Daniɛl 9:26 - Kazambale lé Sebe Sauunu 1979

²⁶ Flɛyi yɔ yaa wɔlɛ fié ’konu giéle zuo, wo dan Nyɔnɔzénnwiinzan gyɛ lɛ yé a pagizan ’ka dan ye lɛ lo. Minwiinzan do é dan da lɛ yé alé munu é dan fla valé fɛna plɛplɛ kɛlɛ lɛ é ’bin nya yé azé nyaale é dan kɛlɛ lɛ bélé ’yiyoro plɛplɛ zo. Naa wa fe léé, wo dan vo lɛ é sɛrɛle fɔɔ yé gulidanle é nyaa, a zo.

Daniɛl 9:26 ပူးပေါင်းရင်းမြစ်များ

2 Samuɛl 21:5

Wa zi pa minwiinzan lɛ léé: Mi ’ko ko nyaa yé é a a gi léé, ’é ko kulu gaan yé ’é ko faa si Izraɛl tɛrɛ faa la tata,

Lɛrɛvɔ Sɛbɛ 22:15

Maa a bélé ’yi lé éé yoroan, a zo, Yé an wɔlɛnu faa éé kinié ékema; An bli a bélé zɔrɔnyɔnɔ pa zo, Yé a ’yi éé boo an bɔn‐in.

Ézai 28:2

Ka yua, mi plɛplɛ lé Mizan a pa zia, yee lé é dan bɛ; é a dana bélé goowɔlɛlɛɛ dale zo, bélé fɛsɛrɛfu plɛplɛ zo, bélé lɛɛ blɛn lé é da yé é ’yiyoro kiɛre so, a zo. Bale tɔkoro ’ko dia tɛrɛ va gla nya.

Ézai 28:22

Sin, té kabo nɔ mimawenanale lɛ lo, dé é da ka yerebale fɔnɔ ka ma. Naa, é a Bale gi léé, é dan tɛrɛ ’ko faa sɛrɛ lɛ; maa ’ma Mizan, lai sunyanu lé Gakelebale ta a zo.

Ézai 53:8

Kleblele valé we lɛdɔle a gi a si tɛrɛ la, Munu lé wo tin wo nya ékeva, Wo va mi kyɛn ɛ bli vo a lɛ léé, Wa si mi yuɛmale lé tɛrɛ la Yé wa gyɛ anlé munu lé wenyané maa?

Ézai 8:7

amalé, Mizan é dan yuu lɛ blɛn plɛplɛ nwa lɛ wo ma; ’bɛ gi léé, Asirinu nwiinzan blɛn valé élé plɛplɛ. Yee yuu ’ko, é dan fan lɛ yé é bɔra é gɔ la.

Jérémi 46:7

Mi kyɛn ɛ goo é gi gyɛle nya bélé Nil yuu zo, ’Té a ’yinu éé nanoan bélé ’yiyoro plɛplɛ zoo?

Jérémi 51:42

Wɛyi zén Babilɔn ta; a fɔrɔlenu Babilɔn ta bua.

Daniɛl 11:10

A benu é dan sunyanu kiɛre zén lɛ ékeva yé wo go guli dan; wo vazan do é dan kɛlɛ lɛ wo ’lɛzan nya; é dan sɔɔla lɛ fɛfaana bélé ’yiyoro lé éé bɔraan bwi la, a zo, yé é dan da lɛ é pa gi, yé wo dan guli dan lɛ fɔɔ yé wo bɔ yirinwana bɛyilazia minwiinzan blɛn lé guliyɔɔkɔn plɛplɛ ma.

Daniɛl 11:17

É dan dɔ lɛ a gi léé, é dan bɔ lɛ a ’wuoplana élé plale mi nwiin lé plɛplɛ faa nya é lee, yé we é nyaa yee valé yirinwana bɛyilazia minwiinzan blɛn méléna. É dan é lu nɔ lɛ ’bɛ na nya, ’bɛ lé we sɛrɛle tata we ma, naa, we ’ko ’ka dan bɔ lɛ lo, yé ’bɛ nyian ’ka dan wo lɛ a ma lo.

Daniɛl 11:22

Sunyanu é dan nwɛɛn lɛ yé wo ta é dan saan lɛ yé wo sɛrɛ tata, ’wo valé Bale lé gipawe ’lɛzan do nya.

Daniɛl 11:36

Wean é sɔ minwiinzan blɛn ’ko lɛ, yee lé é dan a kɛlɛ lɛ. É dan nwa lɛ, é dan ébo tɔ pla lɛ balenu faa tɔ nwiin, yé é dan sɔnɔ dére fe lɛ balenu lé Bale ma; a bɛ ma é dan kɛlɛ lɛ néné fɔɔ yé bliflile lɛ é sɔɔ. Naa, wean wa kɛlɛle béli dɔ, a lɛ é dan sɔɔ lɛ.

Daniɛl 9:27

Minwiinzan ’ko é dan gipawe gligli do kɛlɛ lɛ mi kiɛre va flɛyi do wuo. Yé flɛyi ’ko méléna, é dan saraka bole valé blɛ kɛlɛle yi ga lɛ. Fɛsɛrɛzan é dan bozowenu kɛlɛ lɛ fɔɔ yé a sɛrɛle valé wean wa ma’lɛrɛ azé nya, yé é bɔ a ma.

OZÉ (Osée) 1:9

Yé Gakelebale léé: Bé tɔ pa Lo‐Ami, ’bɛ gi léé, anlé munu kaan lo; ka ’ka anlé munu nya lo, yé maa ’ka kalé Bale nya lo, azama.

Amɔs 8:8

We ’konu ma‐an di é dan kini lɛ tɛrɛ ’ko la munu gi loo? Yé a tamunu ’ka dan kɛlɛ lɛ gyɛbozannu nya loo? Ana tɛrɛ faa é dan nwa lɛ bélé yuu fanle zo; é dan nwa lɛ yé é zun é pa gi bélé Éjipiti yuu bélile zo.

Amɔs 9:5

Mizan lai sunyanu lé Gakelebale éé bɛ manean tɛrɛ ma yé a ma éé nyɔɔn‐an, ’Té a tamunu faa éé gyɛ boo; Tɛrɛ faa é dan nwa lɛ bélé yuu fanle zo, Yé é dan zun lɛ bélé Éjipiti yuu bélile zo.

Naum 1:8

Naa, é dan fla sɛrɛ lɛ wɛyi nwalenu lé Woo giéan ’wo glɛ la, wo nya. É dan é nyanézannu zuo bin lɛ fɔɔ yé wo bɔ gunutinu va.

Matio 22:2

Kazambale plale mi nwiin a bélé minwiinzan lé, é ’é be lé lesile lé fɛti kɛlɛ, a zo.

Matio 22:7

Minwiinzan bli fli yé é sunyanu nwunvɔ yé wo migyɛmunu ’konu gyɛ yé wo wolé fla kyɛ ble.

Matio 23:38

Ka ye, kalé kɔn é dan vo lɛ ka lɛ é koro nya;

Matio 24:2

É lé wo lɛ léé: Ka ’bɛ faa yee? Wo va gɔlɛ lé é dan vo lɛ é ke ta ’té wo ’ka dan ’bɛ zana lɛ lo, ’bɛ gɔlɛ ’ka lo. Maa fe ka lɛ.

Maak 13:2

Jézu lé a lɛ léé: I kɔn blɛn ’konu yee? Wo va gɔlɛ lé é dan vo lɛ é ke ta, ’té wo ’ka dan ’bɛ zana lɛ lo, ’bɛ gɔlɛ ’ka lo.

Maak 13:7

Dé ka gulidanle we ’ma, dé ka ’ma léé, wa guli danna fɛ kiɛrena, té ka ’bɛ gi bɔrɔ pa lo, naa, é a lé we ’konu ’é bɔ, naa, ’bɛ ’ka a nyaabléyi nya lo.

Maak 9:12

Jézu a zi pa wo lɛ léé: Éli é dan da lɛ é vinin, weboen nya. É dan wenu faa dɔ lɛ wo dɔbɛ gi é ziin. Yé mɛmalé wo maa blami Be lé we gyɛ sɛbɛ gi léé, é a lé an nyané ble é baba yé wan ye boami nyaa?

WENÉNÉ LÉ LUK A GYE (Évangile selon Luc) 21:24

Wo dan wo gyɛ lɛ gwɔun nya, wo dan wo si lɛ luunu nya yé wo go wo nya bɛnnu faa méléna, yé bɛnnu é dan Jérusalɛm zɔn lɛ ’wo gane nya fɔɔ yé bɛnnu lé bléyinu lɛ é sɔɔ.

WENÉNÉ LÉ LUK A GYE (Évangile selon Luc) 21:6

A yi é dan bɔ lɛ yé kɔnnu lé ka wo yé, wolé gɔlɛ lé é dan vo lɛ é ke ta, ’té wo ’ka dan ’bɛ zana lɛ lo, ’bɛ gɔlɛ ’ka lo.

WENÉNÉ LÉ LUK A GYE (Évangile selon Luc) 24:26

É ’ka lé Krist é nyané ’konu ble yé é wɔra élé fua gi loo?

WENÉNÉ LÉ LUK A GYE (Évangile selon Luc) 24:46

Yé é lé wo lɛ léé: A zo lé wa gyɛ léé: Krist é dan nyané ble lɛ yé é dan nwa lɛ gamunu va yi fié a yaazan nya,

WENÉNÉ LE JAN A GYE (Évangile selon Jean) 14:30

Maa ’ka dan we kiɛre fe lɛ ka lɛ é dɛrɛ lo. Tɛrɛlamunu nwiinzan blɛn a dana yé an kunmawe ’ka a gi lo.

2 Korɛnt Munu 5:21

Krist lé é ’ka wenyané dɔɔ lɛ monomono lo, Bale a kinin wenyané nya kolé we ma, léé, Kazambale ’é ko kɛlɛ tegele bélé ’é zo Krist gi.

Galasi munu 3:13

Krist kaa tabo bélidɔwe lé balepale lee yeebozen kɛlɛle balepamazan nya kaalé we gi we ma; naa, é a é gyɛle sɛbɛ gi léé: Dé wo mian dun yiliblan ta, ’bɛzan a balepamazan nya.

1 Piɛri 2:21

We ’ko ma lé wo ka laa, naa, Krist é ziin é nyané ble kalé we gi, yé é wekɛlɛmawe vo ka va, kalé we kɛlɛle a ma we gi.

1 Piɛri 2:24

é dɔ kaalé wenyané gi ébozen kɔlɛ nya yili la, kaa gale kaalé wenyanénu vazia we gi yé kaa vo é yuɛma we tegele kɛlɛle we gi; a tuolenu ma lé kaa béli.

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;