Bélidɔwesɛbɛ Fiézan 1:8 - Kazambale lé Sebe Sauunu 1979

⁸ É lé yi la léé, ’é tɛrɛ ’ko faa nɔ ka lɛ; ’ka go, tɛrɛ lé ’yee Gakelebale a fe ébo ’nyɔɔnle nya léé, é dan a nɔ lɛ ka tranu Abraam koo, Izak koo, Jakɔb koo, wo lɛ, wo valé ’wo kulunu lɛ, ’ka go a si kazé nya.

Bélidɔwesɛbɛ Fiézan 1:8 ပူးပေါင်းရင်းမြစ်များ

Wepélisiananu 12:7

Yé Gakelebale bɔra Abram va, yé é léé: Maa dan tɛrɛ ’ko nɔ lɛ i kulu é kulu lɛ. Yé Abram Gakelebale banna kɛlɛ, fɛana lé é bɔra a yuɛ va bɛ, ana.

Wepélisiananu 15:16

Wo néné zi néné ziɛnzan nya wo dan nyana lɛ ’ko é ziin. Naa, Amoré munu lé wenyané ’ka tan fan lɛ lo.

Wepélisiananu 15:18

’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

Néémi 9:15

Dé lɔrɔ a wo gyɛna, i lagi loru buru nɔ wo lɛ, dé ’yiminilɔrɔ a wo gyɛna, i ’yi si wo lɛ gɔlɛ gi yé wa mini. Yé tɛrɛ lé ibo ’nyɔɔn léé, i dan a nɔ lɛ wo lɛ wozé nya, bé fe wo lɛ léé, ’wo go ana, ’wa si.

Fwile 23:31

Maa dan ilé tɛrɛ glɛ dɔ lɛ, é sia Wɛyi Sɔɔn ma fɔɔ yé é bɔ Filisitinu lé wɛyi ma, yé é sia bwi ma fɔɔ yé é bɔ yuu ma; naa, maa dan ana tɛrɛlamunu pa lɛ ka lee, yé ka dan wo bin lɛ ka ’lɛ.

Fwile 33:1

Gakelebale lé Moizi lɛ léé: ’I go, bii valé munu lé i si wo nya Éjipiti tɛrɛ la, ’ka si ’ko, yé tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo kulu lɛ, ’ka go ana zia.

Jérémi 32:22

I tɛrɛ ’ko nɔ wo lɛ, tɛrɛ lé ibo ’nyɔɔn léé, i dan a nɔ lɛ wo tranu lɛ, yee lé, tɛrɛ nyɔnɔzan lé.

Ézékiɛl 47:14

Ka faa do do zé é dan kɛlɛ lɛ, naa, maa anbo ’nyɔɔn an bɛ nwale nya léé, maa dan a nɔ lɛ ka tranu lɛ. Amalé wo dan yee tɛrɛ ’ko guli lɛ ka ma.

Mi Nɔnɔle 14:23

munu faa ’ko, tɛrɛ lé maa anbo ’nyɔɔn wo tranu lɛ léé, maa dan a nɔ lɛ wo lɛ, wo va mi do kpen ’ka dan tɛrɛ ’ko ye lɛ monomono lo. Wo yuɛ vɔ an zi, amalé wo va mi do kpen ’ka dan a ye lɛ lo.

Mi Nɔnɔle 32:11

Munu lé wo si Éjipiti tɛrɛ la, ’té wo lɛɛ gié lɛɛ yɔ do ta, tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo lɛ, wo va mi do kpen ’ka dan a ye lɛ lo. Wo ’ka tawo lɛ an zuo yarapalale nya lo,

Bélidɔwesɛbɛ Fiézan 1:11

Gakelebale, ka tranu lé Bale, ’é ka fan kiɛre é ziin gɔnɔ wuru soru ma, yé ’é ka drɔɔ vo, é a fe ka lɛ fɛan zo, a zo ma.

Bélidɔwesɛbɛ Fiézan 1:35

Tɛrɛ zin lé maa anbo ’nyɔɔn léé, maa dan a nɔ lɛ wo tranu lɛ, bléyi ’ko vamunu nyané ’ko, wo va mi do kpen ’ka dan ’bɛ tɛrɛ ye lɛ lo,

Bélidɔwesɛbɛ Fiézan 10:11

Gakelebale lé an lɛ léé, ’an nwa, ’an go, ’an tawo munu ’lɛ. Tɛrɛ lé yee a fe wo tranu lɛ ébo ’nyɔɔnle nya lé é dan a nɔ lɛ wo lɛ, ’wo go a si ’wozé nya.

Bélidɔwesɛbɛ Fiézan 11:24

Fɛ faa lé ka dan ka gane zun lɛ ana, é dan kɛlɛ lɛ kazé nya; kalé tɛrɛ glɛ do é dan kɛlɛ lɛ Liban lé bwi nya, yé kalé tɛrɛ glɛ do é dan kɛlɛ lɛ Yufrat yuu nya, yé kalé tɛrɛ é dan go lɛ fɔɔ yé é bɔ wɛyi lé ke yirivɔnazia, a ma.

Bélidɔwesɛbɛ Fiézan 11:9

yé ka bɔalɛ léé, ka mɔn, tɛrɛ lé Gakelebale a fe ka tranu lɛ ébo ’nyɔɔnle nya léé, é dan a nɔ lɛ wo valé wo kulunu lɛ, a ta; é a tɛrɛ nyɔnɔzan nya.

Bélidɔwesɛbɛ Fiézan 2:29

Ézau lé nénu lé wo ke é nyanale Séii tɛrɛ la, a zo lé wa kɛlɛ ko lɛ, yé Moab munu lé wo ke é nyanale Aa, a zo lé wa kɛlɛ ko lɛ é ziin. ’Kaa é ziin, ’ka zi nɔ ko lɛ, fɔɔ yé ko Juudɛn yuu kini yé ko bɔ tɛrɛ lé Gakelebale, kolé Bale a nɔ ko lɛ, ana.

Bélidɔwesɛbɛ Fiézan 26:15

Bii lé i ke la gi i nyanana sauun na bɛ, bé nagini; ’ilé munu Izraɛl drɔɔ vo, tɛrɛ lé bé nɔ ko lɛ, ibo ’nyɔɔn ko tranu lɛ fɛan zo, a zo, tɛrɛ nyɔnɔzan ’ko, bé drɔɔ vo ma.

Bélidɔwesɛbɛ Fiézan 26:3

Balebanzan lé é ke nyanama pana ’bɛ bléyi va, ka dan a nɔ lɛ ’bɛzan lɛ yé ka dan a fe lɛ a lɛ léé: Kyɔ, maa a fena Gakelebale, ilé Bale lɛ léé, an bɔ tɛrɛ lé Gakelebale ébo ’nyɔɔn ko tranu lɛ léé, é dan a nɔ lɛ ko lɛ, a ta.

Bélidɔwesɛbɛ Fiézan 28:11

Kalé nénu koo, kalé trubɛnénu koo, kalé féifɛnu koo, Gakelebale é dan wo fan lɛ é zima, tɛrɛ lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ, a ta.

Bélidɔwesɛbɛ Fiézan 29:12

Ka da, ka gi pale do we ma, Gakelebale, kalé Bale va; gipawe lé Gakelebale a kɛlɛ ka va kyɔ, ’té woo wɔraan a gi bale ’nyɔɔnle nya, yee lé.

Bélidɔwesɛbɛ Fiézan 30:20

yé ’ka Gakelebale, kalé Bale lɔrɔ pa, yé ’ka a dére lɛdɔma, yé ’ka buvɔ a ma; naa, ka vole é yuɛma valé ka mɔnle tɛrɛ la éé sié ’bɛ ɛ va, yé ’bɛ zo lé ka dan nyana lɛ tɛrɛ lé Gakelebale ébo ’nyɔɔn ka tranu Abraam koo, Izak koo, Jakɔb koo, wo lɛ léé, é dan a nɔ lɛ wo lɛ, a ta.

Bélidɔwesɛbɛ Fiézan 31:7

Moizi Jozué laa yé é lé a lɛ Izraɛl faa yuɛ va léé: ’Ibo dɔ gligli, ’i bli ta dɔ plɛplɛ, naa, tɛrɛ lé Gakelebale ébo ’nyɔɔn munu ’konu tranu lɛ léé, é dan a nɔ lɛ wo lɛ, bii ɛ dan go lɛ wo va ana, yé bii ɛ dan wo kɛlɛ lɛ azannu nya.

Bélidɔwesɛbɛ Fiézan 34:4

Gakelebale lé a lɛ léé: Tɛrɛ lé maa anbo ’nyɔɔn léé, maa nɔ Abraam koo, Izak koo, Jakɔb koo, wo lɛ, a fele nya léé, maa dan a nɔ lɛ i nénénu lɛ, yee tɛrɛ lé ke bɛ. Maa a nagɔɔn i lɛ, bé ye i yuɛ nya, naa, i ’ka dan i gane zun lɛ ana lo.

Bélidɔwesɛbɛ Fiézan 4:1

Sin, Izraɛl munu, bélidɔwenu valé gɔnɔlawenu lé maa a gona paana ka gi bɛ, ’ka tɔné dɔ wo lɛ. ’Ka wo ta tawo, ka vole é yuɛma we ma yé tɛrɛ lé Gakelebale, ka tranu lé Bale, a nɔ ka lɛ, yé ’é kɛlɛ kazé nya.

Bélidɔwesɛbɛ Fiézan 6:10

Tɛrɛ lé Gakelebale, kalé Bale ébo ’nyɔɔn ka tranu Abraam valé Izak valé Jakɔb lɛ léé, é dan a nɔ lɛ ka lɛ, é dan go lɛ ka nya ana. Fla blɛn zinnu lé ka ’ka wo pa lɛ lo, ka dan nyana lɛ wo ta;

Bélidɔwesɛbɛ Fiézan 7:12

Dé ka tɔné dɔ dére ’konu lɛ, dé ka wo lɛdɔma yé ka wo ta tawo, gipawe valé nyanai zénle lé ébo ’nyɔɔn ka tranu lɛ wo ma, é dan dɔ lɛ a ta plɛplɛ.

Bélidɔwesɛbɛ Fiézan 7:13

É dan ka lɔrɔ pa lɛ; é dan ka drɔɔ vo lɛ yé é dan ka fan lɛ; nénu lé wo bɔn ke wo bunu ma, é dan wo drɔɔ vo lɛ yé é dan kalé féifɛ drɔɔ vo lɛ; kalé ’sa koo, kalé dɔrɔ dɛrɛ valé kalé nyɔnɔ koo, kalé dirinu valé kalé trubɛnu lé né yaale koo, é dan wo faa drɔɔ vo lɛ, tɛrɛ lé ébo ’nyɔɔn ka tranu lɛ léé, é dan a nɔ lɛ ka lɛ, a ta.

Bélidɔwesɛbɛ Fiézan 7:8

Naa, ka sɔ Gakelebale lɛ é wo, yé é sɔ a lɛ léé, ébo ’nyɔɔn ka tranu lɛ fɛan zo, ’é ’bɛ lɛ sɔɔ, bɛwemalé Gakelebale ka si luu gi, é ka si Éjipitimunu nwiinzan Faraɔn lee yé é ka si ana é bɛ plɛplɛ nya.

Bélidɔwesɛbɛ Fiézan 8:1

An sɔnnénu lé maa wo gɔɔn ka lɛ kyɔ, ’ka wo lɛdɔma yé ’ka wo pa, ka vole é yuɛma valé ka fanle we ma, yé tɛrɛ lé Gakelebale ébo ’nyɔɔn léé, é dan a nɔ lɛ ka tranu lɛ, yé ’é kɛlɛ kazé nya.

Bélidɔwesɛbɛ Fiézan 9:5

É ’ka kɛlɛ lɛ léé, kalé tawobɛ tegele valé ka bli tegele ma lé tɛrɛ ’ko kɛlɛ kazé nya lo; naa, bɛn ’konu bli nyané lé we ma lé Gakelebale, kalé Bale wo bin ka ’lɛ, yé é ziin, dére lé é a fe ébo ’nyɔɔnle nya ka tranu, Abraam koo, Izak koo, Jakɔb koo, wo lɛ, a dɔle gligli lé we ma lé é dan wo bin lɛ.

Ébrunu 6:13

Kazambale blivolɛdére fe aan wo Abraam lɛ, fɛ do lé é ke blɛn yé é mini yeebozen ta, é ’ka ’bɛ ye lɛ yé é ’bɛ ’nyɔɔn lo, bɛwemalé é ’ébozen ’nyɔɔn,

Ébrunu 6:14

yé é léé: Weboen nya, maa dan i drɔɔ vo lɛ é baba, yé maa dan i kulu kɛlɛ lɛ di.

Jozué 1:6

’Ibo dɔ gligli, yé ’i bli ta dɔ plɛplɛ, naa, tɛrɛ lé maa a fe ka tranu lɛ anbo ’nyɔɔnle nya lé maa dan a nɔ lɛ wo lɛ, mi lé é dan munu ’ko nyana lɛ a ta, bii ɛ ke a nya.

Weblezannu 2:1

Gakelebale lé lanje do si Gilgal yé é go loru zia Bokim yé é léma: Maa ka si Éjipiti tɛrɛ la yé maa da ka nya, tɛrɛ lé anbo ’nyɔɔn ka tranu lɛ léé, maa dan a nɔ lɛ wo lɛ, a ta. Maa léé, maa ’ka dan anlé gipawe sɛrɛ lɛ ka va monomono lo;