Daniɛl 9:4 - Kazambale lé Sebe Sauunu 1979

⁴ An bazoro Gakelebale anlé Bale lɛ, yé an wenyané ’ko fe a lɛ léé: Mizan, Bale blɛn lé éé kana zén‐é mi gi, biian i dɔa ilé gipawe ta, yé munu lé i sɔ wo lɛ yé woo ilé bélidɔwe sɔnnénu paan, i nyanai ’é zén ko ta.

Daniɛl 9:4 ပူးပေါင်းရင်းမြစ်များ

1 Minwiinzannu 8:23

yé é léma: Oo Gakelebale, Izraɛl lé Bale, dé é a lagi nyaoo, dé é a tɛrɛ la nyaoo, i danmabale ’ka wona lo. I wuozannu lé woo tawoo i ’lɛ wo bli faa nya, i gipawe lɛ sɔɔan wo lɛ yé i nyanai éé zén‐é wo ta.

2 Minwiinmunu lé Wezuofe Sɛbɛ 7:14

anlé munu lé an tɔ ke wo ma, dé wo wobo kɛlɛ kiéné yé wo bazoro yé wo an nagini, yé dé wo si ’wo kɛlɛwe naanénu zuo, maa dan wolé bazoro dére ’ma lɛ lanu gi, maa dan wo ma we vo lɛ wolé wenyanénu ma, yé maa dan wolé tɛrɛ dɔ lɛ é dɔbɛ gi.

Ezidras 10:1

Ezidras a ba ’ko zorona bléyian va, ’té éé wolé wenyané fé wuvɔle nya, ’té é a é diale Bale lé kɔn ’léé; yé Izraɛlnu gu blɛn da zén lɛ a zi, gɔnénu koo, lomu koo, nénu koo, wo nya; yé wo yuɛyi vo yorona é baba wuvɔle nya.

Néémi 1:5

yé maa léé: Gakelebale, lanu lé Bale, Bale blɛn, kana a lee Bale, bii lé ilé gipawe lɛsɔɔan, yé munu lé i sɔ wo lɛ, ’té woo ilé bélidɔwe ta tawoo, i nyanai éé zén‐é wo ta,

Néémi 9:32

Yé sin, kolé Bale, Bale blɛn, Bale plɛplɛ, kana lee Bale, bii lé i ilé gipawe lɛ sɔɔan yé i nyanai éé zén‐é, ko koo, ko nwiinzan blɛnnu koo, kolé Balebanmunu koo, kolé balelayezannu koo, ko tranu koo, ilé munu faa koo, nyané faa lé ko faa a ble, é sia Asiri nwiinzan blɛnnu bléyi va fɔɔ yé é bɔ kyɔ yi ’ko ma, té bé ye we kiéné nya lo.

Lɛrɛvɔ Sɛbɛ 32:5

Maa anlé wenyané bɔra i lɛ, an ’ka anlé weple yɔɔ lɛ lo. Maa léé, an dan anlé wesɛrɛlenu fe lɛ Gakelebale lɛ. Yé wenyané lé é an wɔlɛ gi nyaa an ma, bé fwi. Ka ye do.

Fwile 20:6

yé munu lé an sɔ wo lɛ, ’té woo anlé bélidɔwenu kɛla, an nyanai éé zén‐é wo ta fɔɔ wo kulu wuru soru nya.

Jérémi 3:13

I kɛlɛwe ple sele ’é dɔ i gi ma. A sele ’é dɔ i gi léé, i ’ka pla lɛ Gakelebale, ilé Bale wuo lo, yé i goo ’ko, yé i goo ’ko, bale bɛnu va yili drɔɔdrɔɔnu faa wuo, yé i ’ka i tɔné dɔ lɛ an dére lɛ lo. Maa Gakelebale ɛ ke a fena.

Jérémi 32:23

Wo da, yé wo tɛrɛ ’ko si wozé nya, naa, wo ’ka i dére lɛdɔ lɛ a ma lo, yé wo ’ka ilé bélidɔwe tawe kɛlɛ lɛ monomono lo; we faa lé i wo béli dɔ a nya léé, ’wa kɛlɛ, wo ’ka a kɛlɛ lɛ lo. Amalé i we tɔntɔnnu faa ’ko bɔ wo ma.

Daniɛl 6:10

Daniɛl a ’ma aan wo léé, wo bélidɔwe ’ko gyɛ, é go élé kɔn gi kɔn ta loru kɔnmi lé alé fɛnɛtinu lɛ ke é sole Jérusalɛm vazia, a gi; yé yi do gɔnɔ yaa éé zunwo é powuo la, ’té éé bazoroan, ’té élé Bale tɔ zin fé bélé fɛan zo lé éé a kɛla é kyɛn, a zo.

Daniɛl 9:3

An yara nɔla Mizambale va bazorole valé we laale a lee we gi, ’té maa lɔrɔ sɔn‐o, ’té bɔlɔ valé kyɛyee a é zénle an ta.

WENÉNÉ LÉ LUK A GYE (Évangile selon Luc) 1:72

’Bɛ zo lé a nyanai éé zén‐é ko tranu ta, ’té gipawe plɛplɛ sele éé dɔa a gi;

Rom munu 8:28

Yé kaa gi dɔɔ léé, munu lé Kazambale éé sɔa wo lɛ, ’té Bale wo laa ’é bɔn‐in danle yɛrama bɛ, we faa lé éé bɔa wo ma, Kazambale a nɔlaan wo ma wezin nya.

Bélidɔwesɛbɛ Fiézan 5:10

yé munu lé Bale éé sɔa wo lɛ, ’té woo alé bélidɔwenu kɛla, a nyanai éé zén‐é wo ta fɔɔ yé é bɔ wo kulu wuru soruzan ma.

Bélidɔwesɛbɛ Fiézan 7:12

Dé ka tɔné dɔ dére ’konu lɛ, dé ka wo lɛdɔma yé ka wo ta tawo, gipawe valé nyanai zénle lé ébo ’nyɔɔn ka tranu lɛ wo ma, é dan dɔ lɛ a ta plɛplɛ.

Bélidɔwesɛbɛ Fiézan 7:21

Té di é kini ka gi wolé we ma lo; naa, Gakelebale, kalé Bale a ka méléna. É a Bale blɛn valé mitadanmawe kɛlɛ Bale nya.

Bélidɔwesɛbɛ Fiézan 7:9

Amalé, ka gi dɔɔ léé, Gakelebale, kalé Bale ɛ ke Bale nya; yarapawela Bale ’ko, munu lé é sɔ wo lɛ, ’té wo alé bélidɔwenu kɛla, éé dɔa élé gipawe ta, yé a nyanai éé zén‐é wo ta fɔɔ yé é bɔ wo kulu wuru soruzan ma.

SEBE LÉ JAK A GYE (Épitre de Jacques) 1:12

Mian éé dɔa é gidanwenu wuo bli tiéé nya, azé a néné. Naa, a gi danle zuo, wo dan vole é yuɛma nɔ lɛ a lɛ bélé tɔkoro zo; tɔkoro lé Mizan a ma blivolɛdére fe munu lé, Mizan sɔ wo lɛ, wo lɛ bɛ, wo dan a nɔ lɛ a lɛ.

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?