Bélidɔwesɛbɛ Fiézan 12:5 - Kazambale lé Sebe Sauunu 1979

⁵ ’Ka a nagini é nyanana, fɛna do lé Gakelebale, kalé Bale é dan a si lɛ ézé nya ka bɛnnu faa va, yé é tɔ pa a ma, ’ka go yee ɛ na.

Bélidɔwesɛbɛ Fiézan 12:5 ပူးပေါင်းရင်းမြစ်များ

1 Minwiinzannu 12:27

Dé munu ’ko go Jérusalɛm saraka bo lɛ Gakelebale lé kɔn gi, munu ’ko bli é dan nɔla lɛ ’wozan, Juda munu nwiinzan Roboam va, yé wo dan maa gyɛ lɛ yé wo dan nɔla lɛ Juda munu nwiinzan Roboam va.

1 Minwiinzannu 14:21

Salomɔn be Roboam pla Juda nwiin. Bléyian va lé é kinin minwiinzan nya, ’té a lɛɛ a yɔ fié wɔlɛ do, yé é pla munu nwiin lɛɛ vu ta sɔrafié Jérusalɛm, fla lé Gakelebale a si Izraɛl bɛnnu faa va é tɔ pale a ma we gi, a ta. Wa bu tɔ laama Naama, Amɔn le lé.

1 Minwiinzannu 8:16

É sia yian nya lé maa anlé munu Izraɛl si Éjipiti tɛrɛ la fɔɔ kyɔ, maa ’ka fla do si lɛ a va Izraɛl bɛngɔnɔnu faa va, léé, ’wo kɔn dɔ ana an tɔ nya lo, naa, maa David si a va léé, ’é pla anlé munu Izraɛl nwiin.

1 Minwiinzannu 8:20

Gakelebale dérean fe, é a lɛ sɔɔ. Maa nwa an ti David pa gi, yé an nyana Izraɛl minwiinzan blɛn lé blin ta, Gakelebale a fe fɛan zo, a zo, yé an kɔn ’ko dɔ Gakelebale Izraɛl lé Bale tɔ nya.

1 Minwiinzannu 8:27

Ii! Bale é dan nyana lɛ tɛrɛ la webozen nyaa? Bé ye, i ’ka sɔa lanu valé la zi lanu gi lo ’naan, kɔn lé maa a dɔ i lɛ ’ko, i dan sɔ lɛ ’bɛ gii?

1 Minwiinzannu 8:29

Kɔn ’ko, fɛna lé bé ma we fe léé, ana lé ’é tɔ é dan kɛlɛ lɛ, i yuɛ ’é vo é fuole a va bladi nyanadi ma. Ba lé i leezan a zorona fɛkona, ’i tɔné dɔ a lɛ ma.

2 Minwiinzannu 18:22

Dé i dan a fe lɛ an lɛ léé, ’wo pale a Gakelebale ’wozé Bale ɛ taa? A bannanu valé alé gɔ nwiin yobannanu lé Ézékia a sɛrɛ ’té é a fé Judanu valé Jérusalɛm munu lɛ léé, ’wo dia ’wo bli la balebanna lé ke Jérusalɛm, yee do kpen ɛ ’lɛ, yee Bale kaan loo?

Minwiinzannu lé Wezuofe Sɛbɛ 22:1

Yé David léé: Bale, Gakelebale lé kɔn é dan kɛlɛ lɛ fɛ ’ko ɛ na, yé balebanna lé woo balebanwi kyɛ blé ana, é dan kɛlɛ lɛ fɛ ’ko ɛ na.

2 Minwiinmunu lé Wezuofe Sɛbɛ 7:12

Gakelebale bɔra Salomɔn va é béli, yé é lé a lɛ léé: Maa ilé bazoro dére ’ma, yé maa fɛkona si a va léé, ’wo saraka bo ana an lɛ.

Ezidras 3:2

Josadak be Jozué valé é bwenu Balebanzannu koo, Séaltiɛl be Zorobabɛl valé é bwenu koo, wo nwa yé wo Izraɛl lé Bale banna kɛlɛ, balebanwi lé wa kyɛ blé, a nɔle ana we ma, wean wa gyɛ Bale lé mi Moizi lé bélidɔwe gi, a yɛrama.

Ezidras 6:12

Dé é a minwiinzan blɛn do nyaoo, dé é a bɛn do nyaoo, dé é an dére lɛgama, dé é Bale lé kɔn ’ko sɛrɛ Jérusalɛm Bale lé é tɔ pa fɛkona ma, ’é ’bɛzan gyɛ ma. Maa, Darius, maa we ’ko fe. ’Wa lɛdɔma é kele.

Ezidras 7:17

’Bɛ lé we ma lé dirigɔnénu koo, ’blagɔnénu koo, ’blanénu koo, fɛnu faa lé wo ma we ke wo gi balebanfɛnu valé baleban’yinu nya bɛ, ’i wo lɔ gɔɔli ’ko nya tegele, yé ’i wo pla kalé Bale lé ke Jérusalɛm, alé kɔn gi balebanna ta.

Néémi 1:9

naa, dé ka da an va é ziin, yé dé ka an sɔnnénu pa yé dé ka wo ta tawo, dé wo ka bin fɔɔ yé ka bɔ la glɛ sinaoo, maa dan ka si lɛ ’bɛna yé maa ka zén ékeva, yé fɛ lé maa ana si a va an tɔ pale ’bɛna we ma, maa dan da lɛ ka nya ’bɛna é ziin.

Lɛrɛvɔ Sɛbɛ 78:68

É Juda bɛn si a va ézé nya, Siɔn gɔblɛn lé, é sɔ a lɛ, é a si.

Fwile 15:2

Gakelebale a anlé plɛplɛ nya, yé yee ɛ tɔ zin lé maa a fé; Yee ɛ an si we gi. É a anlé Bale nya; maa dan a kɛlɛ lɛ blɛn; É a an ti lé Bale nya; maa dan a tɔ bié lɛ.

Fwile 20:24

’I an banna kɛlɛ tɛrɛ nya, yé balebanwi lé wa kyɛ blé koo, ilé bɔvɔ sarakanu koo, ilé ’blanu koo, ilé dirinu koo, ’i an ban wo nya a ta. Dé maa an tɔ sele dɔ ka gi fɛofɛana, maa dan da lɛ i va ’bɛna, yé maa dan i drɔɔ vo lɛ.

Fwile 25:22

’Bɛna lé ko dan kee lɛ i nya; maa dan anlé bélidɔwenu faa nɔ lɛ i lɛ Izraɛl lé nénu zé nya, nyanai zé mi la nyanana ta loru, sérubɛnnu lé i wo dɔ wenayefɛ pagikɛsu ta, wo méléna.

Jérémi 26:2

Gakelebale léma: ’I dɔ Gakelebale lé kɔn gɔrɔ gi yé munu lé wo si Juda flanu faa la yé wo dia ’wo bli la Gakelebale lé kɔn gi, dérenu faa lé maa i béli dɔ a nya, bé fe wo lɛ. Té i paa a do kpen zi lo.

Jérémi 7:12

Amalé ’ka go fɛana ke é pale é yɛrama anzé nya Silo bɛ, ana, fɛana lé an tɔ ke é vinin, ana, yé wean maa a kɛlɛ a lɛ anlé munu Izraɛl lé we lɛrɛlɛrɛ kɛlɛle we ma, yé ka a ye.

Jérémi 7:14

Amalé kɔn lé woo an tɔ laan ana, ’té ka bli ke a lɛ, ’té maa ana nɔ ka valé ka tranu lɛ bɛ, maa dan we kɛlɛ lɛ a lɛ, maa a kɛlɛ Silo lɛ fɛan zo, a zo.

Lévinu 17:4

yé é ’ka da lɛ a nya zén‐ékevasɔkɔn ’léé, Gakelebale banle we gi Gakelebale lé sɔkɔn ’lɛ lo, ’té nyɛwe a mi ’ko nwiin; é nyɛ zana é pla, amalé wo dan mi ’ko si lɛ ’élé munu va.

Mi Nɔnɔle 7:89

Moizi wɔra zén‐ékevasɔkɔn gi bléyian va, wefele Gakelebale lɛ we ma, mi lé ke we fena nyanai zén mi ta nyanana lé ke gipawe pagikɛsu ta loru, é azan dére ’ma sérubɛn fié méléna. Yé é we fe Gakelebale lɛ.

Bélidɔwesɛbɛ Fiézan 12:11

Yé Gakelebale, kalé Bale, é dan fɛ do na si lɛ yé é dan ’é tɔ pa lɛ a ma. Fɛ faa lé maa a fena ka lɛ kyɔ, ka dan da lɛ wo nya yee ɛ na; kalé winu lé wa kyɛ blé koo, kalé sarakanu koo, kalé fɛvuzannu koo, kalé féifɛ vininnu koo, kalé bale kunle lɛ sɔɔ sarakanu koo, ka dan da lɛ wo nya yee ɛ na.

Bélidɔwesɛbɛ Fiézan 12:13

’Ka yuɛ pa kabozen va, winu lé wa kyɛ blé, té ka wo nɔ fɛna planu na lo;

Bélidɔwesɛbɛ Fiézan 12:18

Naa, ka dan ’bɛnu ble lɛ Gakelebale, kalé Bale ’lɛ, fɛ lé Gakelebale, kalé Bale é dan a si lɛ a va, ana; ka koo, ka benu valé ka lunu koo, ka wuogɔnénu valé ka wuolomu koo, Lévimi lé ke ka va koo, ’ka a ble wo nya; Gakelebale, kalé Bale ’lɛ lé ka gi é dan nana lɛ, fuafɛnu faa lé ke ka lee, wo ma.

Bélidɔwesɛbɛ Fiézan 12:4

Ka ’ka dan Gakelebale kalé Bale zé kɛlɛ lɛ ’bɛ zo lo.

Bélidɔwesɛbɛ Fiézan 14:23

Fɛna do lé Gakelebale, kalé Bale é dan a si lɛ a va yé ’é tɔ pa a ma, ka dan go lɛ kalé fɛvuzannu nya ’bɛna; kalé ’sa vuzan koo, kalé dɔrɔ’yi vinin vuzan koo, kalé nyɔnɔ vuzan koo, kalé diri valé kalé ’blanu valé kalé bolinu lé né vininnu koo, ka dan wo ble lɛ ’bɛna; ’bɛ zo lé ka dan kanale Gakelebale, kalé Bale lee draan lɛ lɛɛfaama.

Bélidɔwesɛbɛ Fiézan 14:24

Fɛna do lé Gakelebale, kalé Bale é dan ana si lɛ a va yé ’é tɔ pa a ma, dé ’bɛ a i ma baa, dé Bale ilé féi drɔɔ vo yé zi grɔgrɔ lé we ma lé i ’ka bɔa gole lɛ ilé fɛvuzan nya ana lo, we lé i dan a kɛlɛ lɛ, yee lé ke ’ko:

Bélidɔwesɛbɛ Fiézan 15:20

Lɛɛ faa do do gi bii valé ilé kɔngimunu é dan wo ble lɛ Gakelebale ilé Bale ’lɛ, fɛna do lé é dan ana si lɛ a va, ana.

Bélidɔwesɛbɛ Fiézan 16:11

I gi é dan nana lɛ Gakelebale ilé Bale ’lɛ, fɛna do lé Gakelebale, ilé Bale é dan a si lɛ a va ’é tɔ pale a ma we gi, ana; bii koo, i be koo, i lu koo, i wuogɔné koo, i wuole koo, Lévi mi lé é ke é nyanale ka va koo, bɛn bɛ mi koo, ti valé bugalazan valé zanagalale lé ke ka va koo, ka faa gi ’é nana wo nya.

Bélidɔwesɛbɛ Fiézan 16:15

Ka dan fɛti ’ko kɛlɛ lɛ yi sɔrafié, Gakelebale, kalé Bale bɔle we gi, fɛna do lé Gakelebale, kalé Bale é dan a si lɛ a va, ana; naa, Gakelebale, kalé Bale é dan kalé féinu faa valé kalé nyanama faa drɔɔ vo lɛ, yé ka dan kabo faa nɔ lɛ gi nanale lɛ.

Bélidɔwesɛbɛ Fiézan 16:2

Ka dan Gakelebale, kalé Bale ban lɛ, mitabo dirinu valé ’blanu valé bolinu nya, fɛna do lé Gakelebale é dan ana si lɛ a va yé ’é tɔ pa a ma, ana.

Bélidɔwesɛbɛ Fiézan 16:6

naa, fɛna lé Gakelebale, kalé Bale é dan a si lɛ a va yé é tɔ pa a ma, ka dan saraka bo lɛ Tabowi nya yee ɛ na; ’ka a bo nyanadi, yiri vɔ bléyi va, bléyian va lé ka si Éjipiti tɛrɛ la, ’bɛ bléyi nya.

Bélidɔwesɛbɛ Fiézan 16:7

’Ka Tabowi dɔne yé ’ka a ble, fɛna do lé Gakelebale, kalé Bale é dan ana si lɛ a va, ana. ’Bɛ é tu kini ’ka nɔla yé ’ka go kalé fla.

Bélidɔwesɛbɛ Fiézan 17:8

Dé we do bɔ, dé migyɛwe léé, dé wesiale léé, dé mituowe léé, dé a blele kɛlɛ tɔntɔn ka ma, yé é a kɛlɛna zɔdɔwe nya kalé fla, ’ka nwa yé ’ka go fɛna lé Gakelebale, kalé Bale é dan si lɛ a va, ana.

Bélidɔwesɛbɛ Fiézan 18:6

Dé Lévi mi do si fɛofɛana lé é nyana Izraɛl tɛrɛ la, ana, yé é go ébo blibɔmale yɛrama fɛna do lé Gakelebale a si a va, ana,

Bélidɔwesɛbɛ Fiézan 26:2

kalé tɛrɛ lé Gakelebale, kalé Bale a nɔ ka lɛ, ka dan a ta féifɛ vininnu faa si lɛ yé ka wo pa kyɛɛ gi yé ka go wo nya fɛna do lé Gakelebale, kalé Bale é dan a si lɛ a va é tɔ pale a ma we ma, ana.

Bélidɔwesɛbɛ Fiézan 31:11

bléyian va lé Izraɛl faa éé dan Gakelebale, kalé Bale ’lɛ, fɛna do lé é a si a va, ana, ’bɛ bléyi va lé ka dan bélidɔwe ’ko ta fe lɛ Izraɛl faa lɛ, ’té wa maan.

Kolɔs munu 2:9

Naa, Krist kɔlɛ gi lé Kazambale dɔbɛ bozen lɛsɔɔlenu ke,

Ébrunu 12:22

Naa, ka a é biéle Siɔn gɔ sɔnɔ, Bale yuɛmale lé fla lé ke lagi Jérusalɛm nya koo, lanjenu kiɛre lé wo nɔnɔ ’léé ’ka lo, ’té wa fɛti kɛlɛna bɛ, woo koo,

Jozué 18:1

Izraɛl lé nénu faa zén ékeva Silo yé wo zén‐ékevasɔkɔn dɔ ’bɛna. Wo pla tɛrɛ nwiin.

Jozué 22:11

Izraɛl lé nénu a ’ma léé, wa fena léé, ka ye, Rubɛnnu koo, Gadnu koo, Manasé bɛn lɛgɔnɔ do koo, wo balebanna kɛlɛ Kanaan tɛrɛ yara ma, Juudɛn yuu gɔ la, Izraɛl lé nénu lé tɛrɛ bɛ do la.

Jozué 9:27

naa, a péli sia yi ’ko la, woo kyɛ fén gya, ’té woo ’yi tɔa munu valé Gakelebale banna zé nya, fɛ lé Gakelebale ana si a va ézé nya, ’bɛna; wo vo a kɛlɛna fɔɔ kyɔ.

Wegɔɔnle 14:1

Maa a naginina ’té ’Blané dɔ Siɔn gɔ nwiin, ’té mi baa yɔ yaa wɔlɛ vu ta fié lé, a tɔ valé a Ti tɔ ke é gyɛle wo yarapɛla, wa a va.