Bélidɔwesɛbɛ Fiézan 1:17 - Kazambale lé Sebe Sauunu 1979

¹⁷ Dé wa we blena, té wo glɛ dɔ munu gi lo; ’wo tɔné dɔ mi kiéné lɛ bélé fɛan zo lé woo tɔné dɔa mi blɛn lɛ, a zo; té wo kana mi do kpen lee lo, naa, weblele a Bale zé nya. Dé we do wo kele, ’wo da a nya an va yé maa a gi ’ma.

Bélidɔwesɛbɛ Fiézan 1:17 ပူးပေါင်းရင်းမြစ်များ

Wepélisiananu 18:25

Mi tegele gyɛle mi nyané va, ’té mi tegele valé mi nyané lé we bɔ ékema, ’bɛ zo we kɛlɛle a é sile i ma baa boenwo. Mian éé tɛrɛlamunu faa lé we blé, é ’ka dan we tegele kɛlɛ lɛ loo?

2 Samuɛl 14:14

Ko faa é dan ga lɛ webozen nya, yé ko a bélé ’yi lé wa zana tɛrɛ va yé wo ’ka bɔa a siale lɛ é ziin lo, a zo. Bale ’ka mi lé tɛrɛla nyaan lo, yé éé we kɛla fɔɔ yé vɔfliizan ’é da a va é pa gi.

2 Minwiinmunu lé Wezuofe Sɛbɛ 19:5

É weblezannu dɔ Juda tɛrɛ la fla plɛplɛnu faa ta do do.

2 Minwiinmunu lé Wezuofe Sɛbɛ 19:6

Yé é lé weblezannu lɛ léé: ’Ka yuɛ pa kabozen va ka kɛlɛwenu lé we ma, naa, ka ’ka wenu gi bɔina munu lɛ lo; ka a wo gi bɔina Gakelebale ɛ lɛ. Yé bléyian va lé ka a we gibɔidére fena é dan kɛlɛ lɛ ka va.

JOB (Job) 31:34

An kana mi gu lee, Yé an kana léé, migɔnɔnu é dan serele bo lɛ an ma, Amalé an vo kɔn gi yé an ’ka bɔraan loo?

Lɛrɛvɔ Sɛbɛ 82:2

Ka dan vo lɛ weblena dabli nya yifaamaa? Ka dan vo lɛ dɔna mi nyanénu zuo yifaamaa? Ka ye do.

Fwile 18:18

I dan fuu si lɛ ibo ta; yé i dan munu ’ko fuu si lɛ ’wo ta é ziin; naa, we ’ko mini ilé plɛplɛ ta; i ’ka bɔa we ’ko faa kɛlɛle lɛ i do lo.

Fwile 18:22

’Wo munu lé we ble yifaama ma; ’wo da we blɛnnu nya i va ma, yé ’wo we kiénénu ble ’woboan, yé ilé kɔné bɛn ke ’é si wo bɔle i va nya.

Fwile 18:26

Woo munu lé we blé yifaama; woo dan we plɛplɛnu nya Moizi va, ’té woo we kiénénu blé ’woboan.

Wegɔnévɔlenu 18:5

Dɔle mi naané zuo é leefɛ ma weblena, mi tegele gyɛle we nya we ma, é ’ka é zima lo.

Wegɔnévɔlenu 24:23

We lé wedɔɔmunu a fé é ziin, yee lo: dé i a weblena, é ’ka é zima léé, i we ble mi dɔbɛ ma lo.

Wegɔnévɔlenu 28:21

Mi vabole ’ka é zima lo, yé fɛblele yele lé we ma lé mi é ébo no wenyané kɛlɛle lɛ.

Wegɔnévɔlenu 29:25

Kanale munu lee a mikunsan nya, naa, mi lé ébo bɛ pa Gakelebale lee, a ta béli a é dɔle.

Jérémi 1:17

Yé bii, ’i nwa, ’i kyɛsidi dɔ i gyɛn, yé we faa lé maa dan a fe lɛ i lɛ bɛ, bé fe wo lɛ. Té gligli é zén i gi wo ’lɛ lo, dé maa ɛ da gligli zén i gi wo ’lɛ.

Lévinu 19:15

Dé ka a we blena, té ka weple kɛlɛ lo; té ka dɔ nyanégyɛzan zuo nyané lé a gyɛle we ma lo, té ka mi blɛn lé we kɛlɛ é blɛn ma lo, naa, ’ka bɔluzannu lé we ble we tegele yɛrama.

Malasi 2:9

Ka ’ka tawo lɛ anlé zi ta lo; dé ka a bélidɔwe gi fena, ka mi vaboo, amalé maa dan ka kɛlɛ lɛ fɛ naané valé serelebomafɛ nya munu faa yuɛ gi.

Matio 22:16

Farizimunu ’wozé munu valé Érɔd zuo munu nwunvɔ a va yé ’bɛnu lé a lɛ léé: Kozan, ko a gi dɔɔ léé, i wezen fé yé i Kazambale lé zi ta tawole paan munu gi webozen yɛrama; mi bɛnu lé we ’ka i yuɛ gi bɔa lo, yé i ’ka mi naginian é kɔlɛ ma lo.

Maak 12:14

Yé wo da yé wo lé a lɛ léé: Kozan, ko a gi dɔɔ léé, i wezen fé, yé mi bɛnu lé we ’ka i yuɛ gi bɔa lo, yé i ’ka mi ginian é kɔlɛ ma lo, yé i Kazambale lé zi gɔɔn‐an munu lɛ webozen yɛrama. A se a munu lɛ léé, wo gɔɔli banwo Sézaa lɛ laa? té wa banwo loo? É a lé ko a banwo laa? té ko a banwo loo?

WENÉNÉ LÉ LUK A GYE (Évangile selon Luc) 20:21

Munu ’ko we laa a lee léé: Kozan, ko a gi dɔɔ léé, i we fé yé i we paan munu gi tegele, yé i ’ka mi naginian é kɔlɛ ma lo, yé i Kazambale lé zi gɔɔn‐an munu lɛ webozen yɛrama.

Rom munu 2:11

Naa, Kazambale ’ka mi naginian é kɔlɛ ma lo.

Éfez munu 6:9

Yé ’kaa wozannu, ’ka yee duo ɛ kɛlɛ wo lɛ. Té ka we pla wo lɛ bliflile nya lo. Ka a gi dɔɔ léé, ka valé wozan a do, é a la gi, yé a va mi, é ’ka mi naginian é kɔlɛ ma lo.

Bélidɔwesɛbɛ Fiézan 10:17

Naa, Gakelebale, kalé Bale a balenu lé Bale nya, é a mizannu Zan nya, é a Bale blɛn nya, é a Bale plɛplɛ valé mitadanmawe kɛlɛ Bale nya, yé é ’ka glɛ dɔa mi gi lo, yé é ’ka dɔa mi zuo mi leefɛ ma lo;

Bélidɔwesɛbɛ Fiézan 16:19

Té ka we tegele bɛ gi plɛn lo; té ka dɔ mi zuo é leefɛ ma lo, té ka fɛ si munu lee weblele we gi lo, naa, éé wedɔɔmunu yuɛ ’wiié yé éé mi tegelenu dére sɛra.

Bélidɔwesɛbɛ Fiézan 24:17

Bɛn bɛ gi mi koo, ti valé bugalazan koo, té ka wolé se si wo lee lo; té i zanagalale lé sɔ si a bɛfɛ nya lo.

Bélidɔwesɛbɛ Fiézan 25:1

Dé munu we sia yé wo da wolé we nya weblezannu va, mi lé we ’ka a gyɛ lɛ lo, ’é vo, yé ’wo we dɔ wegyɛzan nwiin.

Kolɔs munu 3:25

Naa, mian éé weple kɛla wo dan azé lɛgi pa lɛ alé weple kɛlɛle yɛrama; Kazambale ’ka dɔa mi zuo é leefɛ ma lo.

1 Tɛsalɔnik munu 2:4

Naa, Kazambale a ye léé, a yara lé é Wenéné fele bɛ pa ko lee, bɛwemalé ko we fé. Ko ’ka kwa kulina léé, kolé we ’é sɔ munu lɛ lo; naa, Kazambale lé é ko bli gi ginian, ko a a va léé, kolé we ’é sɔ yee ɛ lɛ.

SEBE LÉ JAK A GYE (Épitre de Jacques) 2:9

Naa, dé ka munu naginian wo kɔlɛ ma, ’té ka a wenyané kɛlɛna, ’té ka bélidɔwe sɛrɛ yé bélidɔwe ka gyɛ we nya.

1 Piɛri 1:17

Mi lé éé munu faa lé we blé wo kɛlɛwe yɛrama, ’té é ’ka glɛ dɔa mi gi bɛ lo, dé ka a laan ka Ti, ’ka tawo kanale nya a lee, kalé dɔwola tɛrɛ la.

1 Samuɛl 16:7

Gakelebale lé Samuɛl lɛ léé: Dé é a gɔné dɔbɛ gioo, dé é a grɔgrɔoo, té i bɔn‐in bɔrɔ ’bɛ ma lo, naa, an sɔn vɔ a ma. We lé é dɔ mi gi, é ’ka Gakelebale gi ’bɛ zo lo; fɛ lé mi a yé é yuɛ nya, yee lé é a naginian, naa, Gakelebale éé mi bli ɛ naginian.

1 Samuɛl 2:25

Dé mi do wenyané kɛlɛ mi bɛ lɛ, Bale é dan a we ble lɛ; naa, dé mi wenyané kɛlɛ Gakelebale lɛ, de ɛ dan dɔ lɛ a zuoo? Yé wo ’ka wo tɔné dɔ lɛ wo ti dére lɛ lo, Gakelebale a a va léé, é wo gyɛ, azama.