Bélidɔwesɛbɛ Fiézan 1:15 - Kazambale lé Sebe Sauunu 1979

¹⁵ Yé maa mi blɛnnu si ka bɛn lɛgɔnɔ faa gi, ’té wa wedɔɔmunu nya, ’té munu wo dɔɔ, yé maa wo dɔ ka nwiin; maa wo kɛlɛ mi wuru soru soru koo, mi yɔ soru soru koo, mi yɔ fié wɔlɛ vu vu koo, mi vu vu koo, wo nwiinzannu nya, yé maa a se kɛlɛ wo lɛ ka bɛn lɛgɔnɔnu gi.

Bélidɔwesɛbɛ Fiézan 1:15 ပူးပေါင်းရင်းမြစ်များ

Fwile 18:21

’I munu vabo, yé munu lé woo we kɛla ’wo zua, ’té woo kanaan Kazambale lee, ’té wa mi wéiinnu nya, ’té wo bli bɔle fɛ ma za paan, ’i wo si munu va; ’i wo dɔ munu wuru soru soru koo, mi yɔ soru soru koo, mi yɔ fié wɔlɛ vu vu koo, mi vu vu koo, wo nwiinzannu nya.

Fwile 24:1

Kazambale lé Moizi lɛ léé: ’I da Gakelebale vazia, bii valé Arɔn koo, Nadab valé Abiu koo, Izraɛl mi segelenu yɔ yaa wɔlɛ vu koo, wo nya, yé ka dan dia lɛ ka bli la baa.

Mi Nɔnɔle 1:4

É a lé bɛn do do gi mi do ’é pa ka va, mi lé é ke é tra lé kɔnzan nya, yee lé.

Mi Nɔnɔle 31:14

Moizi bli fli sunyanu ’lɛzannu ma, sunya wuru soru soru ’lɛzannu koo, sunya yɔ soru soru ’lɛzannu koo, wo ma.

Éfez munu 4:11

Alé blɛnu lé ke ’ko: é mi kenu kɛlɛ nwunvɔmunu nya; é a kenu kɛlɛ Balelayemunu nya; é a kenu kɛlɛ wenéné fezannu nya; é a kenu kɛlɛ léglizigimunu pazannu valé wepaamigizannu nya,

Bélidɔwesɛbɛ Fiézan 1:14

Yé ka lé an lɛ ’bɛ yi la léé, we lé maa a fe bɛ, é a é zima.

Bélidɔwesɛbɛ Fiézan 1:16

’Bɛ yi la maa lé kalé weblemunu lɛ léé, ’wo tɔné dɔ ’wo bwenu lɛ; dé we bɔ mi do valé é bwe mélénaoo, dé é bɔ mi do valé bɛn do mélénaoo, ’wa yuɛ gi bo tegele.

Bélidɔwesɛbɛ Fiézan 16:18

’Ka weblemunu valé dutinu dɔ, fla faa lé Gakelebale, kalé Bale a nɔ ka lɛ, wo ta, ka bɛn lɛgɔnɔnu faa gi; é a lé wo munu lé we ble tegele.

1 Samuɛl 17:18

’i dirinyɔyiyɔɔ vu ’ko si é ziin wolé mi wuru soru palu nwiinzan zé nya. Dé i bwenu a drɔɔ, i dan a ye lɛ yé i dan wo tawe fe lɛ an lɛ tegele.

1 Samuɛl 22:7

Yé Saul lé é wuomunu lé wo ke é dɔle é sɔnɔ, wo lɛ léé: Bɛnjamɛnnu, ’ka tɔné dɔ an lɛ! Izai be é dan féinu valé dɔrɔféinu nɔ lɛ ka lɛɛ? É dan ka kɛlɛ lɛ mi wuru soru soru valé mi yɔ soru soru nwiinzannu nyaa?

1 Samuɛl 8:12

é dan mi wuru soru palu valé mi yɔ fié wɔlɛ vu palu nwiinzannu kɛlɛ lɛ, yé é dan wo kɛlɛ lɛ élé féipazannu koo, élé ’sagyɛzannu koo, élé gulidanfɛnu kɛlɛzannu koo, élé goro gi fɛnu kɛlɛzannu koo, wo nya.