Daniɛl 9:7 - Kazambale lé Sebe Sauunu 1979

⁷ Mizan, kɛlɛle tegele a bii ɛ zé nya; yé yaragyɛwe a kozé nya kyɔ, Juda munu koo, Jérusalɛm munu koo, Izraɛlnu faa koo, dé wa é puoo, dé wa baaoo, yaragyɛwe a wo faa zé nya. Wo yuɛ gi blanle lé we ma lé wo kɛlɛ weanwiinzannu nya, amalé i wo bin yé wo sɔɔla tɛrɛ faa la.

Daniɛl 9:7 ပူးပေါင်းရင်းမြစ်များ

Ezidras 9:13

Wenu lé wo bɔ ko ma, ko kɛlɛwe naanénu valé ko saanle blɛnnu lé we ma, oo kolé Bale, i ’ka we lɛdɔ lɛ ko gi ko kɛlɛwe ple yɛrama lo, yé sin, i ko luugimunu ke vo é yuɛma.

Ezidras 9:15

Gakelebale, Izraɛl lé Bale, i a tegele; ko a kyɔ luugimunu pɔnénu nya. Ko a i ’lɛ ’ko wegyɛmunu nya; ko dan vo lɛ é yuɛma i ’lɛ kaa?

Néémi 9:33

Wenu faa lé wo bɔ ko ma, bii a wo gi tegele, naa, i ibo nagɔɔn yarapawelazan nya, yé ko ɛ wenyané kɛlɛ.

Lɛrɛvɔ Sɛbɛ 119:137

Oo Gakelebale, bii a tegele, Yé ilé weblelenu a é sɔke.

Lɛrɛvɔ Sɛbɛ 44:15

I ko kɛla wedanmazannu nya migɔnɔnu méléna, Munu lé woo ’wuo nyɔɔn‐an wo ma, wo nya.

Lɛrɛvɔ Sɛbɛ 51:14

’I ilé mibélile ma gi nanale nɔ an lɛ é ziin, Bli lé ke é zima munu vazia, ’bé vɔ an gi.

Lɛrɛvɔ Sɛbɛ 51:4

’I an zuru tata yé ’i anlé weple si an ma, ’I anlé wenyané si yé ’i an gi bɔ.

Ézai 11:11

’Bɛ bléyi duo nya, Mizan é dan é bɛ soi lɛ a gɔnɔ fiézan nya, alé mi pɔnénu lé wo vo, wo tabole we gi, ’té wo ke é sɔɔlale Asiri tɛrɛ valé Éjipiti tɛrɛ koo, Patrɔs valé Étiopi tɛrɛ koo, Élam valé Sinéaa valé Amat koo, wɛyi worona tɛrɛnu koo, wona.

Ézai 45:16

Yaragyɛwe é dan bɔ lɛ miyilinyaazannu ma, Yé yara é dan wo gyɛ lɛ, ’Té woo goo yowuli yowuli.

Jérémi 12:1

Gakelebale, bii a tegele fɛan zo bɛ, é ’ka dɔ lɛ an gi léé, an zavɔ i va lo; Naa, duowo, maa a a va léé, maa we fe ilé weblele ma. Mɛmalé i mi nyanénu ma wenu nyian woo? Mɛmalé i dablikɛlɛmunu voo é yuɛma drɔɔ?

Jérémi 23:6

’Bɛzan zé bléyi va, Juda munu é dan si lɛ we gi; Izraɛl munu é dan nyana lɛ drɔɔ ’wo nyanana. Yé ka ye, tɔ lé wo dan a laa lɛ a nya, yee lé ke ’ko: Gakelebale, kolé we tegele.

Jérémi 24:9

Maa dan wo kɛlɛ lɛ kanaleefɛ valé we tɔntɔn bɔamazannu nya bɛnnu faa lɛ, yé fɛfaana lé maa dan wo bin lɛ, wo dan kɛlɛ lɛ serelebomazannu nya, wo dan wolé we fe lɛ gi la, wo dan we nana lɛ wo ma, wo dan kɛlɛ lɛ balepamazannu nya.

Jérémi 3:25

Kolé yaragyɛwe kɛlɛ bélé yialafɛ zo, yé nyɔnmɛ wɔra ko ta bélé sɔ zo. Naa, ko wenyané kɛlɛ Gakelebale kolé Bale ma, ko koo, ko tinu koo, é sia ko kiéné la bléyi va fɔɔ kyɔ. Yé ko ’ka ko tɔné dɔ lɛ Gakelebale kolé Bale lɛ lo.

Jérémi 32:32

Izraɛl munu valé Juda munu koo, wo nwiinzan blɛn koo, wozannu koo, wolé Balebanmunu valé wolé balelayemunu koo, Juda munu valé Jérusalɛm munu koo, wenyanénu lé wa kɛlɛ an bliflile we gi, aléwemalé é sɔ an lɛ léé, maa a si an yuɛ gi.

Jérémi 33:16

’Bɛ yinu la Juda munu é dan si lɛ we gi, yé Jérusalɛm munu é dan nyana lɛ kli wo nyanana; tɔ lé wo dan a laa lɛ a nya, yee lé ke ’ko: Gakelebale, kolé wetegele.

Jérémi 4:17

Gakelebale léé: Wo diri Jérusalɛm zi bélé féitabinzannu zo. Jérusalɛm nwa an ma, azama.

Jérémi 7:19

Gakelebale léé: Maa lɛ lé ka ke a kɛlɛnaa? Kabo lɛ kaan loo? Kabo lé yaragyɛwe kaan loo?

Ézékiɛl 16:63

léé, we kyɛn sele ’é dɔ i gi yé ’é i gyɛ yara nya, yé té i we zi pa é dɛrɛ lo, yé yara i kua, bléyian va lé maa i ma we vo i kɛlɛwenu faa ma, ’bɛ bléyi va. A zo lé Mizan Gakelebale a fe.

Ézékiɛl 36:31

Yé kalé tawobɛ nyané sele é dan dɔ lɛ ka gi, yee valé ka kɛlɛwenu lé wo ’ka zima lo, wo nya. Ka dan kabo ye lɛ mi naanénu nya kalé weplenu valé kalé bozowenu kɛlɛle we ma.

Ézékiɛl 5:10

Iin, né tinu é dan ’wolé nénu wi ble lɛ i méléna, yé nénu é dan ’wo tinu wi ble lɛ. Maa dan kalé we ble lɛ. Yé ka lé ka vo ana, maa dan ka kini lɛ ékema fɛfaana.

Ézékiɛl 6:12

Mi lé é ke baa, bawurumagyɛ é dan a gyɛ lɛ, yé mi lé é ke é pu, é dan ga lɛ gwɔun ’léé; yé mi lé é vo fla, fla mabɛn bléyi va, é dan zamaga wo lɛ lɔrɔ nya. ’Bɛ zo lé an wɛwɛ dɔle wo ma lɛ é dan sɔɔ lɛ.

Daniɛl 9:14

Amalé Gakelebale we tɔntɔn ’ko bɔ ko ma sɔbɛlawe nya. Naa, Gakelebale kolé Bale a tegele é kɛlɛwenu faa gi, naa, ko ’ka ko tɔné dɔ lɛ a dére lɛ lo.

Daniɛl 9:18

Anzé Bale, ’i an ban i tɔné nya; ’i tɔné dɔ an lɛ; ’i yuɛ fuo yé ilé fla lé é vo é ’bin nya, bé nagini. Fla lé wo i tɔ laan ana, bé nagini. É ’ka lé ko a tegele amalé ko a zanté vɔna i lɛ lo; i nyanai zénle blɛn lé we ma lé ko a kɛlɛna.

Daniɛl 9:8

Mizan, ko koo, ko nwiinzan blɛnnu koo, ko nwiinzannu koo, ko tranu koo, ko wenyané kɛlɛ i ma, amalé yara ko gyɛ.

Amɔs 9:9

Ka ye, maa dan an dére do fe lɛ, yé maa dan Izraɛlnu fɛɛ lɛ bɛngɔnɔnu faa méléna, bélé fɛan zo lé woo ’sa fɛɛan guli ta, ’té a wɔlɛ do kpen ’ka diaan tɛrɛ va lo, a zo.

Rom munu 6:21

’Bɛ bléyi va mɛ tɔnɔ ɛ ke ka maa? Tɔnɔ lé é ka gya yara nya sin, yee lé. Naa, we ’konu ’wuo éé plaan ga nya.

Bélidɔwesɛbɛ Fiézan 32:4

É a bélé gɔlɛ zo; gun ’ka a kɛlɛwenu ma lo, Alé tawobɛ faa a tegele, azama; É a Bale lé éé yara paan we la, ’té weple ’ka a gi lo, a nya. É a tegele, é a é drɔle.

Bélidɔwesɛbɛ Fiézan 4:27

Gakelebale é dan ka nwɛɛn lɛ bɛn bɛnu méléna, yé bɛnnu lé Gakelebale é dan go lɛ ka nya wo va bɛ, ka ’léé é dan kɛlɛ lɛ kiéné ’bɛnu va.