Daniɛl 9:27 - Kazambale lé Sebe Sauunu 1979

²⁷ Minwiinzan ’ko é dan gipawe gligli do kɛlɛ lɛ mi kiɛre va flɛyi do wuo. Yé flɛyi ’ko méléna, é dan saraka bole valé blɛ kɛlɛle yi ga lɛ. Fɛsɛrɛzan é dan bozowenu kɛlɛ lɛ fɔɔ yé a sɛrɛle valé wean wa ma’lɛrɛ azé nya, yé é bɔ a ma.

Daniɛl 9:27 ပူးပေါင်းရင်းမြစ်များ

Ézai 28:15

Ka léé, ’wo gi pa do ga va, ’wo kɛlɛ do mipagurunu nya; dé migyɛgyɛ bɔ mi kiɛre ma, é ’ka dan bɔ lɛ ’wo va lo; naa, dabli kɛlɛle a ’wo yɔɔna nya, yé viéwole a ’wo tayɔɔfɛ nya, azama.

Ézai 28:22

Sin, té kabo nɔ mimawenanale lɛ lo, dé é da ka yerebale fɔnɔ ka ma. Naa, é a Bale gi léé, é dan tɛrɛ ’ko faa sɛrɛ lɛ; maa ’ma Mizan, lai sunyanu lé Gakelebale ta a zo.

Ézai 42:6

Maa, Gakelebale, maa i laa i sile we gi we ma, Yé maa dan kun lɛ i bɛ ma, Maa dan yuɛ pa lɛ i va, yé maa i dɔ maa valé munu gi pa do fɛ nya, I kɛlɛle bɛnnu vakinisan nya we ma,

Ézai 53:11

É dan élé nyanéblele ma tɔnɔ ye lɛ yé ’bɛ é dan a fan lɛ ginanale nya; Alé wedɔɔle nya lé an wuozan tegele é dan mi kiɛre kɛlɛ lɛ tegele, Yé é dan wolé weplenu kɔné si lɛ.

Ézai 55:3

’Ka an ban ka tɔné nya, yé ’ka da an va, ’Ka tɔné dɔ yé kaboen é dan vo lɛ é yuɛma; Gipawe lé é ’ka nyaan lo, kaa dan a kɛlɛ lɛ, Yé zin lé maa fe léé, maa dan a kɛlɛ lɛ David lɛ, a yi ’ka dan ga lɛ lo.

Jérémi 7:30

Naa, Gakelebale léma: We lé é ke an yuɛ gi é naané, Juda munu a kɛlɛ. Wo ’wolé bozofɛnu pla kɔn lé an tɔ ke a ma, a gi, a tiridɔle we ma.

Daniɛl 11:31

A dére ta lé sunyanu é dan da lɛ, wo dan fɛna sauun, kɔn plɛplɛ sɔnné sɛrɛ lɛ, yé balebanwi lé wa kyɛ blé, ’té wa no yifaama, wo dan a nɔle yi ga lɛ, yé fɛ sɛrɛle tata fɛ naané lé mi ’ka é yuɛ vɔa a ta lo, wo dan a dɔ lɛ fɛna sauun na.

Daniɛl 11:36

Wean é sɔ minwiinzan blɛn ’ko lɛ, yee lé é dan a kɛlɛ lɛ. É dan nwa lɛ, é dan ébo tɔ pla lɛ balenu faa tɔ nwiin, yé é dan sɔnɔ dére fe lɛ balenu lé Bale ma; a bɛ ma é dan kɛlɛ lɛ néné fɔɔ yé bliflile lɛ é sɔɔ. Naa, wean wa kɛlɛle béli dɔ, a lɛ é dan sɔɔ lɛ.

Daniɛl 12:11

É sia bléyian va lé balebanwi lé wa kyɛ blé yifaama, wa nɔle yi ga, fɔɔ yé fɛ naané lé mi ’ka é yuɛ vɔa a ta lo, yé wa dɔ fɔɔ bléyi ’ko va, yi wuru suiɛdo yi yɔ ziɛn wɔlɛ vu é dan gié lɛ.

Daniɛl 7:25

É dan dére naanénu fe lɛ Loruzan ma; é dan kele pa lɛ Loruzan lé munu ta, yé é a a gi léé, é dan bléyinu valé bélidɔwenu nɔla lɛ, yé wo dan Loruzan lé munu pa lɛ a lee lɛɛ yaa é buu.

Daniɛl 8:13

An mi sauun do dére ’ma wefena, yé mi sauun do lé wefezan lɛ léé: Balebanwi lé wa kyɛ blé ’té wa no yifaama, é valé wenyané lé éé we sɛra, yuɛziwe lé wa ye wolé we ma, a lɛ é dan sɔɔ lɛ bléyi kyɛɛn vaa? Wo dan daan lɛ fɛna plɛplɛ valé lai sunyanu zɔnle ma wo gane nya bléyi kyɛɛn vaa?

OZÉ (Osée) 3:4

Izraɛlnu é dan mɔn lɛ bééé, ’té wo nwiinzan blɛn ’ka lo, ’té wo ’lɛzan ’ka lo, ’té wo ’ka saraka boo lo, ’té wolé yofoto ’ka lo, ’té wolé éfɔdi ’ka lo, ’té wolé miyilinu ’ka lo.

Mi Nɔnɔle 7:62

’yiminikana lé wa kɛlɛ kyan lé éé sikla vu sian, a nya, ’té é a é fanle lasikɔrɔ nya, é ’bɛ nɔ;

Matio 24:15

Amalé mi lé é ke sɛbɛ ’ko ta fena, ’bɛzan ’é yuɛ pa ébozen va ma. Fɛ sɛrɛle tata fɛ naané lé wo ’ka wo yuɛ vɔa a ta lo, ’té balelayezan Daniɛl alé we fe bɛ, dé ka a ye é dɔle fɛna sauun na,

Matio 26:28

naa, é a an nyɛ nya; gipawe dɔ plɛplɛ nyɛ lé é zana mi kiɛre lé we ma, wo ma we vole wolé wenyanénu ma we gi, yee lé.

Matio 27:51

Yé bé ye, Balebangikɔn gi sɔ lé wa kɛlɛ kɔnmi nya, a fee bo, é sia loru yé é bɔ tɛrɛ, yé tɛrɛ ma nyɔɔn, yé gɔlɛ blɛnnu fee gyɛ,

Maak 13:14

Mian éé sɛbɛ ’ko ta fé, ’bɛzan ’é yuɛ pa ébozen va ma. Fɛ sɛrɛle tata fɛ naané lé wo ’ka ’wo yuɛ vɔa a ta lo, dé ka a ye é dɔle fɛana lé a se ’ka a lɛ léé, é dɔ ana lo, ana, munu lé wo ke Judé tɛrɛ la, ’wo fwi yé ’wo go gɔnu nwiin ma.

WENÉNÉ LÉ LUK A GYE (Évangile selon Luc) 21:20

Dé ka Jérusalɛm zi lɛ ye é sɔɔle sunyanu nya, ka gi dɔɔ léé, a sɛrɛle bɔ é pu.

WENÉNÉ LÉ LUK A GYE (Évangile selon Luc) 21:24

Wo dan wo gyɛ lɛ gwɔun nya, wo dan wo si lɛ luunu nya yé wo go wo nya bɛnnu faa méléna, yé bɛnnu é dan Jérusalɛm zɔn lɛ ’wo gane nya fɔɔ yé bɛnnu lé bléyinu lɛ é sɔɔ.

Rom munu 11:26

’Ko zo lé Izraɛl faa é dan si lɛ we gi, é a é gyɛle sɛbɛ gi fɛan zo, a yɛrama; wo léé: Misiéwegizan é dan si lɛ Siɔn Yé é dan Kazambale lé zi ma wenyané fele si lɛ Jakɔb ’léé;

Rom munu 5:15

Adam lé we sɛrɛle valé Kazambale lé blɛ pla ’ka bɔ lɛ ékema lo. Mi do lé we sɛrɛle ma lé mi kiɛre ga, naa, Kazambale lé zin valé blɛ lé mi do a kɛlɛ munu lɛ élé zin lé we ma, ’bɛ gi léé, Jézu Krist, ’bɛ kɛlɛ mi kiɛre kiɛre zé nya é minini.

Rom munu 5:19

Naa, fɛan zo lé mi kiɛre kɛlɛ wenyanékɛlɛmunu nya mi do kpen lé milɛgamale we ma, a zo duo lé mi kiɛre é dan kɛlɛ lɛ tegele mi do kpen lé milɛdɔmale we ma.

Ébrunu 9:28

A zo lé Krist é ziin, é ébo nɔ gɔnɔ do kpen mi kiɛre lé wenyané nyaale we gi, yé é dan da lɛ a gɔnɔ fiézan nya; é ’ka dan da lɛ wenyané nyaale we ma lo, é dan da lɛ munu lé wo ke a lɛbɛnna, wo sile we gi we ma.