Bélidɔwesɛbɛ Fiézan 11:24 - Kazambale lé Sebe Sauunu 1979

²⁴ Fɛ faa lé ka dan ka gane zun lɛ ana, é dan kɛlɛ lɛ kazé nya; kalé tɛrɛ glɛ do é dan kɛlɛ lɛ Liban lé bwi nya, yé kalé tɛrɛ glɛ do é dan kɛlɛ lɛ Yufrat yuu nya, yé kalé tɛrɛ é dan go lɛ fɔɔ yé é bɔ wɛyi lé ke yirivɔnazia, a ma.

Bélidɔwesɛbɛ Fiézan 11:24 ပူးပေါင်းရင်းမြစ်များ

1 Minwiinzannu 4:21

Salomɔn pla bɛntɛrɛnu faa nwiin, é sia yuu ma fɔɔ yé é bɔ Filisitinu lé tɛrɛ la, fɔɔ yé é bɔ Éjipiti tɛrɛ glɛ la; woo dan Salomɔn blan nya yé wo pla a wuo alé tɛrɛla faa gi.

1 Minwiinzannu 4:24

Tɛrɛ lé ke yuu zi, é sia Tifasak fɔɔ yé é bɔ Gaza, é a é plale a faa nwiin, yé é a é plale yuu zi minwiinzannu faa nwiin. Yé a zi munu faa vo a va drɔɔ.

2 Minwiinmunu lé Wezuofe Sɛbɛ 9:26

Salomɔn pla minwiinmunu faa nwiin, é sia yuu ma fɔɔ yé é bɔ Filisiti tɛrɛ glɛ la yé é bɔ Éjipiti tɛrɛ glɛ la.

Fwile 23:31

Maa dan ilé tɛrɛ glɛ dɔ lɛ, é sia Wɛyi Sɔɔn ma fɔɔ yé é bɔ Filisitinu lé wɛyi ma, yé é sia bwi ma fɔɔ yé é bɔ yuu ma; naa, maa dan ana tɛrɛlamunu pa lɛ ka lee, yé ka dan wo bin lɛ ka ’lɛ.

Joɛl 2:20

Ka nyanézan lé éé sié yirinwana bɛbolazia, maa dan a bin lɛ ka ma baa, Maa dan a bin lɛ yé é go tɛrɛ lé a nyɔnɔ ’ka lo, ’té mi do kpen ’ka ana lo, ana. Maa dan alé gulizilɛzannu bin lɛ fɔɔ yé wo bɔ yirinwanazia wɛyi va; Maa dan zi zuo sunyanu bin lɛ é ziin fɔɔ, yé wo bɔ yirivɔnazia wɛyi ta; Wo gin é dan nwɛɛn lɛ, Yé wo goi é dan sɔɔla lɛ fɛfaana; Wo we blɛnblɛnnu kɛlɛ, azama.

Bélidɔwesɛbɛ Fiézan 1:7

É léé: ’Ka nwa, ’ka zi sia. ’Ka go Amorénu lé gɔ valé é zi tɛrɛ faa la; fɛna pɛblɛɛna koo, gɔ ma koo, pɛngurunu koo, yirinwana bɛyilazia koo, wɛyi vazia koo, Kanaan munu lé tɛrɛ valé Liban tɛrɛ koo, ’ka go wo faa na, fɔɔ yé ka bɔ yuu blɛn Yufrat ma.

Bélidɔwesɛbɛ Fiézan 1:8

É lé yi la léé, ’é tɛrɛ ’ko faa nɔ ka lɛ; ’ka go, tɛrɛ lé ’yee Gakelebale a fe ébo ’nyɔɔnle nya léé, é dan a nɔ lɛ ka tranu Abraam koo, Izak koo, Jakɔb koo, wo lɛ, wo valé ’wo kulunu lɛ, ’ka go a si kazé nya.

Bélidɔwesɛbɛ Fiézan 12:20

Dé Gakelebale, kalé Bale kalé tɛrɛ glɛ buru so é zuo, é a fe ka lɛ fɛan zo, a zo, dé wiblelɔrɔ ka gyɛ yé ka léé, é sɔ ’wo lɛ léé, ’wo wi ble, a se a ka lɛ léé, ka a ble, é sɔ ka lɛ fɛan zo, a yɛrama.

Bélidɔwesɛbɛ Fiézan 34:2

é sia Galaad tɛrɛ ma fɔɔ yé é bɔ Dan zé ma, ’bɛ koo, Néfitali lé tɛrɛ faa koo, Éfraim valé Manasé lé tɛrɛ koo, é sia Juda lé tɛrɛ faa ma yé é bɔ yirivɔnazia wɛyi ma, ’bɛ koo,

Jozué 14:9

A yi nya Moizi bale ’nyɔɔn léé, tɛrɛ lé an dan an gane zun lɛ ana, é dan kɛlɛ lɛ anlé tɛrɛ nya lɛɛfaama, maa koo, anlé nénu koo, kozé nya; an tawo Gakelebale, anlé Bale zuo tegele, azama.