Bélidɔwesɛbɛ Fiézan 11:9 - Kazambale lé Sebe Sauunu 1979

⁹ yé ka bɔalɛ léé, ka mɔn, tɛrɛ lé Gakelebale a fe ka tranu lɛ ébo ’nyɔɔnle nya léé, é dan a nɔ lɛ wo valé wo kulunu lɛ, a ta; é a tɛrɛ nyɔnɔzan nya.

Bélidɔwesɛbɛ Fiézan 11:9 ပူးပေါင်းရင်းမြစ်များ

Fwile 20:12

I ti valé i bu lɛdɔma, ilé yinu kɛlɛle kiɛre we gi, tɛrɛ lé Gakelebale, ilé Bale a nɔ i lɛ, a ta.

Fwile 3:8

Maa zun wo sile Éjipiti munu lee we ma, wo sile tɛrɛ ’ko la yé ’wo go tɛrɛ blɛn zima ta we gi, wo gole tɛrɛ nyɔnɔzan ta we gi. Kanaannu koo, Étinu koo, Amorénu koo, Férézinu koo, Éévinu koo, Jébusinu koo, wa é nyanale tɛrɛ ’ko la.

Wegɔnévɔlenu 10:27

Kanale Gakelebale lee éé mi yinu taa zén‐é a ta, naa, woo mi nyanénu lé lɛɛnu bɔié a ta.

Wegɔnévɔlenu 3:16

Mɔnle tɛrɛ la a wedɔɔle bɛyi lee; fua valé tɔbɔle a a bɛbo lee.

Wegɔnévɔlenu 3:2

naa, wo dan i yinu valé ilé tɛrɛla lɛɛnu taa pa lɛ, yé wo dan i vole drɔɔ gi gyɛ lɛ.

Wegɔnévɔlenu 9:11

Maa nya lé ilé yinu taa é dan pa lɛ, yé ilé tɛrɛla lɛɛnu gi é dan gyɛ lɛ.

Ézékiɛl 20:6

’Bɛ yi la, maa anbo ’nyɔɔn an bɛ nwale nya léé, maa dan wo si lɛ Éjipiti tɛrɛ la yé ’an go wo nya tɛrɛ do lé maa a si a va wozé nya, a ta; tɛrɛ nyɔnɔzan lé ke é zima é mini tɛrɛnu faa ta, yee lé.

Bélidɔwesɛbɛ Fiézan 1:8

É lé yi la léé, ’é tɛrɛ ’ko faa nɔ ka lɛ; ’ka go, tɛrɛ lé ’yee Gakelebale a fe ébo ’nyɔɔnle nya léé, é dan a nɔ lɛ ka tranu Abraam koo, Izak koo, Jakɔb koo, wo lɛ, wo valé ’wo kulunu lɛ, ’ka go a si kazé nya.

Bélidɔwesɛbɛ Fiézan 11:10

Naa, tɛrɛ lé ka dan a si lɛ kazé nya, é ’ka bélé Éjipiti tɛrɛ lé, ka fwi ana, a zo lo; ’bɛna lé ka fɛ vɔa kalé féi ’té ka ’yi zén‐é a ta ka gane nya bélé zianféi zo.

Bélidɔwesɛbɛ Fiézan 11:21

Dé ka kɛlɛ, ka valé kalé nénu é dan mɔn lɛ, tɛrɛ lé Gakelebale a nɔle fe ka tranu lɛ ébo ’nyɔɔnle nya, a ta, bélé la mɔn é dunle tɛrɛ la loru fɛan zo, a zo.

Bélidɔwesɛbɛ Fiézan 4:40

’Ka dɔ alé bélidɔwenu ta ma, yé ’ka a sɔnnénu pa ma; maa wo gɔɔn ka lɛ kyɔ; dé ka kɛlɛ, ka gi é dan nana lɛ, ka valé kalé nénu nya ka zuo, yé ka dan mɔn lɛ, tɛrɛ lé Gakelebale kalé Bale a nɔ ka lɛ, a ta.

Bélidɔwesɛbɛ Fiézan 5:16

I ti valé i bu lɛdɔma, Gakelebale, kalé Bale a fe ka lɛ fɛan zo, a zo, yé ka dan mɔn lɛ tɛrɛ la, yé ka gi é dan nana lɛ tɛrɛ lé Gakelebale, kalé Bale, a nɔ ka lɛ, a ta.

Bélidɔwesɛbɛ Fiézan 5:33

Tawobɛ lé Gakelebale, kalé Bale a gɔɔn ka lɛ, ’ka tawo a yɛrama ’kyɛ, ka vole é yuɛma valé ka gi nanale we gi, yé ka mɔn tɛrɛ lé é dan kɛlɛ lɛ kazé nya, a ta.

Bélidɔwesɛbɛ Fiézan 6:18

We lé é ke tegele valé é zima Gakelebale yuɛ gi, ’ka ’bɛ kɛlɛ, ka gi nanale valé ka wɔrale we gi, tɛrɛ zima lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ bɛ, a ta,

Bélidɔwesɛbɛ Fiézan 6:2

Dé ka kana Gakelebale, kalé Bale lee, bélidɔwenu faa valé gɔnɔlawenu faa lé maa a gɔɔn ka lɛ, dé ka wo lɛdɔma, ka koo, ka benu koo, ka benu é benu koo, dé ka wo lɛdɔma kalé tɛrɛla faa gi, ka dan mɔn lɛ tɛrɛ la.

Bélidɔwesɛbɛ Fiézan 6:3

Amalé, Izraɛl munu, ’ka tɔné dɔ wo lɛ, yé ’ka wo ta tawo é zima, ka gi nanale valé ka fanle we ma, Gakelebale, ka tranu lé Bale a fe fɛan zo, a zo, ’té é a fe é wo léé, é dan tɛrɛ nyɔnɔzan nɔ lɛ ka lɛ bɛ.

Bélidɔwesɛbɛ Fiézan 8:7

Naa, Gakelebale, kalé Bale é dan go lɛ ka nya tɛrɛ zin ta; yuunu koo, ’yibɔnanu valé doo blɛnnu koo, ’yi’wuo lé woo voo duunna pɛnguru valé gɔnu ma koo, wa tɛrɛ ’ko la;

Bélidɔwesɛbɛ Fiézan 9:5

É ’ka kɛlɛ lɛ léé, kalé tawobɛ tegele valé ka bli tegele ma lé tɛrɛ ’ko kɛlɛ kazé nya lo; naa, bɛn ’konu bli nyané lé we ma lé Gakelebale, kalé Bale wo bin ka ’lɛ, yé é ziin, dére lé é a fe ébo ’nyɔɔnle nya ka tranu, Abraam koo, Izak koo, Jakɔb koo, wo lɛ, a dɔle gligli lé we ma lé é dan wo bin lɛ.