Bélidɔwesɛbɛ Fiézan 12:3 - Kazambale lé Sebe Sauunu 1979

³ Ka dan wolé yobannanu zana lɛ a gi, ’ka wolé yowɔlɛnu sɛrɛ, ’ka wolé miyilinu kyɛ ble, ’ka wolé yoyilinu yéli, yé ’ka wo tɔnu si fɛkonanu ma.

Bélidɔwesɛbɛ Fiézan 12:3 ပူးပေါင်းရင်းမြစ်များ

1 Minwiinzannu 14:15

Gakelebale é dan Izraɛl bla lɛ, yé é dan kɛlɛ lɛ bélé gyan lé ’yinu a nyɔɔn‐an, a zo; tɛrɛ zima lé é a nɔ Izraɛl tranu lɛ, é dan a si lɛ Izraɛl lee, yé é dan wo nwɛɛn lɛ yuu zi, wo miyilinu kɛlɛ yé wo Gakelebale bli fli, azama.

1 Minwiinzannu 15:13

A bu segele Maaka miyili kɛlɛ Asataté zé nya amalé dé é a a bu segele nyaoo, é kɛlɛle minwiinle nya se si a lee. Aza alé miyili sɛrɛ yé é a kyɛ ble Sédrɔn yuu ma.

2 Minwiinzannu 11:18

Ana tɛrɛlamunu faa wɔra Baal lé kɔn gi, yé wa sɛrɛ; wo a bannanu valé alé miyilinu ’wii yé wo Baalbanzan Matan gyɛ é banna ’lɛ. Balebanzan Jéojada Gakelebale lé kɔn tabinzannu dɔ.

2 Minwiinzannu 18:4

É gɔ nwiin yobannanu sɛrɛ, yé é miyilinu yéli yé é yo ’wuo ’wii, yé zénéméné lé Moizi a kɛlɛ é ’bɛ yéli télétéléné, naa, Izraɛl lé nénu éé lasikɔrɔ kyɛ blé a lɛ yifaama; wa laama Néusitan.

2 Minwiinzannu 23:14

Jozias miyilinu yéli yé é yo’wuo ’wii, yé fɛana lé wo ke, é ana fan miwɔlɛnu nya.

2 Minwiinmunu lé Wezuofe Sɛbɛ 14:2

É bɛn bɛnu lé balebannanu valé gɔ nwiin yobanna si ana; é yo’wuonu ’wii yé é miyilinu sɛrɛ.

2 Minwiinmunu lé Wezuofe Sɛbɛ 14:3

É lé Judanu lɛ léé, ’wo Gakelebale ’wo tranu lé Bale nagini, yé ’wo tawo alé bélidɔwenu ta yé ’wa sɔnnénu pa.

2 Minwiinmunu lé Wezuofe Sɛbɛ 19:3

Duowo, i bli giwe a é zima; naa, i miyilinu si ilé tɛrɛ la yé i yara pa Bale naginile ta.

2 Minwiinmunu lé Wezuofe Sɛbɛ 31:1

’Bɛ faa lɛsɔɔle zuo, Izraɛlnu faa lé ke ana mi, wo si ana yé wo go Juda flanu ta. Yé wo yobɔnu ’wii yé wo miyilinu dia, yé gɔ nwiin yobanna valé miyili bannanu lé ke Juda valé Bɛnjamɛn tɛrɛnu ta koo, Éfraim valé Manasé tɛrɛnu faa ta koo, wona, wo wo guru zana a gi. ’Bɛ zuo, Izraɛlnu faa nɔla wo pa gi wolé flanu ta; wo faa do do go ’wo nyanana.

2 Minwiinmunu lé Wezuofe Sɛbɛ 34:3

Jozias plale mi nwiin lɛɛ sɔraazan nya, bléyian va lé é a tan mi boroné nya, é kun é tra David lé Bale naginile ma; yé a plale mi nwiin lɛɛ vu ta fiézan nya é kun gɔ nwiin yobannanu koo, miyilinu koo, yofotonu koo, fɛfoto serelenu koo, wo sile ma Juda tɛrɛ la valé Jérusalɛm, ana kɛlɛle tegele we ma.

Lɛrɛvɔ Sɛbɛ 16:4

Wo miyilinu kɛlɛ di, yé woo vlanburuwo bale bɛnu zuo; Nyɛ lé wa zanaan yobanfɛ nya, maa ’ka ’bɛ zanaan lo. Maa wo tɔ fé an lɔlu nyaa? Pelo!

Fwile 23:13

We faa lé maa a fe ka lɛ, ka dan a kɛlɛ lɛ, yé té ka bale bɛnu tɔ fe lo; té wa ’ma boenwo ka ’léé monomono lo.

Fwile 23:24

Té i dia i bli la wolé balenu ’lɛ lo, té i wo bɔ lo; té i wolé tawobɛ zuo sona lo, naa, ’i wo guru zana a gi, yé ’i wolé miyilinu yéli.

Fwile 34:13

Ka dan wolé balebannanu yara bua lɛ, ka dan wolé yofotonu ’wii lɛ yé ka dan wolé miyilinu yéli lɛ.

Ézai 27:9

’Bɛ zo lé Bale é dan Jakɔb lé wenyané ’yibo lɛ; a ma we vole alé wenyanénu ma tɔnɔ é dan kɛlɛ lɛ ’ko zo: é dan yobannanu lé gɔlɛnu kɛlɛ lɛ é vun nya; Asataté miyilinu valé yiribɔnu, wo ’ka dan nwa lɛ é dɛrɛ lo.

Jérémi 17:2

Woo bɔn‐in bɔrɔan wolé nénu ma fɛan zo, a zo duo lé woo bɔn‐in bɔrɔan wolé balebannanu ma, yé a zo duo lé woo bɔn‐in bɔrɔan wolé miyilinu lé wa laama Asataté, ’té woo wo dɔa yili drɔɔdrɔɔnu wuo, ’bɛ valé gɔpanénu nwiin bɛ, wo ma.

OZÉ (Osée) 2:17

’Bɛna lé maa dan alé dɔrɔféinu nɔ lɛ a lɛ, yé maa dan Akɔɔ pɛnguru gi nɔ lɛ a lɛ léé, sin, zi a a lɛ, yé ’bɛna lé é dan lɛrɛ vɔ lɛ bélé a boroné la bléyi va zé zo, bélé a sile Éjipiti tɛrɛ la bléyi va zé zo.

Misé 5:14

Bɛnnu lé wo ’ka ’wo tɔné dɔ lɛ an lɛ lo, maa dan anzé lɛgi pa lɛ wo ma, blifllile valé wɛwɛ dɔle nya.

Zakari 13:2

Lai sunyanu lé Gakelebale léma: ’Bɛ yi la maa dan miyilinu tɔ yi ga lɛ tɛrɛ ’ko la, léé, té wo sele é dɔ mi gi é dɛrɛ lo. Balelayezannu koo, bli tiridɔlenu koo, maa dan wo si lɛ tɛrɛ ’ko ta.

Mi Nɔnɔle 33:52

’ka ’bɛna tɛrɛ la munu faa bin ka ’lɛ, yé ’ka wolé miyili gɔlɛnu ’wii, yé foliɛwɔlɛ lé wa foli miyilinu nya, ’ka wo sɛrɛ tata, yé ’ka wolé gɔnwiin yobannanu sɛrɛ tata.

Bélidɔwesɛbɛ Fiézan 12:4

Ka ’ka dan Gakelebale kalé Bale zé kɛlɛ lɛ ’bɛ zo lo.

Bélidɔwesɛbɛ Fiézan 7:25

Wolé miyilinu lé ke wolé balenu nya, ka dan wo kyɛ ble lɛ. Té ka bli é bɔ wo ma gɔɔlifu valé wo ma kyan ma lo, té ka a si lo, dé é da kɛlɛ ka kunsan nya; wa bélé bo zo Gakelebale, kalé Bale yuɛ gi.

Bélidɔwesɛbɛ Fiézan 7:5

We lé ka dan a kɛlɛ lɛ wo vazia, yee lé ke ’ko: ka dan wolé yobannanu zana lɛ a gi, ka dan wolé yowɔlɛnu sɛrɛ lɛ, ka dan wolé miyilinu yéli lɛ, yé ka dan wolé yonu kyɛ ble lɛ.

Wegɔɔnle 13:1

A zuo, an wi do ye sina wɛyi va, a béli a vu yé a ’wuo a sɔrafié, yé kyankoro vu a a bélinu ta, yé Bale sɔnɔ tɔnu a é gyɛle a wuonu ma.

Weblezannu 2:2

yé ’kaa, té ka gi pa do tɛrɛ ’ko la munu va lo, ka dan wolé yobannu zana lɛ. Naa, ka ’ka an dére lɛdɔ lɛ a ma lo. Mɛmalé ka kɛlɛ ’bɛ zoo?