Bélidɔwesɛbɛ Fiézan 10:8 - Kazambale lé Sebe Sauunu 1979

⁸ ’Bɛ bléyi va Gakelebale Lévi bɛn si a va yé é lé wo lɛ léé, ’wo ’élé gipawe pagikɛsu kɔné si, yé ’wo dɔ ’é ’lɛ ’é bɔle we gi, yé wo munu drɔɔ vo ’é tɔ nya; yé Lévinu vo ’bɛ kɛlɛna fɔɔ kyɔ.

Bélidɔwesɛbɛ Fiézan 10:8 ပူးပေါင်းရင်းမြစ်များ

1 Minwiinzannu 8:6

Balebanmunu go Gakelebale lé gipawe pagikɛsu nya é dɔrana, kɔn gi fɛna sauun na, fɛna sauun tinle na, sérubɛnnu bɛanu wuo.

Minwiinzannu lé Wezuofe Sɛbɛ 15:2

Yé David léé: É a lé Lévinu saa é Kazambale lé kɛsu kɔné si; Gakelebale wo si a va, léé, ’wo Kazambale lé kɛsu kɔné si, ’té wa ma nyanama paan yifaama.

Minwiinzannu lé Wezuofe Sɛbɛ 15:26

Kazambale bɔ Lévinu va yé wo Gakelebale lé gipawe pagikɛsu si; wo Bale ban dirigɔné sɔrafié valé ’blagɔné sɔrafié nya.

Minwiinzannu lé Wezuofe Sɛbɛ 23:13

Amaram benu: Arɔn valé Moizi. Arɔn a é pale é yɛrama a kɛlɛle segele we gi, yee valé é benu nya lɛɛfaama a glɛ ’ka lo, léé, ’wo lasikɔrɔ kyɛ ble Gakelebale ’lɛ, yé wo alé nyanama pa, yé wo munu drɔɔ vo Gakelebale tɔ nya yifaama.

Minwiinzannu lé Wezuofe Sɛbɛ 23:26

Lévinu ’ka dan sɔkɔn valé a gi nyanamapafɛnu kɔné si lɛ é dɛrɛ lo.

2 Minwiinmunu lé Wezuofe Sɛbɛ 29:11

Sin, an benu, ’ka pa Bale ta; alé we ’é ka yuɛ gi bɔ sin; naa, Gakelebale ka si a va léé, ka dɔ ’é ’lɛ ’é wuozannu nya, yé ka ’é ban lasikɔrɔnu nya.

2 Minwiinmunu lé Wezuofe Sɛbɛ 30:27

Balebanzannu valé Lévinu nwa yé wo munu drɔɔ vo; wo wo dére ’ma, yé wolé bazoro dére bɔ fɔɔ la gi Gakelebale nyanana sauunna.

Lɛrɛvɔ Sɛbɛ 134:1

Gɔ gié lɛrɛ do lé. Ka ye, ka faa lé, ka ke Gakelebale wuomunu nya, ’Té ka dɔa Gakelebale lé kɔn gi é béli, ’ka Gakelebale drɔɔ vo ma.

Lɛrɛvɔ Sɛbɛ 134:2

’Ka bɛnu soi fɛna sauun vazia, Yé ’ka Gakelebale drɔɔ vo.

Jérémi 15:19

Amalé Gakelebale léma: Dé i bu vɔ an ma é ziin, maa dan a zi pa lɛ, yé i dan dɔ lɛ an ’lɛ; dé i fɛwezannu sié fɛ naanénu va, i dan kɛlɛ lɛ bélé an ’léé zo; é a lé munu é da i va é ziin, é ’ka lé bii é nɔla wo va é ziin lo.

Ézékiɛl 44:11

Wo dan kɛlɛ lɛ anlé fɛna tinle na bélé an leemunu zo. Wo dan kɔn ’léénu ta bin lɛ. Wo dan kɔn gi nyanama pa lɛ. Balebanwinu lé wa kyɛ blé, ’é valé balebanwi bɛnu nya bɛ, wo dan wo bɔrɔ bo lɛ munu lɛ. Wo dan dɔ lɛ munu ’lɛ wo mawe kɛlɛle we ma.

Ézékiɛl 44:15

Naa, Balebanmunu, Lévinu lé wo ke Sadɔk kululazannu nya, ’té wo anlé fɛna sauun lé nyanama pa, bléyian va lé Izraɛl munu wo kan kini an ma, ’bɛ bléyi va bɛ, woo bɛ, wo dan bié lɛ an sɔnɔ an banle we gi, yé wo dan dɔ lɛ an ’lɛ, wi nyɔnɔnu valé wi nyɛnu nɔle an lɛ we gi. A zo lé Mizan Gakelebale a fe.

Lévinu 8:9

É nɔɔn koro wo a ’wuo ma, yé é baletakyan lɛlɛné dɔ nɔɔn koro ta a ’lɛzia, Gakelebale a fe Moizi lɛ fɛan zo, a zo.

Lévinu 9:22

Arɔn é bɛ nwa munu vazia, yé é wo drɔɔ vo. Dé é nyaa wenyané ’yibo saraka valé balebanwi lé wa kyɛ blé, ’é valé bɔvɔ sarakanu bole nya, ’bɛ zuo yé é zun.

Mi Nɔnɔle 3:31

Fɛnu lé wo wo bɛ pa wo lee, yee lé ke ’ko: gipawe pagikɛsu koo, tablé koo, fintran koo, balebantafɛnu koo, fɛna sauun lé nyanamapafɛnu koo, sɔ valé é dunmafɛnu koo, woo lé.

Mi Nɔnɔle 3:6

’I Lévinu bié, yé ’i go wo nya Balebanzan Arɔn va, wolé alé nyanama pale we ma.

Mi Nɔnɔle 4:15

Dé Arɔn valé é benu nyaa fɛna sauun valé é ma nyanamapafɛnu faa ta buale nya, dé wo zén ta va bléyian va, yé Kéat benu ’é da kɔné sile we ma. Naa, té wo mane fɛ ’lɛzan ’konu ma monomono lo, dé wo da ga. Kɔnésizannu panyanama lé wa bɛ pa wo lee, léé, wa kɛlɛ zén‐ékevasɔkɔn gi, yee lé ke bɛ.

WENÉNÉ LE JAN A GYE (Évangile selon Jean) 15:16

Ka‐an, ka an si a va lo; naa, maa ɛ ka si a va, yé maa ka dɔ gligli, ka gole valé ka baale we ma, léé, ka poro ’é vo ana yé fɛofɛan ka a ma laan Ti lee an tɔ gi, ’é a nɔ ka lɛ.

Kelewenu 13:2

Wa Mizambale bɔna bléyian va, ’té woo lɔrɔ sɔn‐o, Léli Sauun léma: ’Ka Banabas valé Sɔl pa é yɛrama, nyanama lé maa wo laa a ma, wolé a pale we gi.

Rom munu 1:1

Maa Pɔl lé an ke Jézu Krist lé luugɔnéné nya, maa ɛ ke sɛbɛ ’ko gyɛna ’kaa Rom munu lɛ. Bale an laa léé, an kɛlɛ nwunvɔzan nya, yé é an dɔ élé Wenéné fezan nya.

Rom munu 12:7

mi lé wa laa nyanama pale ma, ’élé nyanama pa é sɔbɛla nya ma; mi lé éé we paan munu gi, ’é yara pa élé we paale ta ma;

2 Korɛnt Munu 6:17

Bɛwemalé Mizambale léma: ’Ka si wo méléna; ’ka kini wo nya ékema, Fɛ lé é ’ka sauun lo, té ka mane a ma lo; Yé maa dan ka si lɛ.

Galasi munu 1:15

Naa, Bale lé sɔlɛwe yɛrama é an pa é yɛrama an bu lé an yaa bléyi va, yé é an laa élé zin nya.

Bélidɔwesɛbɛ Fiézan 17:12

Balebanzan lé Gakelebale, kalé Bale a dɔ Gakelebale bɔle we gi, dé mi do ébo kɛla blɛn yé é ’ka ’é tɔné dɔa ’bɛzan dére lɛ lo, dé é ’ka ’é tɔné dɔa weblezan dére lɛ lo, ’wo ga dɔ a nwiin.

Bélidɔwesɛbɛ Fiézan 18:5

wo lé Gakelebale, kalé Bale a si a va ka bɛnnu faa gi, nyanama pale Gakelebale tɔ gi we ma, wo valé ’wo benu nya, yifaama.

Bélidɔwesɛbɛ Fiézan 21:3

Fla lé é ke mi gana lɛ é pu é mini a fla koɛnu ta, dé wa gi dɔɔ, fla ’ko ta mi segelenu é dan diridané do si lɛ. Diridané lé é ’ka tan nyanama pa lɛ lo yé wo ’ka tan yili vɔ lɛ a bɔrɔ ma lo, yee lé wo dan a si lɛ.

Bélidɔwesɛbɛ Fiézan 21:5

’Bɛ zuo, Lévi kulunu, Balebanzannu, wo dan bié lɛ; naa, Gakelebale, kalé Bale wo si a va ’é bɔle valé mi drɔɔ vole Gakelebale tɔ nya we ma, yé wo ɛ zavɔwe faa valé mituowe faa yuɛ gi boo.

Bélidɔwesɛbɛ Fiézan 31:9

Moizi bélidɔwe ’ko gyɛ, yé é a nɔ Balebanmunu, Lévi benu lé woo Gakelebale lé gipawe pagikɛsu kɔné sié, wo lɛ, wo valé Izraɛl mi segelenu faa lɛ.