Bélidɔwesɛbɛ Fiézan 1:19 - Kazambale lé Sebe Sauunu 1979

¹⁹ Ko si Orɛb, yé bwi blɛn lé a ta éé kana zén‐é mi gi, ’té ka a ye ’ko, ko gié ana fɛfaana; ko Amorénu lé gɔ ma zi sia, Gakelebale, kolé Bale a fe ko lɛ fɛan zo, a zo, yé ko bɔ Kadɛs‐Baanéa.

Bélidɔwesɛbɛ Fiézan 1:19 ပူးပေါင်းရင်းမြစ်များ

Jérémi 2:6

Maa Gakelebale lé an wo si Éjipiti tɛrɛ la, wo ’ka an ta laan boenwo lo; An go wo nya bwi gi, Tɛrɛ lé fɛ do ’ka ana lo, ’té guru saa ke ana, Tɛrɛ lé ’yi ’ka a gi lo, ’té ga ke ana bɛ, Tɛrɛ lé mi do kpen ’ka giéan ana lo Yé mi do kpen ’ka nyanaan ana lo, an da wo nya ana ’naan, Yé wo ’ka an ta laan loo?

Mi Nɔnɔle 10:12

Yé Izraɛlnu nwa Sinai bwi la yé wo zén tawole va, tawobɛ lé wa gɔɔn wo lɛ, a yɛrama. Lati dɔ Paran bwi la.

Mi Nɔnɔle 13:13

Azɛɛ gɔnɔ gi, Mikaɛl be Sɛtuu lé.

Mi Nɔnɔle 13:26

Wo bɔ aan wo, wo da Moizi valé Arɔn va, woo valé Izraɛlnu faa lé é ke é zénle ékeva Kadɛs lé ke Paran bwi la ana bɛ, wo va. Wo ’wo sina glewo wo lɛ, woo valé zén‐ékevamunu faa lɛ, yé wo tɛrɛ ’ko la fɛnu nagɔɔn wo lɛ.

Mi Nɔnɔle 14:14

yé wo dan a zuo fe lɛ tɛrɛ ’ko la munu lɛ. Wa gi dɔɔ léé, bii, Gakelebale, bii a munu ’ko méléna, yé bii, Gakelebale, i bɔra wo yuɛ va; yé ilé lati a é dɔle wo ta, yé i tawoo wo ’lɛ lati pɔrɔlɔ gi é yiéyi, yé é béli i a wo va kyɛ pɔrɔlɔ gi.

Mi Nɔnɔle 32:8

Ko a Kadɛs‐Baanéa bléyian va, yé maa ka tinu nwunvɔ léé, ’wo go tɛrɛ nagini, a zo lé wa kɛlɛ ’ko zo.

Bélidɔwesɛbɛ Fiézan 1:2

Dé wo si Orɛb yé wo gié Séii gɔ lé zi ta yé wo bɔ Kadɛs‐Baanéa, wo tawo yi vu ta do.

Bélidɔwesɛbɛ Fiézan 1:20

Yé maa lé ka lɛ léé, ka bɔ Amorénu lé gɔ lé Gakelebale, kaalé Bale, a nɔ kaa lɛ, a ma.

Bélidɔwesɛbɛ Fiézan 1:7

É léé: ’Ka nwa, ’ka zi sia. ’Ka go Amorénu lé gɔ valé é zi tɛrɛ faa la; fɛna pɛblɛɛna koo, gɔ ma koo, pɛngurunu koo, yirinwana bɛyilazia koo, wɛyi vazia koo, Kanaan munu lé tɛrɛ valé Liban tɛrɛ koo, ’ka go wo faa na, fɔɔ yé ka bɔ yuu blɛn Yufrat ma.

Bélidɔwesɛbɛ Fiézan 2:7

Naa, Gakelebale, kalé Bale, é kalé nyanama faa drɔɔ vo; ta lé ka a wo bwi blɛn ta ’ko, é a gi dɔɔ. Ka lɛɛ yɔ fié lo, ’té yee Gakelebale, kalé Bale a ka va; fɛ do kpen ’ka vuru lɛ ka ma lo.

Bélidɔwesɛbɛ Fiézan 32:10

Gakelebale Izraɛl ye bwi gi, Fɛana lé mi do kpen ’ka lo, ’té tɛrɛ éé siaan kanale nya, ana; É a pa, ’té é a a zi; É a takuun bélé é yuɛ zooné zo,

Bélidɔwesɛbɛ Fiézan 8:15

É go ka nya bwi blɛn ’ko lé, a ta éé kana zén‐é mi gi, ’té méné suiɛ yaale valé zɛnɛanu ke ana, a la; é go ka nya fɛna galenu na, ’té ’yi ’ka ana lo, yé é ’yi si gɔlɛ plɛplɛ gi ka lɛ;

Jozué 10:41

É sia Kadɛs‐Baanéa yé é bɔ Gaza, Jozué ana munu faa gyɛ; é Gozɛn tɛrɛ ta munu faa gyɛ fɔɔ yé é bɔ Gabaɔn.