Bélidɔwesɛbɛ Fiézan 10:21 - Kazambale lé Sebe Sauunu 1979

²¹ É a kalé fua nya, é a kalé Bale nya; yee ɛ we blɛnnu valé mitadanmawenu kɛlɛ ka méléna yé ka ana ye.

Bélidɔwesɛbɛ Fiézan 10:21 ပူးပေါင်းရင်းမြစ်များ

2 Samuɛl 7:23

Izraɛl lé, Bale da wo tabo lɛ, wo kɛlɛle élé munu nya we gi, wo zo bɛn do a tɛrɛ laa? I tɔ kɛlɛle blɛn lé we ma lé i gyɛzorowenu valé we blɛnblɛnnu kɛlɛ ilé tɛrɛ valé kolé we ma; munu lé i wo si Éjipiti tɛrɛ la wo kɛlɛle ilé munu nya we ma, i bɛnnu valé wolé balenu bin wo ’lɛ.

Lɛrɛvɔ Sɛbɛ 109:1

David lɛrɛ ’ko vɔle gɔɔn lɛrɛvɔzannu zilɛzan lɛ. David zé lé. Lɛrɛ do lé. Balean maa a tɔ zin fé, té i tadɔ an zi lo.

Lɛrɛvɔ Sɛbɛ 145:6

Ilé plɛplɛ lé éé nyɛ zén‐é mi gi, wo dan a glewo lɛ, Yé fɛan zo lé i ke blɛn, maa dan a zuo fe lɛ.

Lɛrɛvɔ Sɛbɛ 148:14

É élé munu dɔ plɛplɛ; Alé yarapawelazannu faa a tɔ zin fé, Izraɛl munu lé wo ke a sɔnɔ, wa tɔ zin fé. ’Ka Gakelebale tɔ zin fe.

Lɛrɛvɔ Sɛbɛ 22:3

Anlé Bale, an siaan i lɛ é yiéyi, yé i ’ka a zi vɔa lo; Dé é a béli nyaoo, an ’ka flin‐é pelo.

Fwile 15:2

Gakelebale a anlé plɛplɛ nya, yé yee ɛ tɔ zin lé maa a fé; Yee ɛ an si we gi. É a anlé Bale nya; maa dan a kɛlɛ lɛ blɛn; É a an ti lé Bale nya; maa dan a tɔ bié lɛ.

Fwile 34:10

Gakelebale léé: ’Maa gi pa do ka va ma. We blɛnblɛnnu lé wo ’ka tan a kɛlɛ lɛ tɛrɛ do kpen ta lo, ’té wo ’ka tan a kɛlɛ lɛ bɛn do va lo, maa dan a kɛlɛ lɛ ilé munu yuɛ va; i zimunu faa é dan Gakelebale panyanama ye lɛ, yé wo dan a ye lɛ léé, bii ɛ nya lé maa dan we blɛnblɛnnu ’ko lɛ sɔɔ lɛ.

Ézai 60:19

Yiri ’ka dan bi lɛ i ta é yiéyi é dɛrɛ lo; Moné ’ka dan i va kini lɛ é dɛrɛ lo. Naa, Gakelebale é dan kɛlɛ lɛ ilé san nya yifaama, Ilé Bale é dan kɛlɛ lɛ i tɔbɔmazan nya.

Ézai 64:3

Wenu lé i wo kɛlɛ munu lé wo pa i ta, wo lɛ, dé é ’ka bii do kpen nya lo, ko ’ka tan a ’ma lɛ léé, bale bɛ ’bɛ kɛlɛ yé ko ’bɛ ye lo.

Jérémi 17:14

Gakelebale, ’i an béli, yé an dan béli lɛ. ’I an si we gi, yé an dan si lɛ we gi, naa, an bii ɛ tɔ bɔa.

WENÉNÉ LÉ LUK A GYE (Évangile selon Luc) 2:32

É a bɛnnu vakinisan nya, ilé munu Izraɛl tɔbɔle nya yé maa a ye an yuɛ nya.

Jozué 24:18

É munu faa bin ko ’lɛ, wo valé Amorénu lé woo nyanaan tɛrɛ ’ko la é ziin. Ko é ziin, ko dan Gakelebale bɔ lɛ, naa, é a kolé Bale nya.

Wegɔɔnle 21:23

Fla mawe ’ka yiri valé moné gi é ta kinile we gi lo, naa, Kazambale lé fuasan ɛ a ta kinié, yé ’Blané ɛ ke alé sona nya.

1 Samuɛl 12:24

Naa, ’ka kana Gakelebale lee ma, yé ’ka a bɔ tɔnégidrɔɔ valé ka bli faa nya ma; we plɛplɛ lé é a kɛlɛ ka méléna, ka a yé loo?