Bélidɔwesɛbɛ Fiézan 10:12 - Kazambale lé Sebe Sauunu 1979

¹² Amalé, sin, Izraɛl munu, Gakelebale a a va léé, ka mɛ kɛlɛɛ? É ’ka a va léé, ’ka kana é lee, yé ’ka tawo élé zinu ta, yé ’ka ’é lɔrɔ pa yé ’ka ’é bɔ ka bli faa valé kaboen faa nya loo?

Bélidɔwesɛbɛ Fiézan 10:12 ပူးပေါင်းရင်းမြစ်များ

1 Minwiinzannu 3:3

Gakelebale sɔ Salomɔn lɛ yé é é ti David lé gɔnɔlawe kɛla. Naa, éé Bale baan winu valé lasikɔrɔnu nya gɔnwiin balebanna ɛ na.

2 Minwiinzannu 10:31

Naa, Jéu ’ka tawo lɛ Gakelebale, Izraɛl lé Bale, lé bélidɔwe ta é bli faa nya lo; wenyanénu lé Jéroboam Izraɛl kɛlɛ wo kɛlɛzannu nya, é ’ka daan lɛ wo kɛlɛle ma lo.

2 Minwiinzannu 18:3

We lé ke é drɔle Gakelebale yuɛ gi, yee lé é a kɛlɛ, a tra David a kɛlɛ fɛan zo, a zo ’kyɛ.

2 Minwiinzannu 18:6

É yere Gakelebale ma, yé é ’ka diéra lɛ a zuo lo, yé bélidɔwenu lé Gakelebale a fe Moizi lɛ, é wo kɛlɛ.

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

2 Minwiinmunu lé Wezuofe Sɛbɛ 15:12

Wo bale kun léé, wo dan Gakelebale, wo tranu lé Bale nagini lɛ wo bli valé woboen faa nya,

JOB (Job) 36:11

Dé wo tɔné dɔ a lɛ yé wo ’wuo dɔ a wuo, Wo dan wolé yinu lɛ sɔɔ lɛ wezin yele nya, Wo dan wolé lɛɛnu nyaa lɛ ginanale nya.

Lɛrɛvɔ Sɛbɛ 119:2

Munu lé woo alé wepladérenu maan, ’Té wa lɛdɔama wo bli faa nya, wozé a néné.

Lɛrɛvɔ Sɛbɛ 128:1

Gɔ gié lɛrɛ do lé. Munu faa lé woo kanaan Gakelebale lee, ’Té woo tawoo alé zinu ta, wozé a néné.

Lɛrɛvɔ Sɛbɛ 145:20

Munu faa lé Gakelebale éé sɔa wo lɛ, éé wo tabin‐é, Yé éé mi nyanénu faa kulu gaan.

Lɛrɛvɔ Sɛbɛ 18:1

Gakelebale wuozan David lɛrɛ ’ko vɔle gɔɔn lɛrɛvɔmunu ’lɛzan lɛ. É lɛrɛ ’ko vɔ Gakelebale lɛ bléyian va lé Gakelebale a si a nyanézannu faa valé Saul lee. É léé:

Lɛrɛvɔ Sɛbɛ 34:9

Gakelebale a é zin fɛan zo, ’bé gi dan do yé i dan a ye lɛ. Mian éé yɔɔna naginian Bale va, azé a néné.

Lɛrɛvɔ Sɛbɛ 81:13

Naa, wo bli a zi bɛ ta, amalé maa wo vo wobo lé blibɔmawe lee, Woo tawoo ’wobozen lé weplalenu yɛrama.

Lɛrɛvɔ Sɛbɛ 81:14

Oo, dé é vo kɔɔn léé, anlé munu ’wo tɔné dɔ an lɛ; Dé é vo kɔɔn léé, Izraɛl munu tawo anlé tawobɛ gi,

Fwile 23:25

Ka dan Gakelebale, kalé Bale bɔ lɛ, yé é dan kalé fɛblele valé kalé ’yi drɔɔ vo lɛ, yé maa dan gyɛ si lɛ ka méléna.

Bale Lé We Gifezan 12:13

Wedɔɔzannu dérenu a bélé foroné zo; dé wa é gyɛle ékeva fɛ dona, wa bélé pɔnténu lé wo wo blin, wo zo; dére ’konu faa si mi do ’léé.

Ézékiɛl 11:20

léé, ’wo an déretawenu kɛlɛ, yé ’wo anlé bélidɔwenu lɛdɔma yé wa sɔnnénu pa, yé wo dan kɛlɛ lɛ anlé munu nya, yé maa dan kɛlɛ lɛ wolé Bale nya.

Misé 6:8

Oo blami, we lé ke é zima, wa gɔɔn i lɛ; we lé é sɔ Gakelebale lɛ léé, bé kɛlɛ, yee lé ke léé, ’i we tegele kɛlɛ, yé nyanai zénle ’é sɔ i lɛ, yé ’i tawo bo kiéné nya ilé Bale va.

Sofoni 3:9

Yé maa dan dére tegelenu nɔ lɛ migɔnɔnu lɛ, léé, wo faa é Gakelebale tɔ laa, a bɔle bli do nya we ma.

Matio 22:37

Jézu a zi pa a lɛ léé: ’I Mizan, izé Bale, lɔrɔ pa i bli faa koo, i boen faa koo, i gi bɔrɔle faa koo, wo nya.

WENÉNÉ LÉ LUK A GYE (Évangile selon Luc) 10:27

Yé yee gɔnézan léé: Maa ’ma léé, ’i Mizan izé Bale lɔrɔ pa i bli faa koo, i boen faa koo, ilé plɛplɛ faa koo, i gi bɔrɔle faa koo, wo nya; yé ’i bɔluzan lɔrɔ pa bélé biibozen zo.

WENÉNÉ LÉ LUK A GYE (Évangile selon Luc) 11:42

Farizimunu, ka gale nyɔ. Zian va blaanu lé wo ke mant valé ru nya, é valé ziannu koo, ka wo vuzan no, yé ka Kazambale lé we tegele valé é lɔrɔpale vo ka bɛ zuo; é a lé ’ka bɛnu é kɛlɛ, yé té ka a vininzannu kɛlɛle vo lo.

Kelewenu 9:31

Léglizigimunu a drɔɔ Judé tɛrɛ faa koo, Galilé tɛrɛ koo, Samari tɛrɛ koo, wona. Wa é dɔle plɛplɛ yé wo tawo Mizambale lee kana nya wo gi, yé wo ’léé gi gyɛ Léli Sauun bɔle wo va nya.

Rom munu 1:9

Bale lé maa a bɔa an bli gi a Be lé Wenéné fele nya, é a anlé wenayezan nya léé, an bazoroan ka tɔ ma yifaama, an ’ka daan a ma lo,

Rom munu 8:28

Yé kaa gi dɔɔ léé, munu lé Kazambale éé sɔa wo lɛ, ’té Bale wo laa ’é bɔn‐in danle yɛrama bɛ, we faa lé éé bɔa wo ma, Kazambale a nɔlaan wo ma wezin nya.

Bélidɔwesɛbɛ Fiézan 10:11

Gakelebale lé an lɛ léé, ’an nwa, ’an go, ’an tawo munu ’lɛ. Tɛrɛ lé yee a fe wo tranu lɛ ébo ’nyɔɔnle nya lé é dan a nɔ lɛ wo lɛ, ’wo go a si ’wozé nya.

Bélidɔwesɛbɛ Fiézan 10:13

É ’ka a va léé, ’ka ’é sɔnnénu pa yé bélidɔwenu lé maa wo gɔɔn ka lɛ kyɔ ’ko, ’ka wo lɛdɔma, ka gi nanale we gi loo?

Bélidɔwesɛbɛ Fiézan 11:1

’Ka Gakelebale, kalé Bale lɔrɔ pa; ’ka alé weplale ka lɛ nyi si, ’ka alé bélidɔwenu ta tawo, ’ka a gɔnɔlawenu kɛlɛ, ’ka a sɔnnénu pa.

Bélidɔwesɛbɛ Fiézan 11:13

Bale sɔnnénu lé maa wo fe ka lɛ kyɔ, dé ka wo pa, dé ka Gakelebale kalé Bale lɔrɔ pa, dé ka a bɔ ka bli valé kaboen faa nya,

Bélidɔwesɛbɛ Fiézan 26:16

Kyɔ, Gakelebale, kalé Bale ka béli dɔ léé, ’ka tawo bélidɔwe ’konu valé kalé gɔnɔlawe ’konu yɛrama. ’Ka tawo wo ta yé ’ka wo kɛlɛ ka bli faa valé ka boen faa nya.

Bélidɔwesɛbɛ Fiézan 27:10

’Ka Gakelebale, kalé Bale dére lɛdɔma yé alé bélidɔwenu valé a sɔnnénu lé maa wo fe ka lɛ kyɔ, ’ka tawo wo yɛrama.

Bélidɔwesɛbɛ Fiézan 30:16

Naa, maa fe ka lɛ kyɔ léé, ’ka Gakelebale, kalé Bale lɔrɔ pa, ’ka tawo alé tawobɛ gi, a sɔnnénu koo, alé bélidɔwenu koo, alé gɔnɔlawenu koo, ’ka wo ta tawo, ka vole é yuɛma valé ka fanle we gi, yé tɛrɛ lé ka dan a kɛlɛ lɛ kazé nya, Gakelebale, kalé Bale é dan ka drɔɔ vo lɛ ’bɛ ta.

Bélidɔwesɛbɛ Fiézan 30:20

yé ’ka Gakelebale, kalé Bale lɔrɔ pa, yé ’ka a dére lɛdɔma, yé ’ka buvɔ a ma; naa, ka vole é yuɛma valé ka mɔnle tɛrɛ la éé sié ’bɛ ɛ va, yé ’bɛ zo lé ka dan nyana lɛ tɛrɛ lé Gakelebale ébo ’nyɔɔn ka tranu Abraam koo, Izak koo, Jakɔb koo, wo lɛ léé, é dan a nɔ lɛ wo lɛ, a ta.

Bélidɔwesɛbɛ Fiézan 4:29

’Bɛna sin, ka dan Gakelebale kalé Bale nagini lɛ yé ka dan a ye lɛ, ’té dé ka a nagini ka bli faa valé kaboen faa nya.

Bélidɔwesɛbɛ Fiézan 5:29

Oo, bli ’ko duo ’é vo wo gi yifaama ma, yé ’wo kana ’é lee ma, yé ’wo ’élé bélidɔwe lɛdɔma ma, yé wo gi é dan nana lɛ yifaama, wo valé ’wolé nénu nya.

Bélidɔwesɛbɛ Fiézan 5:33

Tawobɛ lé Gakelebale, kalé Bale a gɔɔn ka lɛ, ’ka tawo a yɛrama ’kyɛ, ka vole é yuɛma valé ka gi nanale we gi, yé ka mɔn tɛrɛ lé é dan kɛlɛ lɛ kazé nya, a ta.

Bélidɔwesɛbɛ Fiézan 6:13

’Ka kana Gakelebale, kalé Bale lee, ’ka a bɔ, ’ka bale ’nyɔɔn a tɔ nya.

Bélidɔwesɛbɛ Fiézan 6:2

Dé ka kana Gakelebale, kalé Bale lee, bélidɔwenu faa valé gɔnɔlawenu faa lé maa a gɔɔn ka lɛ, dé ka wo lɛdɔma, ka koo, ka benu koo, ka benu é benu koo, dé ka wo lɛdɔma kalé tɛrɛla faa gi, ka dan mɔn lɛ tɛrɛ la.

Bélidɔwesɛbɛ Fiézan 6:24

Gakelebale lé ko lɛ léé, ’ko bélidɔwe ’konu lɛdɔma yé ’ko kana yee Gakelebale, kolé Bale lee, ko gi nanale yifaama we gi, yé é ko vo é yuɛma, fɛan zo lé é a kɛlɛ kyɔ, a zo.

Bélidɔwesɛbɛ Fiézan 6:5

’Ka Gakelebale, kalé Bale lɔrɔ pa, ka bli faa koo, kaboen faa koo, kalé plɛplɛ faa koo, wo nya.

1 Timoté 1:5

Wean ma lé maa a fe, yee lé ke ’ko: é a lé sɔlɛle é kɛlɛ ka gi; sɔlɛle lé éé sié bli gibɔle koo, wevasibli zima koo, blipale bozen koo, wo va, yee lé.

Ébrunu 12:28

Naa fuatɛrɛ lé ke kaazé nya, ’bɛ ma ’ka dan nyɔɔn lɛ lo, amalé kaa Bale bɔ vɔ yé kaa bɔ a bɔbɛ lé é sɔ a lɛ, a nya, a lɛdɔmale valé kanale a lee nya.

Jozué 22:5

Naa, dérenu valé bélidɔwe lé Gakelebale wuozan Moizi a fe ka lɛ, ’ka wo ta tawo ka yuɛi do nya ma; ’ka Gakelebale, kalé Bale lɔrɔ pa ma; ’ka alé zinu faa ta tawo ma; ’ka alé bélidɔwenu kɛlɛ ma; ’ka buvɔ a ma ma; yé ’ka alé nyanama pa ka bli faa valé ka boen faa nya ma.

Jozué 24:14

Sin, ’ka kana Gakelebale lee ma, yé ’ka a bɔ bli tegele valé yarapalale nya ma. Balenu lé ka tinu wo bɔ yuu zi valé Éjipiti tɛrɛ la, ’wo si ka melena ma, yé ’ka Gakelebale bɔ ma.

1 Jan 2:15

Té tɛrɛlawe valé tɛrɛlafɛnu é sɔ ka lɛ lo. Dé tɛrɛlawe sɔ mianzan lɛ, ’té Ti lɔrɔ ’ka ’bɛzan ma lo.

1 Jan 5:5

Mi lé éé tɛrɛlawe keleé yé a ’wuo é vo a lɛ, dé é ’ka mi lé a bli ke a lɛ léé, Jézu a Kazambale Be nya, azan nya lo, ’té ’bɛzan lé é ke de nyaa?

1 Samuɛl 12:20

Samuɛl lé munu lɛ léé: Té ka kana lo. Weboen lé, ka wenyané kɛlɛ; naa, té ka diéra Gakelebale zuo lo, ’ka a bɔ ka bli faa nya;