Bélidɔwesɛbɛ Fiézan 11:16 - Kazambale lé Sebe Sauunu 1979

¹⁶ ’Ka yuɛ pa kabozen va é zima, dé Bale é da sɛrɛ ka gi yé ka nɔla yé ka bale bɛnu bɔ yé ka dia wo wuo.

Bélidɔwesɛbɛ Fiézan 11:16 ပူးပေါင်းရင်းမြစ်များ

1 Minwiinzannu 8:35

Dé la lɛ a é tanle yé lɛɛ ’ka dan lo, wolé wenyané lé wa kɛlɛ i ma, a we ma, dé wo bazoro fɛkona yé wo i tɔ bɔ, yé dé wo yara si ’wolé wenyané kɛlɛle ta, ilé we lɛdɔle wo gi we ma,

JOB (Job) 31:27

Dé wo an bli sɛrɛ an gi Yé an wo bɔ

Ézai 44:20

É a bélé kyɛyee lé é a ble; a saanbli a saan; é ’ka bɔa ébo sile lɛ we gi lo, yé é ’ka bɔa a fele lɛ léé, viéfɛan ke an lee ’ko loo? lo.

WENÉNÉ LÉ LUK A GYE (Évangile selon Luc) 21:34

’Ka yuɛ pa kabozen va, dé ka zuru bɛn é da dɔ fɛblele kiɛre koo, nwɛ tanle koo, tɛrɛ la gibɔrɔlenu koo, wo nya, yé ’bɛ yi é bɔra ka ma fiaa bélé pɔgyɛséli zanale zo pɔnu ta;

WENÉNÉ LÉ LUK A GYE (Évangile selon Luc) 21:36

Amalé ’ka vo é yuɛma yé ’ka bazoro yifaama, kalé plɛplɛ yele we ma, yé ka bɔ sile lɛ wenu faa lé wo dan bɔ lɛ bɛ, wo lee, yé ka bɔ dɔle lɛ loru, maa blami Be yara.

WENÉNÉ LÉ LUK A GYE (Évangile selon Luc) 21:8

Yé Jézu léé: ’Ka yuɛ pa kabozen va, té wo ka saan lo we gi. Naa, mi kiɛre é dan da lɛ an tɔ gi ’té wa fé léé, ’wo ɛ ke Krist nya; a bléyi bɔ. Té ka go ’bɛnu zuo lo.

Bélidɔwesɛbɛ Fiézan 12:30

’ka yuɛ pa kabozen va, kalé wo kulu gale zuo, té ka wo zuosona yé ka vɔ san ’léé lo. Té ka wolé balenu gi laa léé, bɛnnu ’ko, wo ’wozé balenu bɔa kaa? lo. É sɔ ’wo lɛ léé, ’wo ’wozé kɛlɛ a zo. Té ka fe lo.

Bélidɔwesɛbɛ Fiézan 13:3

té ka tɔné dɔ balelayezan ’ko valé nyɛgyɛzan ’ko dére lɛ lo; naa, Gakelebale, kalé Bale a ka gi danna, dé ka Gakelebale, kalé Bale lɔrɔ paan ka bli faa valé kaboen faa nyaa? a gi dɔɔle we gi.

Bélidɔwesɛbɛ Fiézan 17:3

dé é go bale bɛnu zuo yé é wo bɔ yé é dia é bli la wo ’lɛ, yiri koo, moné koo, lagifɛ gbaunu koo, dé é go wo zuo, maa ’ka ka béli dɔ lɛ léé, ’ka ’bɛnu bɔ lo.

Bélidɔwesɛbɛ Fiézan 28:14

we faa lé maa ka béli dɔ wo nya kyɔ, dé ka ’ka nɔla lɛ ka bɛyila valé ka bɛbola yé ka go bale bɛnu zuo yé ka wo bɔ lo, Bale é dan wezin ’konu lɛ sɔɔ lɛ ka lɛ.

Bélidɔwesɛbɛ Fiézan 29:17

Wolé bozofɛnu valé wolé miyilinu lé wo wo kɛlɛ yili valé gɔlɛ koo, gɔɔlifu valé kyan koo, wo nya bɛ, ka wo ye wo va.

Bélidɔwesɛbɛ Fiézan 29:18

Dé gɔné léé, dé le léé, dé migɔnɔ léé, dé bɛn léé, té ka va mi do kpen é bli si Gakelebale kolé Bale lɛ kyɔ yé é go bɛn ’konu lé balenu bɔ lo. Té ziriyili suni valé abisɛntiyili suni é kɛlɛ ka va lo.

Bélidɔwesɛbɛ Fiézan 30:17

Naa, dé ka bli si a lɛ, dé ka ’ka a lɛdɔ lɛ a ma lo, dé ka bli go ka nya yé ka dia bale bɛnu ’lɛ yé ka wo bɔ,

Bélidɔwesɛbɛ Fiézan 31:20

Naa, an dan go lɛ munu ’konu nya tɛrɛ lé maa anbo ’nyɔɔn wo tranu lɛ léé, maa dan a nɔ lɛ wo lɛ, a ta. Tɛrɛ nyɔnɔzan lé. Wo dan fɛ ble lɛ, wo dan kan lɛ, wo dan bua lɛ. ’Bɛ zuo wo dan nɔla lɛ yé wo go bale bɛnu zuo, ’té woo wo bɔa; wo dan ’wo lɔlu plɛn lɛ an ma, yé wo dan anlé gipawe sɛrɛ lɛ;

Bélidɔwesɛbɛ Fiézan 4:23

’Ka yuɛ pa kabo va, gipawe lé Gakelebale, kalé Bale a kɛlɛ ka va, té é saan ka gi lo; miyili valé fɛ foto lé Gakelebale, kalé Bale a kɛlɛle yi ga ka lee, té ka wo kɛlɛ lo.

Bélidɔwesɛbɛ Fiézan 4:9

Naa, we do ana. ’Ka yuɛ pa kabo va. ’Ka yuɛ pa kabozen va é zima kalé tɛrɛla faa gi, wenu lé ka wo ye ka yuɛ nya, té ka gi é san wo do kpen ma lo, té ’wo si ka bli gi lo; ’ka wo paa kalé nénu valé ka nénénu gi.

Bélidɔwesɛbɛ Fiézan 5:7

Té i bale bɛnu pa ’é pa gi lo.

Bélidɔwesɛbɛ Fiézan 8:19

Dé ka gi san Gakelebale, kalé Bale ma, yé ka go bale bɛnu zuo, dé ka wo bɔ yé ka dia wo wuo, maa fe ka lɛ kpaklaa kyɔ léé, ka dan zamaga wo lɛ.

Ébrunu 12:15

’Ka yuɛ pa kabozen va, léé, té mi do é vuru Kazambale lé zin ma lo; mi sɛrɛwenu lé woo blan sié é kele bɛ, té wo wɔra ka méléna yé wo gi bɔrɔ pa mi ma yé mi kiɛre é sɛrɛ lo.

Ébrunu 2:1

Bɛwemalé, wenu lé kaa wo ’ma, é a lé kaa wo kɛlɛ kaa bli faa nya, dé wo da saan kaa gi.

Ébrunu 3:12

Bwenu, ’ka yuɛ pa kabozen va; bli nyané lé é ’ka vo we lɛ lo, té ’é kɛlɛ ka va mi do gi fɔɔ yé é diéra Bale yuɛmale zuo lo.

Ébrunu 4:1

Blivolɛdére lé Bale a fe léé, é dan élé flinle nɔ lɛ munu lɛ, ’bɛ dére ana é ziin tan, bɛwemalé ’ka kana, dé é da kle ka va mi kenu ma.

SEBE LÉ JAK A GYE (Épitre de Jacques) 1:26

Dé é dɔ mi do gi léé, ’é a bazorozi do ta, dé kɔ ’ka é vɔle a nɛnɛ wuo lo, ’té é a ’ébozen saanna, ’té mi ’ko lé bazorozi a zi pla nya.

1 Jan 5:21

Anlé né kiénénu, ’ka yuɛ pa kabozen va miyilinu lé we ma.

Wegɔɔnle 12:9

Dragɔn blɛn, méné kwakwa lé wa laama yonufaatagɔné valé Satan, ’té éé tɛrɛlamunu faa saan bɛ, wa vuli tɛrɛ va, yee valé élé lanjenu nya.

Wegɔɔnle 13:14

Yé é tɛrɛlamunu saan, we blɛnblɛnnu lé wa se kɛlɛ a lɛ léé, ’é wo kɛlɛ wi yuɛ va, wo nya, yé é lé tɛrɛlamunu lɛ léé, ’wo miyili nyaa, wi lé wa tuo gwɔun nya yé é vo é yuɛma, a dɔbɛ zo.

Wegɔɔnle 20:4

Yé maa webleblinnu ye, yé Bale weblele se kɛlɛ wotazannu lɛ. Yé munu lé wo wo ’wuo kini Jézu lé we fele valé Kazambale dére lé we ma koo, munu lé wo ’ka dia lɛ ’wo bli la wi valé é yili ’lɛ lo, ’té wo ’ka wi lé tɔmase gyɛ lɛ, dé wo yarapɛla léé, dé wo bɛ la léé, ana lo, maa wo boennu ye. Wo nwa é yuɛma é ziin yé wo pla munu nwiin Krist va lɛɛ wuru soru.

1 Samuɛl 12:20

Samuɛl lé munu lɛ léé: Té ka kana lo. Weboen lé, ka wenyané kɛlɛ; naa, té ka diéra Gakelebale zuo lo, ’ka a bɔ ka bli faa nya;

1 Samuɛl 12:21

té ka diéra lo; dé ’bɛ kaan lo ka dan go lɛ boafɛnu zuo, ’té wo tɔnɔ ’ka lo yé wo ’ka ka sié we gi lo; wa boafɛnu nya, azama.