Bélidɔwesɛbɛ Fiézan 12:10 - Kazambale lé Sebe Sauunu 1979

¹⁰ Naa, ka dan Juudɛn yuu kini lɛ, yé ka dan nyana lɛ tɛrɛ lé Gakelebale, kalé Bale é dan a kɛlɛ lɛ kazé nya, a ta. Ka nyanézannu lé wo ka zi lɛ sɔɔ, é dan ka si lɛ wo lee, yé é dan flinle nɔ lɛ ka lɛ yé ka dan nyana lɛ duaa.

Bélidɔwesɛbɛ Fiézan 12:10 ပူးပေါင်းရင်းမြစ်များ

1 Minwiinzannu 4:25

É sia Dan fɔɔ yé é bɔ Bɛɛ‐Sééba, kana do kpen ’ka Juda valé Izraɛl gi lo, wo faa a é nyanale wobo lé dɔrɔyili valé wobo lé bɔrɔyili wuo do do Salomɔn bléyi faa va.

1 Minwiinzannu 8:56

Gakelebale lé é flinle nɔ élé munu Izraɛl lɛ, blivolɛdére faa lé é a fe bɛ, a yɛrama, ’wa drɔɔ vo ma. Dére néné faa lé é a fe é wuozan Moizi lɔlu nya, a do kpen ’ka vo lɛ é pla lo.

Minwiinzannu lé Wezuofe Sɛbɛ 22:18

É lé wo lɛ léé: Gakelebale, kalé Bale ’ka ka va loo? É ’ka ka vo lɛ drɔɔ bɛ faa ma loo? É tɛrɛ ’ko la munu pa ka lee, yé tɛrɛ ’ko la munu a é plale Gakelebale valé ’élé munu wuo.

Lɛrɛvɔ Sɛbɛ 4:8

I an gi nana yé é mini munu lé Wolé ’sa valé wolé dɔrɔ dɛrɛ kɛlɛ kiɛre, wozé ta.

Fwile 33:14

Gakelebale léé: Maabozen é dan go lɛ i va, yé maa dan flinle nɔ lɛ i lɛ.

Wegɔnévɔlenu 1:33

naa, mian éé tɔné dɔa an lɛ, é dan nyana lɛ é ta béli dɔle nya, é dan vo lɛ drɔɔ, ’té wenaané do kpen kana ’ka a gi lo.

Jérémi 23:6

’Bɛzan zé bléyi va, Juda munu é dan si lɛ we gi; Izraɛl munu é dan nyana lɛ drɔɔ ’wo nyanana. Yé ka ye, tɔ lé wo dan a laa lɛ a nya, yee lé ke ’ko: Gakelebale, kolé we tegele.

Jérémi 32:37

yee flamunu lé maa wo mawe fe i lɛ léé, maa wo bin yé wo go tɛrɛ faa‐an ta bɛ, an bli flile koo, an wɛwɛ koo, an bli nwale koo, wolé we ma bɛ, maa dan wo si lɛ ana yé maa wo zén ékeva yé an da wo nya wolé tɛrɛ la é ziin yé wo dan nyana lɛ ana duaa.

Jérémi 33:11

’bɛna lé wo dan ginana siaalenu ’ma lɛ yé wo dan ginana blɛn siaalenu ’ma lɛ. Wo dan ledɛrɛsizan valé bodɛrɛsizan lé lɛrɛvɔle ’ma lɛ; munu lé wa fé léé, ’ka lai sunyanu lé Gakelebale tɔ zin fe, naa, Gakelebale a é zin yé a nyanai éé zén‐é yifaama, wo dan ’bɛnu dére ’ma lɛ. Munu lé woo bɔvɔ sarakanu boo Gakelebale lé kɔn gi, wo dan ’bɛnu dére ’ma lɛ. Naa, maa dan da lɛ luugimunu nya wo pa gi; maa dan wo nyana lɛ ana bélé é vinin zé zo. Maa Gakelebale ɛ ke a fena.

Ézékiɛl 28:26

Wo dan nyana lɛ ana woboma duaa; wo dan kɔnnu dɔ lɛ, yé wo dan dɔrɔféinu pa lɛ. Munu faa lé wo wo zi lɛ sɔɔ, ’té wo serele bo wo ma bɛ, dé maa dɔra ’bɛnu ta bléyian va, wo dan nyana lɛ woboma duaa, yé wo dan a gi dɔɔ lɛ léé, maa ɛ ke Gakelebale wolé Bale nya.

Ézékiɛl 34:25

Maa Gakelebale, maa ɛ fe. Maa dan an gi pa lɛ do wo va, wo vole drɔɔ we ma. Yé maa dan bwigiwinu si lɛ tɛrɛ ’ko la. Wo dan nyana lɛ woboma duaa bwi gi, yé wo dan yi gyɛ lɛ pɔrɔnu guru la.

Ézékiɛl 34:28

Wo ’ka dan kɛlɛ lɛ ’wiiétafɛnu nya bɛnnu méléna é dɛrɛ lo; bwigiwinu ’ka dan wo wi ble lɛ é dɛrɛ lo, wo dan nyana lɛ wobo ma duaa, yé mian ’bɛ é dan wo gi kyɛ dɔ lɛ, ’bɛzan ’ka dan kɛlɛ lɛ lo.

Ézékiɛl 38:11

I dan a fe lɛ léé: Maa dan nwa lɛ tɛrɛ lé ana zi ’lɛ ke é sole, a ma; munu lé wo ke drɔɔ, ’té wa é nyanale woboma duaa, ’té gɔrɔ ’ka wolé fla zi bɛ lo yé wolé duoli valé é lɛtanfɛ ’ka bɛ lo, maa dan ’wii lɛ wo ta.

Ézékiɛl 38:8

Yi kiɛre giéle zuo, i dan kɛlɛ lɛ wo zilɛzan nya. Munu lé wo so gwɔun lee, ’té wo si bɛnnu va, ’té wo zén ékeva, Izraɛl gɔnu lé wo vo bwi nya bléyi kiɛre va, wo nwiin, yé wo nyana woboma duaa wo nyanananu na, munu ’ko bɛ, i dan nwa lɛ wo ma lɛɛ voélazannu gi.

Bélidɔwesɛbɛ Fiézan 11:31

Naa, ka dan Juudɛn yuu kini lɛ yé tɛrɛ lé Gakelebale, kalé Bale a nɔ ka lɛ, ka dan a si lɛ; é dan kɛlɛ lɛ kazé nya, yé ka dan nyana lɛ ana.

Bélidɔwesɛbɛ Fiézan 3:27

É léé, ’maa Pizga gɔ gié, yé ’an dɔ a nwiin loru mi, yé ’maa yuɛ vɔ yirivɔnazia koo, yirinwana bɛyilazia koo, yirinwana bɛbolazia koo, yirinwanazia koo, wona, yé ’maa nagini; naa, maa ’ka dan Juudɛn ’ko kini lɛ lo.

Bélidɔwesɛbɛ Fiézan 33:12

É lé Bɛnjamɛn lé we ma léé: Gakelebale sɔlɛzan lé, É dan nyana lɛ a sɔnɔ duaa, Gakelebale é dan a ta yɔɔ lɛ yifaama, Yé é dan nyana lɛ wo méléna.

Bélidɔwesɛbɛ Fiézan 33:28

Izraɛl a é nyanale élé fɛna duaa, Jakɔb lé ’yi’wuo vo duunna Tɛrɛ lé woo buruwɔlɛ valé dɔrɔ dɛrɛ yé ana, a ta, Yé alé la éé fli vɔa.

Bélidɔwesɛbɛ Fiézan 4:22

Amalé maa dan ga lɛ tɛrɛ ’ko la ’ko; maa ’ka dan Juudɛn kini lɛ lo; naa, ka dan a kini lɛ yé tɛrɛ zin bɛ, é dan kɛlɛ lɛ kazé nya.

Bélidɔwesɛbɛ Fiézan 9:1

Izraɛl munu, ’ka tɔné dɔ. Kyɔ ka dan Juudɛn kini lɛ, yé bɛnnu lé wo kiɛre mini ka ta, ’té wolé plɛplɛ mini kazé ta, ka dan kɛlɛ lɛ wozannu nya; fla blɛnnu lé wo zi gɔrɔ bɔ la gi baa, ka dan wo si lɛ;

Jozué 11:23

Jozué ana tɛrɛ faa si, fɛan zo lé Gakelebale a fe Moizi lɛ, a zo. Yé Jozué yeé tɛrɛ nɔ Izraɛlnu lɛ wozé nya, tɛrɛ buru do do mi do do, wo bɛn ma bɛn ma. ’Bɛ zuo, tɛrɛ vo éboma, ’té guli ’ka lo.

Jozué 14:1

Tɛrɛ lé Izraɛl lé nénu a ye ’wozé nya Kanaan tɛrɛ la, ’té Balebanzan Éléazaa koo, Nɛn be Jozué koo, Izraɛl bɛnnu lé guniwuonu koo, wo wo guli wo ma bɛ, wo lé ke ’ko.

Jozué 3:17

Balebanzannu lé woo goo Gakelebale lé gipawe pagikɛsu nya, wo dɔ kli tɛrɛ gale ta Juudɛn méléna, ’té Izraɛl faa éé giéan tɛrɛ gale ta, fɔɔ yé wo giéle nyaa a zo.

Jozué 4:12

Rubɛn benu koo, Gad benu koo, Manasé bɛn lɛgɔnɔ do koo, wo gié gulidanfɛnu nya wo lee Izraɛlnu ’lɛ, fɛan zo lé Moizi a fe wo lɛ a zo.

1 Samuɛl 7:12

Samuɛl gɔlɛ do sia yé é a pla Misipa valé Saan méléna, yé é a tɔ pa Ébɛn‐Ézɛɛ, a fele nya léé: Gakelebale bɔ ko va fɔɔ ’ko.