Daniɛl 9:9 - Kazambale lé Sebe Sauunu 1979

⁹ Mizan, kozé Bale, ko nwa i ma, naa, bii a nyanaizénzan valé mimawe?-?vozan nya.

Daniɛl 9:9 ပူးပေါင်းရင်းမြစ်များ

2 Samuɛl 24:14

David a zi pa Gad lɛ léé: Anlé nyané a blɛn! Gakelebale ’é kolé we ble ma, naa, a nyanai éé zén‐é é baba; té munu é kolé we ble lo.

1 Minwiinzannu 8:30

Dé i leezan valé ilé munu Izraɛl bazoro fɛkona, ’i tua yé ’i wolé zantévɔdére ’ma ma. ’Bé ’ma i nyanana lanu gi loru, ’bé ’ma yé ’i wo ma we vo ma.

Néémi 9:31

Naa, ilé nyanai zénle blɛn gi, i ’ka wo kulu ga lɛ lo, yé i ’ka daan lɛ wo ma lo, naa, i a Bale lé, é mi mawe dɔɔ yé a nyanai éé zén‐é, a nya.

Lɛrɛvɔ Sɛbɛ 130:4

Naa, i mi ma we vo, léé, Mi ’é kana i lee.

Lɛrɛvɔ Sɛbɛ 130:7

Izraɛl, ’i bli vo Gakelebale lɛ. Naa, Gakelebale nyanai éé zén‐é, Éé mi taboo yifaama.

Lɛrɛvɔ Sɛbɛ 62:12

Bale we fe gɔnɔ do, Maa we ’ko ’ma gɔnɔ fié, Léé, plɛplɛ a Bale ɛ lee.

Lɛrɛvɔ Sɛbɛ 86:15

Naa, bii, Mizan, i a nyanai zén Bale valé mi mawe dɔɔ Bale nya, I bli ’ka flian é kele lo; ilé zin valé ilé yarapale we ta, wa i gi blɛn;

Lɛrɛvɔ Sɛbɛ 86:5

Naa, Mizan, bii a é zin, i mi ma we voo, Munu faa lé wo i tɔ laan, wo va sɔlɛle a i gi blɛn.

Ézai 55:7

Mi nyané ’é si ’é kɛlɛwe zuo ma, Yé mi ple ’élé gibɔrɔle nɔla ma, ’É nɔla Gakelebale va ma, yé ’bɛ é dan nyanai zén lɛ a ta, ’É nɔla kolé Bale va ma, ’bɛ wɔlɛgi ’ka nyaan ’é ma mi ma we vole nya lo.

Ézai 63:7

Maa dan Gakelebale lé zinnu zana dɔɔ lɛ yé maa dan Gakelebale tɔ zin fe lɛ, We faa lé Gakelebale a kɛlɛ ko lɛ, a yɛrama. Zin blɛn lé é a kɛlɛ Izraɛlmunu lɛ, Élé nyanaizénle valé sɔlɛle blɛn yɛrama bɛ, maa dan a zuo fe lɛ.

Jérémi 14:7

Dé kolé weplenu éé kɛla ko ma kolé wenayezan nyaoo, Gakelebale ’i we kɛlɛ i tɔ lé we ma; Naa, ko yuɛ gi blan namɔn, Ko wenyané kɛlɛ i ma.

Ézékiɛl 20:13

Yé Izraɛl munu nwa an ma bwi gi. Wo ’ka anlé bélidɔwenu tawe kɛlɛ lɛ lo yé an dérenu lé é a lé blami a ta tawo a vole é yuɛma we gi bɛ, wo sɔn vɔ wo ma, yé wo anlé flinyi sɛrɛ tata. É dɔ an gi léé, an wɛwɛ dɔ wo ma bwi gi, wo kulu gale we ma.

Daniɛl 9:5

Ko wenyané kɛlɛ; ko weplenu kɛlɛ; ko a mi nyanénu valé nwamimazannu nya. Ko sɔn vɔ ilé bélidɔwe sɔnnénu valé i déretawenu ma.

Daniɛl 9:6

Balelayezannu lé wo we fe i tɔ gi, ko nwiinzan blɛnnu koo, ko nwiinzannu koo, ko tranu koo, kolé tɛrɛlamunu faa koo, wo lɛ, ko ’ka ko tɔné dɔ lɛ woo, i wuozannu lɛ lo.

Daniɛl 9:7

Mizan, kɛlɛle tegele a bii ɛ zé nya; yé yaragyɛwe a kozé nya kyɔ, Juda munu koo, Jérusalɛm munu koo, Izraɛlnu faa koo, dé wa é puoo, dé wa baaoo, yaragyɛwe a wo faa zé nya. Wo yuɛ gi blanle lé we ma lé wo kɛlɛ weanwiinzannu nya, amalé i wo bin yé wo sɔɔla tɛrɛ faa la.

Daniɛl 9:8

Mizan, ko koo, ko nwiinzan blɛnnu koo, ko nwiinzannu koo, ko tranu koo, ko wenyané kɛlɛ i ma, amalé yara ko gyɛ.

Jonas 4:2

É we ’ko laa Gakelebale lee yé é léé: Gakelebale, wean maa a fé turu, ’té maa a tan anlé tɛrɛ la, yeean é ke ’ko loo? Amalé é dɔ an gi léé, an go yɔɔ lɛ Taasis. Bii a Bale lé é mi mawe dɔɔ, ’té a nyanai éé zén‐é, ’té a bli ’ka flian é kele lo, ’té zin a a gi kiɛre, ’té éé bli nɔlaan we tɔntɔn kɛlɛle mi lɛ ma, a nya.