Bélidɔwesɛbɛ Fiézan 1:21 - Kazambale lé Sebe Sauunu 1979
21 Ka yua, sin, Gakelebale, kalé Bale tɛrɛ nɔ ka lɛ; ’ka go, ’ka a si kazé nya, Gakelebale, ka tranu lé Bale a fe ka lɛ fɛan zo, a zo; té ka kana lo; té di ’é kini ka gi lo.
Dé lɔrɔ a wo gyɛna, i lagi loru buru nɔ wo lɛ, dé ’yiminilɔrɔ a wo gyɛna, i ’yi si wo lɛ gɔlɛ gi yé wa mini. Yé tɛrɛ lé ibo ’nyɔɔn léé, i dan a nɔ lɛ wo lɛ wozé nya, bé fe wo lɛ léé, ’wo go ana, ’wa si.
Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.
Dé ka guli dan ka nyanézannu va, yé ka wisoonu valé goronu ye, yé ka léé, wo kiɛre mini ’wo ta, té ka kana wo lee lo; naa, Gakelebale, kalé Bale lé é ka si Éjipiti tɛrɛ la, é a ka va, azama.
É dan a fe lɛ wo lɛ léé: Izraɛl, ’ka tɔné dɔ. Ka a gona guli danna kyɔ ka nyanézannu va. Té ka bli kyɛ é dɔ lo; té kana é zén ka gi lo, té di é kini ka gi lo; té ka gi nyɛ é kini wolé we ma lo.
’Kabo dɔ gligli, yé ’ka bli ta dɔ plɛplɛ. Té ka kana wo lee lo, té di ’é kini ka gi wolé we ma lo; naa, Gakelebale, kalé Bale bozen é dan tawo lɛ ka va, é ’ka dan ka vo lɛ é pla lo, é ’ka dan sɔn vɔ lɛ ka ma lo.
Gakelebale a a va léé, ka si Kadɛs‐Baanéa bléyian va, yé é lé ka lɛ léé, ’ka nwa, tɛrɛ lé ’é a nɔ ka lɛ, ’ka a si kazé nya, ’ka tɔné gi kɛlɛ plɛplɛ Gakelebale, kalé Bale dére ma, yé ka bli ’ka vo lɛ a lɛ lo, yé ka ’ka a dére lɛdɔ lɛ a ma lo.
’Ibo dɔ gligli, yé ’i bli ta dɔ plɛplɛ, naa, tɛrɛ lé maa a fe ka tranu lɛ anbo ’nyɔɔnle nya lé maa dan a nɔ lɛ wo lɛ, mi lé é dan munu ’ko nyana lɛ a ta, bii ɛ ke a nya.
Maa ’ka a fe lɛ i lɛ léé, ’ibo dɔ gligli yé i bli ta dɔ plɛplɛ, loo? Té i kana lo; té i gi nyɛ ’é kini lo, naa, Gakelebale, ilé Bale a i va, we faa lé i dan a kɛlɛle pélisia lɛ, a gi.