Bélidɔwesɛbɛ Fiézan 12:11 - Kazambale lé Sebe Sauunu 1979

¹¹ Yé Gakelebale, kalé Bale, é dan fɛ do na si lɛ yé é dan ’é tɔ pa lɛ a ma. Fɛ faa lé maa a fena ka lɛ kyɔ, ka dan da lɛ wo nya yee ɛ na; kalé winu lé wa kyɛ blé koo, kalé sarakanu koo, kalé fɛvuzannu koo, kalé féifɛ vininnu koo, kalé bale kunle lɛ sɔɔ sarakanu koo, ka dan da lɛ wo nya yee ɛ na.

Bélidɔwesɛbɛ Fiézan 12:11 ပူးပေါင်းရင်းမြစ်များ

1 Minwiinzannu 12:27

Dé munu ’ko go Jérusalɛm saraka bo lɛ Gakelebale lé kɔn gi, munu ’ko bli é dan nɔla lɛ ’wozan, Juda munu nwiinzan Roboam va, yé wo dan maa gyɛ lɛ yé wo dan nɔla lɛ Juda munu nwiinzan Roboam va.

1 Minwiinzannu 8:13

Yé maa, maa i nyanagikɔn dɔ; é a fɛ lé i dan nyana lɛ ana lɛɛfaama, a glɛ ’ka lo, a nya.

1 Minwiinzannu 8:16

É sia yian nya lé maa anlé munu Izraɛl si Éjipiti tɛrɛ la fɔɔ kyɔ, maa ’ka fla do si lɛ a va Izraɛl bɛngɔnɔnu faa va, léé, ’wo kɔn dɔ ana an tɔ nya lo, naa, maa David si a va léé, ’é pla anlé munu Izraɛl nwiin.

1 Minwiinzannu 8:29

Kɔn ’ko, fɛna lé bé ma we fe léé, ana lé ’é tɔ é dan kɛlɛ lɛ, i yuɛ ’é vo é fuole a va bladi nyanadi ma. Ba lé i leezan a zorona fɛkona, ’i tɔné dɔ a lɛ ma.

2 Minwiinzannu 18:22

Dé i dan a fe lɛ an lɛ léé, ’wo pale a Gakelebale ’wozé Bale ɛ taa? A bannanu valé alé gɔ nwiin yobannanu lé Ézékia a sɛrɛ ’té é a fé Judanu valé Jérusalɛm munu lɛ léé, ’wo dia ’wo bli la balebanna lé ke Jérusalɛm, yee do kpen ɛ ’lɛ, yee Bale kaan loo?

Minwiinzannu lé Wezuofe Sɛbɛ 22:1

Yé David léé: Bale, Gakelebale lé kɔn é dan kɛlɛ lɛ fɛ ’ko ɛ na, yé balebanna lé woo balebanwi kyɛ blé ana, é dan kɛlɛ lɛ fɛ ’ko ɛ na.

2 Minwiinmunu lé Wezuofe Sɛbɛ 6:20

Kɔn ’ko, fɛna lé bé ma we fe léé, ana lé ’é tɔ é dan kɛlɛ lɛ, i yuɛ ’é vo é fuole a va bladi nyanadi ma. Ba lé i leezan a zorona fɛkona, ’i tɔné dɔ a lɛ ma.

2 Minwiinmunu lé Wezuofe Sɛbɛ 7:12

Gakelebale bɔra Salomɔn va é béli, yé é lé a lɛ léé: Maa ilé bazoro dére ’ma, yé maa fɛkona si a va léé, ’wo saraka bo ana an lɛ.

Ezidras 6:12

Dé é a minwiinzan blɛn do nyaoo, dé é a bɛn do nyaoo, dé é an dére lɛgama, dé é Bale lé kɔn ’ko sɛrɛ Jérusalɛm Bale lé é tɔ pa fɛkona ma, ’é ’bɛzan gyɛ ma. Maa, Darius, maa we ’ko fe. ’Wa lɛdɔma é kele.

Lɛrɛvɔ Sɛbɛ 100:2

’Ka Gakelebale bɔ ginanale nya, ’Ka go a ’lɛ ginanale blɛn nya,

Lɛrɛvɔ Sɛbɛ 116:17

Maa dan i ban lɛ i bɔvɔle nya, Yé an dan Gakelebale laa lɛ é tɔ nya.

Lɛrɛvɔ Sɛbɛ 66:13

An dan go lɛ ilé kɔn gi balebanwi lé wa kyɛ blé, a nya. Anlé balekundérenu lé maa a fe i lɛ, an dan wo lɛ sɔɔ lɛ;

Lɛrɛvɔ Sɛbɛ 78:68

É Juda bɛn si a va ézé nya, Siɔn gɔblɛn lé, é sɔ a lɛ, é a si.

Fwile 25:8

Wo dan anlé kɔn dɔ lɛ yé maa dan nyana lɛ wo méléna.

Fwile 29:45

Maa dan nyana lɛ Izraɛl lé nénu va, yé maa dan kɛlɛ lɛ wolé Bale nya.

Jérémi 7:12

Amalé ’ka go fɛana ke é pale é yɛrama anzé nya Silo bɛ, ana, fɛana lé an tɔ ke é vinin, ana, yé wean maa a kɛlɛ a lɛ anlé munu Izraɛl lé we lɛrɛlɛrɛ kɛlɛle we ma, yé ka a ye.

Lévinu 17:4

yé é ’ka da lɛ a nya zén‐ékevasɔkɔn ’léé, Gakelebale banle we gi Gakelebale lé sɔkɔn ’lɛ lo, ’té nyɛwe a mi ’ko nwiin; é nyɛ zana é pla, amalé wo dan mi ’ko si lɛ ’élé munu va.

Bélidɔwesɛbɛ Fiézan 12:13

’Ka yuɛ pa kabozen va, winu lé wa kyɛ blé, té ka wo nɔ fɛna planu na lo;

Bélidɔwesɛbɛ Fiézan 12:14

naa, winu lé wa kyɛ blé, ka dan wo nɔ lɛ fɛana lé Gakelebale é dan ana si lɛ ka bɛn do va, ana; we faa lé maa wo fe ka lɛ, ’bɛna lé ka dan wo kɛlɛ lɛ.

Bélidɔwesɛbɛ Fiézan 12:18

Naa, ka dan ’bɛnu ble lɛ Gakelebale, kalé Bale ’lɛ, fɛ lé Gakelebale, kalé Bale é dan a si lɛ a va, ana; ka koo, ka benu valé ka lunu koo, ka wuogɔnénu valé ka wuolomu koo, Lévimi lé ke ka va koo, ’ka a ble wo nya; Gakelebale, kalé Bale ’lɛ lé ka gi é dan nana lɛ, fuafɛnu faa lé ke ka lee, wo ma.

Bélidɔwesɛbɛ Fiézan 12:21

Fɛna do lé Gakelebale, kalé Bale é dan a si lɛ a va, yé é tɔ pa a ma, dé ’bɛ a baa ka ma, a se a ka lɛ léé, ka diri valé ’bla gyɛ, maa a fe ka lɛ fɛan zo, a zo, yé ka a ble kalé fla, é sɔ ka lɛ fɛan zo, a yɛrama.

Bélidɔwesɛbɛ Fiézan 12:26

Naa, fɛnu lé ka wo pa é yɛrama Bale zé nya, ’bɛ valé kalé bale kunle lɛ sɔɔ sarakanu nya, ka dan wo nɔ lɛ fɛ do lé Gakelebale é dan ana si lɛ a va, ana.

Bélidɔwesɛbɛ Fiézan 12:5

’Ka a nagini é nyanana, fɛna do lé Gakelebale, kalé Bale é dan a si lɛ ézé nya ka bɛnnu faa va, yé é tɔ pa a ma, ’ka go yee ɛ na.

Bélidɔwesɛbɛ Fiézan 14:23

Fɛna do lé Gakelebale, kalé Bale é dan a si lɛ a va yé ’é tɔ pa a ma, ka dan go lɛ kalé fɛvuzannu nya ’bɛna; kalé ’sa vuzan koo, kalé dɔrɔ’yi vinin vuzan koo, kalé nyɔnɔ vuzan koo, kalé diri valé kalé ’blanu valé kalé bolinu lé né vininnu koo, ka dan wo ble lɛ ’bɛna; ’bɛ zo lé ka dan kanale Gakelebale, kalé Bale lee draan lɛ lɛɛfaama.

Bélidɔwesɛbɛ Fiézan 15:19

Ilé dirinu koo, ilé ’blanu koo, ilé bolinu koo, wolé né vinin lé wa yaa gɔné nya, i dan wo faa nɔ lɛ Gakelebale, ilé Bale lɛ. Té i nyanama pa ilé diri lé né vinin nya lo; té ilé ’bla lé né vinin ma kyɛɛ bɔi lo.

Bélidɔwesɛbɛ Fiézan 15:20

Lɛɛ faa do do gi bii valé ilé kɔngimunu é dan wo ble lɛ Gakelebale ilé Bale ’lɛ, fɛna do lé é dan ana si lɛ a va, ana.

Bélidɔwesɛbɛ Fiézan 17:8

Dé we do bɔ, dé migyɛwe léé, dé wesiale léé, dé mituowe léé, dé a blele kɛlɛ tɔntɔn ka ma, yé é a kɛlɛna zɔdɔwe nya kalé fla, ’ka nwa yé ’ka go fɛna lé Gakelebale, kalé Bale é dan si lɛ a va, ana.

Bélidɔwesɛbɛ Fiézan 18:6

Dé Lévi mi do si fɛofɛana lé é nyana Izraɛl tɛrɛ la, ana, yé é go ébo blibɔmale yɛrama fɛna do lé Gakelebale a si a va, ana,

Bélidɔwesɛbɛ Fiézan 23:16

É dan nyana lɛ ka va, ka méléna, dé fɛana sɔ a lɛ, ana, dé é dɔ a gi léé, kalé fla‐an ke é zima ézé nyaoo, ’é nyana ana. Té ka yaa a ta lo.

Bélidɔwesɛbɛ Fiézan 26:2

kalé tɛrɛ lé Gakelebale, kalé Bale a nɔ ka lɛ, ka dan a ta féifɛ vininnu faa si lɛ yé ka wo pa kyɛɛ gi yé ka go wo nya fɛna do lé Gakelebale, kalé Bale é dan a si lɛ a va é tɔ pale a ma we ma, ana.

Bélidɔwesɛbɛ Fiézan 31:11

bléyian va lé Izraɛl faa éé dan Gakelebale, kalé Bale ’lɛ, fɛna do lé é a si a va, ana, ’bɛ bléyi va lé ka dan bélidɔwe ’ko ta fe lɛ Izraɛl faa lɛ, ’té wa maan.

Jozué 18:1

Izraɛl lé nénu faa zén ékeva Silo yé wo zén‐ékevasɔkɔn dɔ ’bɛna. Wo pla tɛrɛ nwiin.

Jozué 22:11

Izraɛl lé nénu a ’ma léé, wa fena léé, ka ye, Rubɛnnu koo, Gadnu koo, Manasé bɛn lɛgɔnɔ do koo, wo balebanna kɛlɛ Kanaan tɛrɛ yara ma, Juudɛn yuu gɔ la, Izraɛl lé nénu lé tɛrɛ bɛ do la.

Jozué 22:16

Gakelebale lé munu faa léma: Tɔnégiplɛplɛwe ’ko lé ka kɛlɛ Izraɛl lé Bale ma, ’bɛ gi lé nɔɔ? Yé mɛmalé ka diéra sin Gakelebale zuo yé ka balebanna kɛlɛ nwale Gakelebale ma we gi kyɔɔ?

Jozué 22:23

Dé ko balebanna dɔ diérale Gakelebale zuo we ma, dé ko a dɔ winu kyɛblele valé saraka bole a ta we ma, dé ko a dɔ Bale bɔvɔ saraka bole we ma, Gakelebale ’é a gi laa ko lee ma.

Jozué 22:27

naa, ko kɛlɛ wenayefɛ nya ko valé ka méléna, ko kulunu valé ka kulunu méléna, léé, ko Gakelebale bɔa ’é bɔna, kolé balebanwinu kyɛblele koo, kolé wenyané ’yibo saraka valé kolé bɔvɔ saraka bole koo, wo nya, té ka benu a fe yi do nya ko benu lɛ léé, kazé ’ka Gakelebale va lo lo.

Jozué 22:29

Nwale Gakelebale ma valé diérale Gakelebale zuo, ko gi bɔrɔle a ’bɛ ma baa; balebanna bɛ lé é ’ka Gakelebale kozé Bale zé lé ke é nyanana ’lɛ, a nya lo, a kɛlɛle balebanwi kyɛblele valé Bale banle valé saraka bole we gi, ko gi bɔrɔle a ’bɛ ma baa.

Jozué 9:27

naa, a péli sia yi ’ko la, woo kyɛ fén gya, ’té woo ’yi tɔa munu valé Gakelebale banna zé nya, fɛ lé Gakelebale ana si a va ézé nya, ’bɛna; wo vo a kɛlɛna fɔɔ kyɔ.

1 Samuɛl 1:21

A zana Elkana valé élé kɔngimunu faa go Gakelebale lé lɛɛ do do gi saraka bo lɛ, ’bɛ valé alé bale kunle lɛ sɔɔle we ma.