Daniɛl 9:3 - Kazambale lé Sebe Sauunu 1979

³ An yara nɔla Mizambale va bazorole valé we laale a lee we gi, ’té maa lɔrɔ sɔn‐o, ’té bɔlɔ valé kyɛyee a é zénle an ta.

Daniɛl 9:3 ပူးပေါင်းရင်းမြစ်များ

2 Samuɛl 12:16

David né ma bazoro Bale lɛ yé é lɔrɔ sɔn; é wɔra kɔn gi yé é tu kini é yiale tɛrɛ va.

Ezidras 10:6

’Bɛ zuo yé Ezidras si Bale lé kɔn ’léé, yé é go Éliasib be Jokanan lé kɔn gi. ’Bɛna mi, é ’ka fɛ do kpen ble lɛ lo, yé é ’ka ’yi do kpen mini lɛ lo. Luugimunu lé wenyané lé we ma lé tɛrɛla lɔrɔ nyaa a ma.

Ezidras 8:21

Aava yuu sɔnɔ bɛ, an mibo kɛlɛ kiéné lɔrɔsɔnle zana dɔɔ kolé Bale ’lɛ, léé, ko zanté vɔ a lɛ léé, ’é bɛ zin pa ko ta kolé tawole gi, ko koo, kolé nénu koo, fɛnu faa lé wo ke ko lee koo, ko ta.

Ezidras 9:5

Nyanadi saraka bobléyi va tɔɔn, an daan anlé bli kyɛ dɔle ma, ’té anlé sɔnu valé anlé varɔ blɛn a é fiale, yé an zun an powuo la, yé an bɛnu soi Gakelebale anlé Bale vazia,

Néémi 9:1

’Bɛ moné duo nya, a yi yɔ do wɔlɛ ziɛnzan nya, Izraɛlnu zén ékeva, ’té bɔlɔ a é zénle wo ta sɔ nya, ’té vun a é zénle wo ta, wolé lɔrɔ sɔnle we ma.

Esitɛɛ 4:16

’I go, Juifinu faa lé wo ke Suz, ’i wo zén ékema, yé ’ka lɔrɔ sɔn wo nya anlé we ma. Té ka fɛ ble lo, té ka fɛ mini lo, é béli valé é yiéyi fɔɔ yi yaa. Maa é ziin, maa valé an wuolomu é dan lɔrɔ sɔn lɛ a zo. ’Bɛ zuo, dé bélidɔwe aoo, dé é ’ka looo, an dan wɔra lɛ minwiinzan blɛn va. Dé an gaan‐oo, ’té an gaan é wo.

JOB (Job) 42:6

Amalé anbo gyɛ we nya yé an bli nɔla Vungoi valé kyɛyee zénle nya an ta.

Lɛrɛvɔ Sɛbɛ 35:13

Dé wa gyɛ kɛlɛna, an bɔlɔ zén an ta, Yé maa an boen kɛla kiéné lɔrɔ sɔnle nya, Yé an bazoroan an ’wuo vɔle nya an wuo.

Ézai 22:12

Mizan, lai sunyanu lé Gakelebale é dan ka laa lɛ ’bɛ yi la, léé, ’ka wuvɔ, ’ka gɔlɛ gyɛ, ’ka nwin bo, ’ka bɔlɔ zén ka ta.

Jérémi 33:3

’I an tɔ laa yé an dan we lɛ; we blɛnblɛnnu valé weyɔɔlenu lé i ’ka wo dɔɔa lo, maa dan wo lɛ kini lɛ i lɛ.

Ézékiɛl 36:37

Mizan Gakelebale léma: Bé ye, we ’ko ta é ziin, maa zi nɔ Izraɛl munu lɛ léé, wo we ’konu laa an lee. Wean maa dan kɛlɛ lɛ wo lɛ, yee lé ke ’ko: Maa dan wo fan lɛ bélé trubɛ zo.

Daniɛl 6:10

Daniɛl a ’ma aan wo léé, wo bélidɔwe ’ko gyɛ, é go élé kɔn gi kɔn ta loru kɔnmi lé alé fɛnɛtinu lɛ ke é sole Jérusalɛm vazia, a gi; yé yi do gɔnɔ yaa éé zunwo é powuo la, ’té éé bazoroan, ’té élé Bale tɔ zin fé bélé fɛan zo lé éé a kɛla é kyɛn, a zo.

Daniɛl 9:2

a plale mi nwiin lɛɛ vininzan nya, maa Daniɛl, maa a ye sɛbɛ gi léé, é a lé Jérusalɛm é vo é ’bin nya lɛɛ yɔ yaa wɔlɛ vu wuo, lɛɛ lé Gakelebale a ’léé fe balelayezan Jérémi lɛ, a yɛrama.

Daniɛl 9:20

An vo wefena ’té an bazoroan, yé anlé wenyanénu valé anlé munu Izraɛl munu lé wenyanénu fe, yé maa anlé zanté vɔ Gakelebale anlé Bale lɛ, anlé Bale lé gɔ plɛplɛ lé we ma.

Daniɛl 9:4

An bazoro Gakelebale anlé Bale lɛ, yé an wenyané ’ko fe a lɛ léé: Mizan, Bale blɛn lé éé kana zén‐é mi gi, biian i dɔa ilé gipawe ta, yé munu lé i sɔ wo lɛ yé woo ilé bélidɔwe sɔnnénu paan, i nyanai ’é zén ko ta.

Joɛl 1:13

Balebanzannu, ’ka doa dɔ yé ’ka wuvɔ; ’Kaa balebanna nyanamapazannu, ’ka wuvɔ. Anlé Bale wuozannu, ’Ka tu kini bɔlɔ nya é zénle ka ta. Naa, blɛnu valé baleban’yinu ’ka é dɛrɛ kalé Bale lé kɔn gi lo.

Joɛl 2:12

Gakelebale léma: Sin, ’Ka da an va ka bli faa nya é ziin, Lɔrɔsɔnlenu koo, wuvɔlenu koo, siaalenu koo, wo nya.

Jonas 3:5

É dɔ Ninive munu gi léé, Bale dére a weboen nya, yé wo lɔrɔ sɔnle zana dɔɔ yé wo bɔlɔ zén ’wo ta, é sia mi segelenu ma yé é bɔ nunukénénénu ma, wo faa lé.

Matio 17:21

Bazorole valé lɔrɔsɔnle saa nya lé yo gɔnɔ ’ko zo éé sié mi gi.

WENÉNÉ LÉ LUK A GYE (Évangile selon Luc) 2:37

’Bɛ zuo yé é vo gyɛzarale nya, yé a lɛɛ a yɔ ziɛn wɔlɛ ziɛn. É ’ka sié Balebangikɔn gi lo, ’té é Kazambale bɔa lɔrɔ sɔnle valé bazorole nya, bladi nyanadi.

Kelewenu 10:30

Kɔɔnéi léma: A yi ziɛn lo, dé maa a bazorona yiri tɛnlale plɛplɛ nya tɔɔn, mi do lé sɔ nyananyana ke a ta, é bɔra an va, yé é léé: