Bélidɔwesɛbɛ Fiézan 10:17 - Kazambale lé Sebe Sauunu 1979

¹⁷ Naa, Gakelebale, kalé Bale a balenu lé Bale nya, é a mizannu Zan nya, é a Bale blɛn nya, é a Bale plɛplɛ valé mitadanmawe kɛlɛ Bale nya, yé é ’ka glɛ dɔa mi gi lo, yé é ’ka dɔa mi zuo mi leefɛ ma lo;

Bélidɔwesɛbɛ Fiézan 10:17 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 19:7

Sin, kanale Bale lee ’é kɛlɛ ka gi ma. ’Ka yuɛ pa ka kɛlɛwenu va, naa, weple do kpen ’ka Gakelebale, kolé Bale gi lo; é ’ka mi naginian é kɔlɛ ma lo, yé é ’ka dɔa mi zuo é leefɛ ma lo.

Néémi 1:5

yé maa léé: Gakelebale, lanu lé Bale, Bale blɛn, kana a lee Bale, bii lé ilé gipawe lɛsɔɔan, yé munu lé i sɔ wo lɛ, ’té woo ilé bélidɔwe ta tawoo, i nyanai éé zén‐é wo ta,

Néémi 4:14

Maa dɔ loru yé maa fɛ faa nagini, yé maa lé mi blɛnnu koo, minwiinmunu koo, mi pɔnénu koo, wo lɛ léé: Té ka kana wo lee lo. Mizan lé ke blɛn, ’té éé kana zén‐é munu gi, a sele ’é dɔ ka gima, yé ka bwenu koo, ka benu valé ka lunu koo, ka nanu koo, kalé kɔnnu koo, ’ka wo ta guli dan.

Néémi 9:32

Yé sin, kolé Bale, Bale blɛn, Bale plɛplɛ, kana lee Bale, bii lé i ilé gipawe lɛ sɔɔan yé i nyanai éé zén‐é, ko koo, ko nwiinzan blɛnnu koo, kolé Balebanmunu koo, kolé balelayezannu koo, ko tranu koo, ilé munu faa koo, nyané faa lé ko faa a ble, é sia Asiri nwiinzan blɛnnu bléyi va fɔɔ yé é bɔ kyɔ yi ’ko ma, té bé ye we kiéné nya lo.

JOB (Job) 34:19

É ’ka dɔa mi blɛnnu zuo wo leefɛ ma lo, É ’ka fuablezan valé nyanégyɛzan lé we sié ékema lo, Wo faa a a bɛ panyanama nya, azama.

Lɛrɛvɔ Sɛbɛ 99:3

I tɔ lé é ke blɛn yé éé kana zén‐é mi gi, ’wa bié ma. A ’lɛ a.

Fwile 23:8

Té i blɛ si lo; naa, blɛfɛnu sile éé yuɛ fuozan yuɛ ’wiié, yé éé mi tegelenu dére sɛra.

Ézai 37:16

Lai sunyanu lé Gakelebale, Izraɛl lé Bale lé é ke é nyanale sérubɛnnu méléna, bii ɛ ke tɛrɛ faa la bɛnnu faa lé Bale nya, bii do kpen; bii ɛ ke lanu valé tɛrɛ kɛlɛzan nya.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Jérémi 20:11

Naa, Gakelebale a an va bélé nyanazan plɛplɛ zo, Amalé nyanépaantazannu é dan dia lɛ; wo ’ka dan an kun lɛ lo. Wolé we ’ka dan vɔ lɛ a ma lo, amalé yara é dan wo gyɛ lɛ. É dan kɛlɛ lɛ yaragyɛwe lé a glɛ ’ka lo, ’té munu gi ’ka dan san lɛ a ma lo, a nya.

Jérémi 32:18

I nyanai éé zén‐é fɔɔ mi kulu wuru é wuru ta, yé weplenu lé né tinu a kɛlɛ, bé ma we lɛdɔa wolé nénu gi. Bii ɛ ke Bale blɛn lé é ke plɛplɛ, a nya, ’té a tɔ ke lai sunyanu lé Gakelebale bɛ, a nya.

Daniɛl 11:36

Wean é sɔ minwiinzan blɛn ’ko lɛ, yee lé é dan a kɛlɛ lɛ. É dan nwa lɛ, é dan ébo tɔ pla lɛ balenu faa tɔ nwiin, yé é dan sɔnɔ dére fe lɛ balenu lé Bale ma; a bɛ ma é dan kɛlɛ lɛ néné fɔɔ yé bliflile lɛ é sɔɔ. Naa, wean wa kɛlɛle béli dɔ, a lɛ é dan sɔɔ lɛ.

Daniɛl 2:45

Gɔlɛ lé bé ye sona gɔ ma bɛ, ’té mi bɛ ’ka a ma lo, yé foliɛwɔlɛ koo, zéné koo, bɔtɛrɛ koo, gɔɔlifu koo, kyan koo, yé é wo wii bɛ, ’bɛ gi lé ke bɛ. We lé é dan bɔ lɛ ’bɛ zuo, Bale blɛn a gɔɔn minwiinzan blɛn lɛ. A nyɛ a webozen nya, yé a gifedére a tegele.

Daniɛl 2:47

Yé minwiinzan blɛn lé Daniɛl lɛ léé: Ilé Bale a balenu lé Bale nya, yé é a minwiinzan blɛn faa zan nya webozen nya. I we ’ko gi bɔra fɛan zo, ’bɛ gi léé, é bɔa we yɔɔlenu gi bɔrale lɛ.

Maak 12:14

Yé wo da yé wo lé a lɛ léé: Kozan, ko a gi dɔɔ léé, i wezen fé, yé mi bɛnu lé we ’ka i yuɛ gi bɔa lo, yé i ’ka mi ginian é kɔlɛ ma lo, yé i Kazambale lé zi gɔɔn‐an munu lɛ webozen yɛrama. A se a munu lɛ léé, wo gɔɔli banwo Sézaa lɛ laa? té wa banwo loo? É a lé ko a banwo laa? té ko a banwo loo?

Kelewenu 10:34

Yé Piɛri kun wefele ma yé é léé: Wezen lé, maa a ye léé, Kazambale ’ka mi naginian é kɔlɛ ma lo.

Rom munu 2:11

Naa, Kazambale ’ka mi naginian é kɔlɛ ma lo.

Galasi munu 2:6

Munu lé wo ke zilɛzannu nya bɛ, dé wolé we a kaa? ’bɛ ’ka an yuɛ gi bɔa lo, Kazambale ’ka mi naginian é kɔlɛ ma lo; maa léé, zilɛzan ’konu, wozé Wenéné fele ’ka anzé taa pa lɛ lo.

Éfez munu 6:9

Yé ’kaa wozannu, ’ka yee duo ɛ kɛlɛ wo lɛ. Té ka we pla wo lɛ bliflile nya lo. Ka a gi dɔɔ léé, ka valé wozan a do, é a la gi, yé a va mi, é ’ka mi naginian é kɔlɛ ma lo.

Bélidɔwesɛbɛ Fiézan 1:17

Dé wa we blena, té wo glɛ dɔ munu gi lo; ’wo tɔné dɔ mi kiéné lɛ bélé fɛan zo lé woo tɔné dɔa mi blɛn lɛ, a zo; té wo kana mi do kpen lee lo, naa, weblele a Bale zé nya. Dé we do wo kele, ’wo da a nya an va yé maa a gi ’ma.

Bélidɔwesɛbɛ Fiézan 16:19

Té ka we tegele bɛ gi plɛn lo; té ka dɔ mi zuo é leefɛ ma lo, té ka fɛ si munu lee weblele we gi lo, naa, éé wedɔɔmunu yuɛ ’wiié yé éé mi tegelenu dére sɛra.

Bélidɔwesɛbɛ Fiézan 24:17

Bɛn bɛ gi mi koo, ti valé bugalazan koo, té ka wolé se si wo lee lo; té i zanagalale lé sɔ si a bɛfɛ nya lo.

Bélidɔwesɛbɛ Fiézan 27:25

Mi lé é fɛ si munu lee, weanwiinlozan gyɛle we ma, ’té bale a é pale ’bɛzan ma; yé munu faa é dan a fe lɛ léé: Iin, ’é kɛlɛ a zo.

Bélidɔwesɛbɛ Fiézan 7:21

Té di é kini ka gi wolé we ma lo; naa, Gakelebale, kalé Bale a ka méléna. É a Bale blɛn valé mitadanmawe kɛlɛ Bale nya.

Kolɔs munu 3:25

Naa, mian éé weple kɛla wo dan azé lɛgi pa lɛ alé weple kɛlɛle yɛrama; Kazambale ’ka dɔa mi zuo é leefɛ ma lo.

1 Timoté 6:15

Dé a bléyi bɔ, Kazambale é dan Jézu gɔɔn lɛ munu yuɛ va. Kazambale lé é ke minwiinzan blɛn do kpen nya, ’té a gi éé nanaan, ’té é ke minwiinzannu é nwiinzan nya, mizannu ézan nya,

Jozué 22:22

Bale, Bale, Gakelebale, Bale, Bale, Gakelebale a gi dɔɔ, yé Izraɛl é dan a gi dɔɔ lɛ. Dé ko kɛlɛ nwale nya Gakelebale ma we gi, dé ko kɛlɛ tɔnégiplɛplɛ we nya Gakelebale ma, té é da bɔ ko va yi ’ko nya lo.

1 Piɛri 1:17

Mi lé éé munu faa lé we blé wo kɛlɛwe yɛrama, ’té é ’ka glɛ dɔa mi gi bɛ lo, dé ka a laan ka Ti, ’ka tawo kanale nya a lee, kalé dɔwola tɛrɛ la.

Wegɔɔnle 17:14

Wo dan guli dan lɛ ’Blané va, yé ’Blané é dan wo kele lɛ; é a Mizannuzan nya yé é a minwiinzannu Nwiinzan nya, azama. Yé a vamunu lé é wo laa, ’té é wo si a va, ’té woo yara paan we la bɛ, ’bɛnu é dan wo kele lɛ é ziin.

Wegɔɔnle 19:16

Wo tɔ do gyɛ alé sɔ valé a boro ta léé: Minwiinzannu Nwiinzan, Mizannuzan.