Bélidɔwesɛbɛ Fiézan 1:30 - Kazambale lé Sebe Sauunu 1979

³⁰ Gakelebale, kalé Bale lé éé tawoo ka ’lɛ, yeebozen é dan ka ta guli dan lɛ, we faa lé é a kɛlɛ ka yuɛ va Éjipiti tɛrɛ la, a yɛrama;

Bélidɔwesɛbɛ Fiézan 1:30 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 32:8

Blaminu bɛ nya lé wo ’wozé kɛla, naa, Gakelebale, kolé Bale ɛ ke ko va, yé é dan bɔ lɛ ko va, yé é dan ko ta guli dan lɛ. Yé munu pa Juda nwiinzan blɛn Ézékia dére ta.

Néémi 4:14

Maa dɔ loru yé maa fɛ faa nagini, yé maa lé mi blɛnnu koo, minwiinmunu koo, mi pɔnénu koo, wo lɛ léé: Té ka kana wo lee lo. Mizan lé ke blɛn, ’té éé kana zén‐é munu gi, a sele ’é dɔ ka gima, yé ka bwenu koo, ka benu valé ka lunu koo, ka nanu koo, kalé kɔnnu koo, ’ka wo ta guli dan.

Néémi 4:20

Dé ka béli dére ’ma bléyian va, ’ka zén ékeva ko va, fɛ lé béli we ana, ana; kolé Bale é dan ko ta guli dan lɛ.

Lɛrɛvɔ Sɛbɛ 46:11

’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

Fwile 10:21

Gakelebale lé Moizi lɛ léé: ’I bɛ soi lai zia, yé gunu ’é dɔra Éjipiti tɛrɛ la ma, gunu tiritiri lé mi é bɔalɛ léé, é bɛ mane a ma, a nya.

Fwile 14:14

Gakelebale é dan ka ta guli dan lɛ; yé ’kaa, ’ka vo é tadɔle.

Fwile 14:25

É wolé goronu gane so, yé wolé tawole kɛlɛ tɔntɔn. Yé Éjipiti munu léé: Kaa vlan buru Izraɛl lee, naa, Gakelebale a Izraɛl ta guli danna Éjipiti munu va.

Fwile 19:4

We lé maa kɛlɛ Éjipiti munu lɛ, yé maa ka si gola bɛanu la yé maa da ka nya an va fɛan zo ’ko, ka a ye.

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

Rom munu 8:37

Naa, we ’konu faa gi kaa a a ’wuo?-?volɛmunu nya gɔnɔ fié, mi lé kaa sɔ a lɛ, alé we ma.

Bélidɔwesɛbɛ Fiézan 1:29

Yé maa lé ka lɛ léé, té ka gi nyɛ ’é kini lo; té ka kana wo lee lo.

Bélidɔwesɛbɛ Fiézan 11:3

wenu valé tɔmasenu lé é a kɛlɛ Éjipiti tɛrɛ la, Éjipiti mununwiinzan Faraɔn valé alé tɛrɛ faa ma koo, a sele ’é dɔ ka gi ma.

Bélidɔwesɛbɛ Fiézan 29:2

Moizi Izraɛlmunu faa laa, yé é lé wo lɛ léé: We faa lé Gakelebale a kɛlɛ ka yuɛ va Éjipiti tɛrɛ la, Faraɔn koo, a wuozannu faa koo, alé tɛrɛ faa koo, wo lɛ, ka ana ye.

Bélidɔwesɛbɛ Fiézan 3:22

Té i kana pelo; naa, Gakelebale kalé Bale, é dan ka ta guli dan lɛ é boan.

Bélidɔwesɛbɛ Fiézan 31:3

Gakelebale, kalé Bale bozen é dan tawo lɛ ka ’lɛ, é dan bɛn ’konu kulu ga lɛ ka ’lɛ, yé é dan ka kɛlɛ lɛ wo nwiinzannu nya. Jozué é ziin, ’bɛ é dan tawo lɛ ka ’lɛ, Gakelebale a fe fɛan zo, a zo.

Bélidɔwesɛbɛ Fiézan 34:11

Tɔmasenu valé gyɛzorowenu lé Gakelebale Moizi pa zia wo kɛlɛle we gi Éjipiti tɛrɛ la, Faraɔn koo, a wuomunu koo, alé tɛrɛ faa koo, wo ma, mi bɛ lé ’bɛ é ’bɛzowe ’konu kɛla, é ’ka lo; yé é ziin, kanazénmigiwe blɛnblɛnnu faa lé Moizi a kɛlɛ é bɛ plɛplɛ nya Izraɛlnu faa yuɛ va, mi lé ’bɛ é ’bɛzowe kɛla, ’bɛzan ’ka lo.

Bélidɔwesɛbɛ Fiézan 4:34

Bale do éé kwa kulian léé, ’é bɛn do sié bɛn do méléna bélé fɛan zo lé é ka sié ’ko, a zoo? yé wo kɛlɛ ézé nya, mi gidanle koo, tɔmasenu koo, gyɛzorowenu valé gulidanlenu koo, wo nya, ’té éé bɛ soian, ’té éé bɛ plɛplɛ nagɔɔn‐an, ’té éé di kinié mi gi wenu kɛla, fɛan zo lé Gakelebale, kalé Bale a kɛlɛ ka lɛ Éjipiti tɛrɛ la yé ka a ye ka yuɛ nya, a zoo?

Bélidɔwesɛbɛ Fiézan 7:18

Té ka kana lo. We lé Gakelebale, kalé Bale a kɛlɛ Faraɔn valé Éjipiti munu faa lɛ, a sele ’é dɔ ka gi ma.

Jozué 10:14

Yi ’ko zo ’ka bɔ lɛ é vinin lo, yé ’bɛ zoɛ yi ’ka bɔ lɛ a zuo lo, Gakelebale mi dére ’ma, naa, Gakelebale Izraɛl ta guli dan, azama.

Jozué 10:42

Minwiinzannu ’ko valé ’wolé tɛrɛnu, Jozué wo faa si bléyi do nya, naa, Gakelebale, Izraɛl lé Bale Izraɛl ta guli dan, ’bɛzama.

Jozué 23:3

We faa lé Gakelebale, kalé Bale a kɛlɛ bɛnnu ’konu lɛ ka ’lɛ, ka a ye, naa, Gakelebale, kalé Bale é ka ma guli dan.