Bélidɔwesɛbɛ Fiézan 12:12 - Kazambale lé Sebe Sauunu 1979

¹² ’Bɛna lé ka koo, ka benu valé ka lunu koo, ka wuogɔnénu valé ka wuolomu koo, ka gi é dan nana lɛ Gakelebale, kalé Bale ’lɛ; dé Lévimi a ka va, yee koo é ziin, naa, azé fɛ do ’ka ka va lo, yé ka valé wonu lé tɔnɔ ’ka ékeva lo, ’bɛzama.

Bélidɔwesɛbɛ Fiézan 12:12 ပူးပေါင်းရင်းမြစ်များ

1 Minwiinzannu 8:66

A yi sɔraazan nya Salomɔn munu pa zia. Wo minwiinzan blɛn drɔɔ vo yé wo faa go ’wolé kɔn ’léé ’wo gi nanale valé ’wo bli drɔɔ nya, wezin faa lé Gakelebale a kɛlɛ é wuozan David valé élé munu Izraɛl lɛ, a we ma.

2 Minwiinmunu lé Wezuofe Sɛbɛ 29:36

Ézékia valé munu faa gi nana léé, Bale bli zima vɔ munu gi, naa, we ’ko bɔ wo ma fiaa.

Néémi 8:9

Gbɔrɔnama Néémi koo, Ezidras lé ke Balebanzan valé sɛbɛgifezan nya, yee koo, Lévinu lé wo we paa munu gi koo, wo lé munu faa lɛ léé: Yi ’ko a Gakelebale, kalé Bale lé yi nyané nya; té ka kle pa kabo ta lo, té ka wuvɔ lo. Naa, munu faa lé wo bélidɔwe dérenu ’ko ’ma, wo wuvɔ.

Lɛrɛvɔ Sɛbɛ 147:1

’Ka Gakelebale tɔ zin fe. Naa, kozé Bale tɔ kɛlɛle blɛn a é zima, É a néné, a tɔ zin fele a é sɔke.

Lévinu 23:40

A yi vininzan nya, yili nɔnɔminu poro koo, yɔlaanu koo, yilikwɛɛnu koo, yuu gɔ la yilibɛnu koo, ka dan wo si lɛ yé ka dan gi nana zana gyɛ lɛ Gakelebale ’lɛ yi sɔrafié.

Mi Nɔnɔle 18:20

Gakelebale lé Arɔn lɛ léé: Té wolé tɛrɛlafɛ do kpen é kɛlɛ izé nya lo; ilé zarafɛ ’ka dan kɛlɛ lɛ wo va lo. Maa ɛ ke izé nya, ilé tɔnɔ nya Izraɛlnu va.

Mi Nɔnɔle 18:26

Bé fe Lévinu lɛ léma: Izraɛlnu lé fɛvuzannu lé maa a nɔ ka lɛ wo bɛ nya, ’té ka a ye kazé fɛ nya bɛ, ’ka Gakelebale ban a va fɛvuzan nya;

WENÉNÉ LE JAN A GYE (Évangile selon Jean) 13:8

Piɛri lé a lɛ léé: Gba, i ’ka an gane ma folié monomono lo. Jézu lé a lɛ léé: Dé maa ’ka i gane ma folié lo, ’té izé ’ka an va lo.

Kelewenu 8:21

I bli ’ka tegele Kazambale yuɛ gi lo, amalé izé do kpen ’ka we ’ko gi lo.

Bélidɔwesɛbɛ Fiézan 10:9

Bɛwemalé Lévinu lé tɔnɔ ’ka wo bwenu zé va lo; Gakelebale ɛ ke wolé tɔnɔfɛ nya, Gakelebale, kalé Bale a fe wo lɛ fɛan zo, a zo.

Bélidɔwesɛbɛ Fiézan 12:18

Naa, ka dan ’bɛnu ble lɛ Gakelebale, kalé Bale ’lɛ, fɛ lé Gakelebale, kalé Bale é dan a si lɛ a va, ana; ka koo, ka benu valé ka lunu koo, ka wuogɔnénu valé ka wuolomu koo, Lévimi lé ke ka va koo, ’ka a ble wo nya; Gakelebale, kalé Bale ’lɛ lé ka gi é dan nana lɛ, fuafɛnu faa lé ke ka lee, wo ma.

Bélidɔwesɛbɛ Fiézan 12:19

Dé ka mɔn kalé tɛrɛ la kaaoo, ’ka yuɛ pa kabozen va, té ka gi é san Lévinu ma lo.

Bélidɔwesɛbɛ Fiézan 12:7

Ka koo, kalé munu koo, ka dan fɛ ble lɛ Gakelebale ’lɛ yee ɛ na, yé ka gi é dan nana lɛ fɛ zinnu faa lé Gakelebale, kalé Bale ka drɔɔ vo wo nya, wo ma.

Bélidɔwesɛbɛ Fiézan 14:29

Yé Lévi mi lé é ’ka ’ézé tɔnɔfɛ ye lɛ ka va lo, yee koo, bɛn bɛ gi munu koo, ti valé bugalazannu koo, gyɛzaralomu koo, ’té wo ke ka va bɛ, wo dan a ble lɛ yé wo dan kan lɛ; ’ka kɛlɛ ’bɛ zo, Gakelebale, kalé Bale lé ka bɛ panyanama faa drɔɔ vole we gi.

Bélidɔwesɛbɛ Fiézan 16:11

I gi é dan nana lɛ Gakelebale ilé Bale ’lɛ, fɛna do lé Gakelebale, ilé Bale é dan a si lɛ a va ’é tɔ pale a ma we gi, ana; bii koo, i be koo, i lu koo, i wuogɔné koo, i wuole koo, Lévi mi lé é ke é nyanale ka va koo, bɛn bɛ mi koo, ti valé bugalazan valé zanagalale lé ke ka va koo, ka faa gi ’é nana wo nya.

Bélidɔwesɛbɛ Fiézan 16:14

Ka koo, ka benu valé ka lunu koo, ka wuogɔnénu valé ka wuolomu koo, Lévi mi koo, bɛn bɛ mi koo, ti valé bugalazannu valé zanagalalomu lé wo ke ka va koo, ka faa gi é dan nana lɛ fɛti ’ko yinu la.

Bélidɔwesɛbɛ Fiézan 18:6

Dé Lévi mi do si fɛofɛana lé é nyana Izraɛl tɛrɛ la, ana, yé é go ébo blibɔmale yɛrama fɛna do lé Gakelebale a si a va, ana,

Bélidɔwesɛbɛ Fiézan 26:11

’Bɛ zuo i gi é dan nana lɛ fɛ zinnu faa lé Gakelebale, ilé Bale a nɔ bii valé ilé munu lɛ, wolé we ma, ’té Lévimi valé bɛn bɛnu lé é ke ka va, ’té wo gi éé nanaan é ziin ka va.

Bélidɔwesɛbɛ Fiézan 26:12

Lɛɛ fié a yaazan gi, ’bɛ gi léé, fɛvuzan lé lɛɛ, dé ka nyaa kalé fɛnu faa vuzan sile nya, ka dan a nɔ lɛ Lévi mi koo, bɛn bɛ mi koo, ti valé bugalazan koo, zanagalale koo, wo lɛ; wo dan a ble lɛ yé wo dan kan lɛ kalé fɛna.

Bélidɔwesɛbɛ Fiézan 27:7

’ka bɔvɔ sarakanu bo ’bɛna é ziin, yé ’ka fɛ ble ’bɛna, yé ka gi ’é nana Gakelebale, kalé Bale ’lɛ.

Jozué 13:14

Lévi bɛn do kpen lɛ lé, Moizi ’ka tɛrɛ nɔ lɛ lo; wozé lé ke balebanfɛnu lé woo wo kyɛ blé Gakelebale Izraɛl lé Bale lɛ, wo nya, é a fe a lɛ fɛan zo a zo.

Jozué 13:33

Moizi ’ka tɛrɛ nɔ lɛ Lévinu lɛ lo; Gakelebale, Izraɛl lé Bale a wozé tɔnɔ nya, é a fe wo lɛ fɛan zo, a zo.

Jozué 14:4

Jozɛfu benu kɛlɛ bɛn fié nya, Manasé valé Éfraim lé; yé wo ’ka Lévinu zé nɔ lɛ ana tɛrɛ la lo, ’té dé é ’ka wo nyanalaflanu valé fla gini ma tɛrɛnu nya lo, wolé trubɛnu valé wolé fɛnu lé we ma.