Bélidɔwesɛbɛ Fiézan 12:30 - Kazambale lé Sebe Sauunu 1979

³⁰ ’ka yuɛ pa kabozen va, kalé wo kulu gale zuo, té ka wo zuosona yé ka vɔ san ’léé lo. Té ka wolé balenu gi laa léé, bɛnnu ’ko, wo ’wozé balenu bɔa kaa? lo. É sɔ ’wo lɛ léé, ’wo ’wozé kɛlɛ a zo. Té ka fe lo.

Bélidɔwesɛbɛ Fiézan 12:30 ပူးပေါင်းရင်းမြစ်များ

2 Minwiinzannu 16:10

Minwiinzan blɛn Akaz go Damas wele Asiri nwiinzan blɛn Tiglat‐Pilézɛɛ va we gi. Balebanna lé ke Damas, minwiinzan Akaz a ye aan wo, é a kɛlɛbɛ valé a dɔbɛ pa Balebanzan Uri lɛ zia.

2 Minwiinzannu 17:15

Wo sɔn vɔ alé bélidɔwe koo, gipawe lé é a kɛlɛ wo tinu va koo, wenu lé é a pla wo lɛ koo, wo ma. Wo go boafɛnu zuo yé wobozen kɛlɛ boazannu nya, yé bɛnnu lé ke wo zi, wo go wo zuo, dɔlé ’té Gakelebale a yi ga wo lee léé, té ’wo wo zuo sona lo.

Fwile 23:24

Té i dia i bli la wolé balenu ’lɛ lo, té i wo bɔ lo; té i wolé tawobɛ zuo sona lo, naa, ’i wo guru zana a gi, yé ’i wolé miyilinu yéli.

Jérémi 10:2

Gakelebale léma: Té ka bɛnnu lé tawobɛ zuosona lo, Té ka lagi tɔmasenu kana pa lo Dɔlé ’té bɛnnu a kanana wo lee.

Ézékiɛl 11:12

Yé ka dan a gi dɔɔ lɛ léé, maa lé ke Gakelebale lé, ka ’ka a déretawenu kɛlɛ lɛ lo yé ka ’ka alé bélidɔwenu ta tawo lɛ lo, a nya; naa, ka we kɛlɛ bɛnnu lé wo ke ka zi, wolé bélidɔwe yɛrama.

Ézékiɛl 20:28

Tɛrɛ lé maa anbo ’nyɔɔn léé, maa a nɔ wo lɛ, maa go wo nya ana. Yé wo ’wo yuɛ vo gɔpané nwalenu faa lɛ, ’é valé yili kwɛɛvɔlenu faa lɛ; ’bɛna lé wo ’wolé sarakanu bo, yé blɛfɛnu lé woo an bli flian wo nya, wa nɔ ’bɛna. Wo ’wolé lasikɔrɔ gin nénézan kyɛ ble ’bɛna, yé woo ’yinu zana yo lɛ ’bɛna.

Ézékiɛl 20:32

Ka léma: É sɔ ’wo lɛ léé, ’wo kɛlɛ bélé bɛngɔnɔnu zo, bélé tɛrɛ bɛ tamunu zo. É sɔ ’wo lɛ léé, ’wo yili valé gɔlɛ ban. We ’ko lé é dɔ ka gi bɛ, a lɛ ’ka dan sɔɔ lɛ lo.

Lévinu 18:3

We lé wa kɛla Éjipiti tɛrɛ lé ka nyana a ta bɛ, ana, té ka kɛlɛ lo; we lé wa kɛla Kanaan tɛrɛ lé maa a gona ka nya a ta bɛ, ana, té ka kɛlɛ lo; té ka wolé gɔnɔlawe kɛlɛ lo.

Lévinu 18:30

’Ka an sɔnnénu pa, yé bozo gɔnɔlawenu lé woo wo kɛla ka ’lɛ, té ka wo do kpen kɛlɛ lo; té ka kabo tiri dɔ wo nya lo. Maa a Gakelebale, kalé Bale nya.

Mi Nɔnɔle 33:52

’ka ’bɛna tɛrɛ la munu faa bin ka ’lɛ, yé ’ka wolé miyili gɔlɛnu ’wii, yé foliɛwɔlɛ lé wa foli miyilinu nya, ’ka wo sɛrɛ tata, yé ’ka wolé gɔnwiin yobannanu sɛrɛ tata.

Rom munu 12:2

Té ka kabo kɛlɛ laomunu zo lo, naa, ka ’wuogibɔrɔle a fɛan zo bɛ, ’ka zi nɔ Bale lɛ yé é ’bɛ nɔla yé ’bɛna lé ’ka kɛlɛ é yɛrama, yé ka bɔ Kazambale lé blibɔmawe dɔɔle lɛ; yee ɛ ke é zima, yee ɛ ke é sɔke, gun ’ka yee ɛ ma lo.

Éfez munu 4:17

We lé maa a fé, ’té maa a plaan ka lɛ Mizan tɔ nya, yee lé é ke ’ko: Yolémunu lé woo tawoo boblɛn ’wuogibɔrɔlenu yɛrama bɛ, té ka tawo é dɛrɛ wo zo lo.

Bélidɔwesɛbɛ Fiézan 11:16

’Ka yuɛ pa kabozen va é zima, dé Bale é da sɛrɛ ka gi yé ka nɔla yé ka bale bɛnu bɔ yé ka dia wo wuo.

Bélidɔwesɛbɛ Fiézan 12:29

Bɛnnu lé ka dan go lɛ wo bin lɛ, dé ka wo bin, dé Gakelebale, kalé Bale wo si ana tata, ’té dé ka suni wɔra wolé tɛrɛ la,

Bélidɔwesɛbɛ Fiézan 12:31

Té ka kɛlɛ ’bɛ zo Gakelebale, kalé Bale vazia lo; naa, wo ’wozé balenu bɔa, bozowe lé a gin éé dɔa Gakelebale nyé gi, a kɛlɛle nya; dé é a wo benu valé wo lunu kyɛblele nya wolé balenu bɔle we gioo, wa kɛla.

Bélidɔwesɛbɛ Fiézan 18:9

Dé ka bɔ tɛrɛ lé Gakelebale, kalé Bale a nɔ ka lɛ, a ta, té ka ’bɛna bɛnnu lé bozowenu zuosona lo.

Bélidɔwesɛbɛ Fiézan 20:18

Dé ka kɛlɛ a zo, wolé bozowenu lé wa kɛlɛna wolé balebɔwenu nya bɛ, ka ’ka dan wo zuosona lɛ lo, yé ka ’ka dan wenyané kɛlɛ lɛ Gakelebale, kalé Bale ma lo.

Bélidɔwesɛbɛ Fiézan 7:16

Bɛnnu faa lé Gakelebale, kalé Bale é dan wo pa lɛ ka lee, ’ka wo gyɛ; té ka nyanai zén wo ta lo, té ka wolé balenu bɔ lo, naa, é dan kɛlɛ lɛ ka kunsan nya, ’bɛzama.