé dirigɔné yaa koo, burupun vlekyɛɛ do koo, nwɛ kuo do koo, é go wo nya é lee. É go né nya Gakelebale lé kɔn gi Silo; naa, né a tan kiéné.