Bélidɔwesɛbɛ Fiézan 1:2 - Kazambale lé Sebe Sauunu 1979

² Dé wo si Orɛb yé wo gié Séii gɔ lé zi ta yé wo bɔ Kadɛs‐Baanéa, wo tawo yi vu ta do.

Bélidɔwesɛbɛ Fiézan 1:2 ပူးပေါင်းရင်းမြစ်များ

Wepélisiananu 32:3

Jakɔb munu nwunvɔ ’é ’lɛ é bwe Ézau va Séii tɛrɛ la, Édom bɛn gi.

Fwile 17:6

Naa, maa dan dɔ lɛ i ’lɛ Orɛb gɔlɛ ta; i dan fɛ duun lɛ gɔlɛ lɛ, yé ’yi é dan bɔra lɛ a gi yé munu é dan ’yi mini lɛ. Yé Moizi a kɛlɛ ’bɛ zo, Izraɛl mi segelenu yuɛ va.

Fwile 3:1

Moizi é na ti, Madian balebanzan Jétro lé trubɛ tabin‐é; é go trubɛ nya nyéné lé fɛna zi yé é da Kazambale lé gɔ va, Orɛb gɔ va.

Lévinu 2:14

Dé i Gakelebale ban féifɛ vinin nya, ’i ’sanɛnɛ dɛrɛ si, bé séli, yé bé pun dɔ yé bé nɔ féifɛ vinin nya.

Lévinu 9:23

Moizi valé Arɔn wɔra zén‐ékevasɔkɔn gi. Dé wo bɔra wo munu drɔɔ vo. Yé Gakelebale lé fuasan bɔra munu faa va.

Mi Nɔnɔle 13:26

Wo bɔ aan wo, wo da Moizi valé Arɔn va, woo valé Izraɛlnu faa lé é ke é zénle ékeva Kadɛs lé ke Paran bwi la ana bɛ, wo va. Wo ’wo sina glewo wo lɛ, woo valé zén‐ékevamunu faa lɛ, yé wo tɛrɛ ’ko la fɛnu nagɔɔn wo lɛ.

Mi Nɔnɔle 32:8

Ko a Kadɛs‐Baanéa bléyian va, yé maa ka tinu nwunvɔ léé, ’wo go tɛrɛ nagini, a zo lé wa kɛlɛ ’ko zo.

Bélidɔwesɛbɛ Fiézan 1:19

Ko si Orɛb, yé bwi blɛn lé a ta éé kana zén‐é mi gi, ’té ka a ye ’ko, ko gié ana fɛfaana; ko Amorénu lé gɔ ma zi sia, Gakelebale, kolé Bale a fe ko lɛ fɛan zo, a zo, yé ko bɔ Kadɛs‐Baanéa.

Bélidɔwesɛbɛ Fiézan 1:44

Yé Amorénu lé wo ke é nyanale gɔ ’ko ma, wo da guli dan lɛ ka va, yé ka da ka nwunzi lé zɔrɔfuru nya; wo ka gyɛle sia Séii tɛrɛ la, fɔɔ yé ka bɔ Ooma.

Bélidɔwesɛbɛ Fiézan 2:1

Yé kaa po yéli yé kaa go bwi gi, Wɛyi Sɔɔn lé zi ta, Gakelebale a fe an lɛ fɛan zo, a zo; ka mɔn nɔɔna Séii gɔ zi.

Bélidɔwesɛbɛ Fiézan 2:4

Yé é léé, ’maa munu béli dɔ léé, ka bwenu, Ézau benu lé wo ke é nyanale Séii tɛrɛ la, ka dan wolé tɛrɛ kini lɛ. Wo dan kana lɛ ka lee, naa, ’ka yuɛ pa kabo va é zima.

Bélidɔwesɛbɛ Fiézan 2:8

Ko bwenu, Ézau lé nénu lé wo ke é nyanale Séii tɛrɛ la, ko paa wo ma baa, yé bwila zi koo, Élat zi koo, Esijɔn‐Gébɛɛ zi koo, ko paa wo faa ma yé ’bɛ zuo ko nɔla yé ko go Moab lé bwi gi zia.

Bélidɔwesɛbɛ Fiézan 9:23

Gakelebale a a va léé, ka si Kadɛs‐Baanéa bléyian va, yé é lé ka lɛ léé, ’ka nwa, tɛrɛ lé ’é a nɔ ka lɛ, ’ka a si kazé nya, ’ka tɔné gi kɛlɛ plɛplɛ Gakelebale, kalé Bale dére ma, yé ka bli ’ka vo lɛ a lɛ lo, yé ka ’ka a dére lɛdɔ lɛ a ma lo.

Jozué 14:6

Juda benu da Jozué va Gilgal; yé Kénizizan Jéfuné be Kalɛb lé a lɛ léé: Maa valé bii lé we lé Gakelebale a fe Bale lé mi Moizi lɛ Kadɛs‐Baanéa, bé gi dɔɔ.