Bélidɔwesɛbɛ Fiézan 11:17 - Kazambale lé Sebe Sauunu 1979

¹⁷ Gakelebale bli é dan fli lɛ ka ma; é dan la lɛ tan lɛ yé lɛɛ ’ka dan da lɛ lo; tɛrɛ ’ka dan fɛ dɔ lɛ ka lɛ lo; yé ka dan zamaga wo lɛ, tɛrɛ zin lé Gakelebale a nɔna ka lɛ bɛ, a ta.

Bélidɔwesɛbɛ Fiézan 11:17 ပူးပေါင်းရင်းမြစ်များ

1 Minwiinzannu 17:1

Galaad tɛrɛ la mi do, Tisibi mi Éli lé Akab lɛ léé: Gakelebale, Izraɛl lé Bale lé maa ke a wuozan nya, é a é yuɛma. Lɛɛ ’konu wuo, lɛɛ ’ka dan da lɛ lo yé fli ’ka dan vɔ lɛ lo, ’té dé maa ’ka a fe lɛ lo.

1 Minwiinzannu 8:35

Dé la lɛ a é tanle yé lɛɛ ’ka dan lo, wolé wenyané lé wa kɛlɛ i ma, a we ma, dé wo bazoro fɛkona yé wo i tɔ bɔ, yé dé wo yara si ’wolé wenyané kɛlɛle ta, ilé we lɛdɔle wo gi we ma,

2 Minwiinmunu lé Wezuofe Sɛbɛ 6:26

Dé la lɛ a é tanle yé lɛɛ ’ka dan lo, wolé wenyané lé wa kɛlɛ i ma, a we ma, dé wo bazoro fɛkona yé wo i tɔ bɔ, yé dé wo yara si ’wolé wenyané kɛlɛle ta, ilé we lɛdɔle wo gi we ma,

2 Minwiinmunu lé Wezuofe Sɛbɛ 7:13

Dé maa la lɛ tan, ’té lɛɛ ’ka dan lo, dé maa fe gangannu lɛ léé, ’wo ’wii tɛrɛ ta, dé maa bawurumagyɛ pa zia anlé munu va,

JOB (Job) 12:15

Éé ’yinu kunwo yé fɛ faana éé gaan; Éé daan wo ma yé woo tɛrɛ sɛra.

Lévinu 26:19

Kalé plɛplɛ lé kabo kɛlɛ a nya blɛn bɛ, maa dan ’bɛ si lɛ ka lee. Maa dan la kɛlɛ lɛ ka lɛ bélé foliɛwɔlɛ zo, yé maa dan tɛrɛ kɛlɛ lɛ ka lɛ bélé zéné zo.

Lévinu 26:20

Ka dan nyanama pa lɛ é pla; kalé tɛrɛ ’ka dan fɛ dɔ lɛ lo, yé kalé yilinu ’ka dan ’wo poro baa lɛ lo.

Amɔs 4:7

Yé maa lɛɛ nyané kɛlɛ ka lɛ, ’té kalé fɛgyɛmoné vo yaa; maa lɛɛ da fla do la, yé maa ’ka lɛɛ da lɛ fla do ta lo. Maa lɛɛ da féi do ta, yé féi lé maa ’ka lɛɛ da lɛ ’bɛ ta lo, ’bɛ ga.

Bélidɔwesɛbɛ Fiézan 31:20

Naa, an dan go lɛ munu ’konu nya tɛrɛ lé maa anbo ’nyɔɔn wo tranu lɛ léé, maa dan a nɔ lɛ wo lɛ, a ta. Tɛrɛ nyɔnɔzan lé. Wo dan fɛ ble lɛ, wo dan kan lɛ, wo dan bua lɛ. ’Bɛ zuo wo dan nɔla lɛ yé wo go bale bɛnu zuo, ’té woo wo bɔa; wo dan ’wo lɔlu plɛn lɛ an ma, yé wo dan anlé gipawe sɛrɛ lɛ;

Bélidɔwesɛbɛ Fiézan 4:26

ka dan zamaga wo lɛ tɛrɛ lé ka go a si lɛ kazé nya Juudɛn yuu zi bɛ, a ta, ’té ka sele ’ka dɔa mi gi é dɛrɛ lo; kalé tɛrɛla é dan bɔi lɛ a ta, yé ka kulu é dan ga lɛ tata; maa la valé tɛrɛ kɛlɛ anlé wenayezannu nya kyɔ yé wo ka ma we fe.

Bélidɔwesɛbɛ Fiézan 6:15

naa, Gakelebale, kalé Bale é a maawo Bale nya ka méléna. A bli é dan fli lɛ ka ma yé é dan ka si lɛ tɛrɛ la tata.

Bélidɔwesɛbɛ Fiézan 9:19

Gakelebale bli fli ka ma bɛ nyané zi fɛan zo bɛ, é sɔ a lɛ léé, ’é ka gyɛ, maa a ye aan wo, di kini an gi. Naa, Gakelebale tɔné dɔ an lɛ é ziin gɔnɔ do.