Daniɛl 9:24 - Kazambale lé Sebe Sauunu 1979

²⁴ Wo flɛyi yɔ yaa wɔlɛ vu dɔ ilé munu valé ilé fla plɛplɛ lɛ; ’bɛ nyaale nya ’té wolé weple kɛlɛle valé wolé wenyané kɛlɛle nyaa; yé Bale é wolé weple ’yibofɛ nɔ, yé webozen lé éé voo ana lɛɛfaama a glɛ ’ka lo yé é da, yé yuɛziwe valé balelawefele lɛ é sɔɔ, yé wo nyɔnɔ zén mi sauunnu va Mi Sauun ta.

Daniɛl 9:24 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 29:24

Balebanzannu wi ’konu bɔrɔ bo, yé wo wo nyɛ nwɛɛn balebanna wuo, Izraɛlnu faa lé wenyané ’yibofɛ nya. Naa, minwiinzan blɛn a fe wo lɛ léé, é a lé balebanwinu lé wa kyɛ blé, é valé wenyané ’yibo saraka lé wa bo bɛ, wa kɛlɛ Izraɛlnu faa lé we ɛ ma.

Lɛrɛvɔ Sɛbɛ 2:6

’Té éé a fé léé: Maa ɛ nyɔnɔ zén anlé minwiinzan blɛn nwiin, Siɔn, gɔblɛn sauun nwiin.

Lɛrɛvɔ Sɛbɛ 45:7

Baleoo, Bale, wo ’ka dan ilé webleblin si lɛ i lee monomono lo; Ilé pla mi nwiin soowolivwii a we tegele vwii nya.

Ézai 42:4

A fuu ’ka dan si lɛ a ta lo yé é ’ka dan nyana lɛ lo, Fɔɔ yé é wetegele dɔ tɛrɛ la gligli, Yé wɛyi worona tɛrɛ tamunu bli é vo alé bélidɔwe lɛ.

Ézai 51:6

’Ka yuɛ vɔ la gi, ’ka tɛrɛ va gini. Naa, lanu ta é dan saan lɛ bélé kyɛgoi zo, Tɛrɛ é dan dia lɛ é kuru nya bélé sɔ zo, A tamunu é dan zamaga wo lɛ bélé nyɔnɔtoro zo; Naa, anlé mi sile we gi é dan vo lɛ ana lɛɛfaama, Yé anlé wetegele nyaana ’ka lo.

Ézai 51:8

Flatoronu é dan wo ble lɛ bélé sɔ zo, yé wo sɛrɛ, azama; Yé boworo éé ’blakyɛɛsɔ blé fɛan zo yé é sɛrɛ, a zo lé wo dan sɛrɛ lɛ. Naa, anlé we tegele é dan vo lɛ ana lɛɛfaama, Yé anlé mi sile we gi é dan vo lɛ ana mi kulu é kulu faa zé nya.

Ézai 56:1

Gakelebale léma: Kalé tawogane ’é drɔ tegele yé ’ka we tegele kɛlɛ; naa, é vo sɛ yé an dan ka si lɛ we gi, yé anlé wetegele na é dan gɔɔn lɛ é kele,

Ézai 61:1

Mizan Gakelebale Léli a an ta, Naa, Gakelebale an suu nyɔnɔ nya, anlé wenéné fele we tɔntɔn?-?bɔmazannu lɛ we ma. É an pa zia, munu lé blikyɛdɔwe blɛn bɔ wo ma, wo bélile we ma; A fele luugimunu valé bokɔngimunu lɛ léé, Wo vo woboma.

Jérémi Lé Wuvɔ Sɛbɛ 4:22

Siɔn munu, wo kalé weple ’yibo; É ’ka dan go lɛ ka nya luu gi é dɛrɛ lo. Édom munu, é dan we lɛdɔ lɛ ka gi kalé weplenu ma, É dan kalé wenyanénu bɔra lɛ gɔrɔ la.

Ézékiɛl 28:12

Blami be, ’i wuvɔdére do fe Tii nwiinzan blɛn ma. Bé fe a lɛ léma: Mizan Gakelebale léma: Ilé we lɛ a é sɔɔle; i a é fanle wedɔɔle nya, i nɔnɔmi lɛ a é sɔɔle.

Ézékiɛl 4:5

Maa dan yinu ’léé nɔnɔ lɛ wolé weple kɛlɛlɛɛnu yɛrama; ’bɛ gi léé, yi wuru do yi yɔ sɔraziɛn wɔlɛ vu; a zo lé i dan Izraɛlnu lé weple kɛlɛle kɔné si lɛ.

Ézékiɛl 4:6

Ilé yi ’konu lɛ sɔɔle zuo, ’i yia i bɛyilazia, yé i dan Judanu lé weple kɛlɛle kɔné si lɛ yi yɔ fié. Yi do a lɛɛ do zé nya.

Lévinu 25:8

’Ka flin lɛɛ sɔrafié nɔnɔ, ’é kɛlɛ lɛɛ sɔrafié sɔrafié gɔnɔ sɔrafié, yé flin lɛɛ sɔrafié ’ko, a lɛɛ é dan kɛlɛ lɛ lɛɛ yɔ fié wɔlɛ sɔraziɛn nya.

Lévinu 8:15

Moizi a bɔrɔ bo yé é a nyɛ si yé é bɛnwɔlɛ vɔ a va yé é a gié balebanna bélinu faa ma, yé é balebanna ’lɛ dɔ; é nyɛ zana balebanna punma yé é a ’lɛ dɔ wenyané ’yibole ana we gi.

Zakari 4:14

Yé é léé: Mi fié lé woo dɔa Tɛrɛfaazan ’lɛ, ’té wo nyɔnɔ zén wo nwiin bɛ, wo lé.

Mi Nɔnɔle 14:34

Fɛan zo lé ka vo tɛrɛ naginina yi yɔ fié wuo, a zo duo lé ka dan lɛɛ yɔ fié kɛlɛ lɛ kalé weplenu ma, yi do lɛɛ do; yé dé ’é kɛlɛle ka va vuru ka ma, ka dan we ’ko dɔɔ lɛ.

Matio 1:21

Mari é dan négɔné do yaa lɛ, yé bé tɔ pa Jézu; yee ɛ dan élé munu lé wenyanénu si lɛ wo lee.

Matio 11:13

Balelayemunu faa valé bélidɔwe, wo faa balelawe fe fɔɔ yé é bɔ Jan zé bléyi va;

Matio 4:5

Yonufaatagɔné go a nya fla sauun ta, yé é a vɔ Balebangikɔn nwiin loru yé é lé a lɛ léé:

Maak 1:24

yé é léma: Nazarɛtzan Jézu, mɛmalé i we kolé we maa? I da ko gyɛ lɛɛ? Mi lé i ke a nya, maa a dɔɔ: Kazambale lé Mi Sauun lé i nya.

WENÉNÉ LÉ LUK A GYE (Évangile selon Luc) 1:35

Lanje lé a lɛ léé: Léli Sauun é dan zén lɛ i ta, yé Loruzan lé plɛplɛ é dan zén lɛ i ta bélé furɔ zo. Amalé né sauun lé i dan a yaa lɛ bɛ, wo dan a laa lɛ Kazambale Be.

WENÉNÉ LÉ LUK A GYE (Évangile selon Luc) 21:22

Naa, ’bɛ yinu é dan kɛlɛ lɛ we lɛgi pa yinu nya, we faa lé wa gyɛ sɛbɛ gi, a lɛsɔɔle we ma.

WENÉNÉ LE JAN A GYE (Évangile selon Jean) 1:41

Dé é si Jézu va é go é bwe Simɔn va tegelee, yé é lé a lɛ léé: Ko Mɛsi ye, ’bɛ gi léé, Krist.

WENÉNÉ LE JAN A GYE (Évangile selon Jean) 3:34

Naa, Kazambale ’ka ’é Léli nɔle glɛ dɔ lɛ a lɛ lo; bɛwemalé, mi lé Kazambale a pa zia, Kazambale dérenu lé éé a fé.

Kelewenu 3:14

Ka sɔn vɔ Mi Sauun lé é ke tegele, a ma, yé ka a laa Pilat lee léé, ’é wezin kɛlɛ ’wo lɛ migyɛzan bɔrale nya bokɔn gi ’wo lɛ.

Kelewenu 3:22

Moizi a fe léé: Mizan, kazé Bale, é dan mi do nwa lɛ ka lɛ ka bwenu méléna balelayezan nya bélé ’yee zo. We faa lé é dan a fe lɛ ka lɛ, ka dan ka tɔné dɔ lɛ a lɛ.

Kelewenu 4:26

Tɛrɛ la minwiinzannu nwa yé tɛrɛzannu ’wo péli vɔ do Mizambale valé élé nyɔnɔzén?-?nwiinzan ma.

Rom munu 5:10

Dé ko nana Kazambale va a Be gale lé we ma, bléyian va lé ko ke a nyanézannu nya, ’bɛ bléyi va ’naan, ko nanale a va zuo ’té a Be bélile ’ka dan ko si lɛ we gi loo?

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

Filip munu 3:9

Yé dé an kɛlɛ Krist gi, maa ’ka a gi kɛlɛle tegele lé éé sié bélidɔwe va, ’bɛ we ma lo, naa, maa a a gi kɛlɛle tegele lé éé sié blivole Jézu Krist lɛ va, a we ma. Kɛlɛle tegele ’ko, Bale a no blipale ma.

Kolɔs munu 1:20

É sɔ Kazambale lɛ é ziin léé, ’yee valé munu faa ’é zén ékeva, yé Jézu nyɛ lé é zana yiliblan ta, yé ’wo nana ’bɛ ta, dé wa tɛrɛ laoo, dé wa lagioo, ’té yee lé.

Kolɔs munu 2:14

bélidɔwenu lé wo ke é gyɛle sɛbɛ gi, ’té wo ke kaa ma, we dɔle kaa nwiin we ma bɛ, é wo fwi, yé é wo lɛ ga yiliblan ta.

Ébrunu 10:14

Naa, munu lé é wo kɛlɛ sauun é gun si wo ma lɛɛ faa zé nya saraka do kpen bole nya.

Ébrunu 2:17

Bɛwemalé é a lé é kɛlɛ é zuanénu zo we faa gi, léé, ’é kɛlɛ Balebanmunu ’lɛzan lé a nyanai éé zén‐é ’té éé yara paan we la, a nya Kazambale lé nyanama gi, munu lé wenyanénu ’yibole we ma.

Ébrunu 7:26

Balebanmunu ’lɛzan ’ko zo, ’bɛ a kaazé nya é zima; é a sauun, we ’ka a nwiin lo, a bɔn gi tiri ’ka lo, é kan kini wenyanékɛlɛmunu ma, yé é a loru baa é mini lanu ta.

Ébrunu 9:26

dé é a a zo, é sia tɛrɛ bɔrale ma ’té é a kɔɔn léé, Krist é nyané ble gɔnɔ kiɛre nya, naa, lao, lɛɛnu nyaana, é bɔra gɔnɔ do kpen nya, yé ébo nɔ saraka nya wenyané nyaale we gi.

2 Piɛri 1:1

’Kaanu lé ka blipale wezan duo ye ko va, kaalé Bale valé Mibélizan Jézu Krist tegele lé we ma bɛ, an we ka va. Maa Simɔn Piɛri lé an ke Jézu Krist lé luugɔnéné valé alé nwunvɔzan nya, maa ɛ ke sɛbɛ ’ko gyɛna ka lɛ.

1 Jan 3:8

Yonufaatagɔné wenyané kɛlɛle sia a pélisia bléyi va fɔɔ kyɔ, amalé mian éé wenyané kɛla ’bɛzan a yonufaatagɔné zé nya. Kazambale Be da yonufaatagɔné lé nyanama sɛrɛle we ma.

Wegɔɔnle 14:6

Maa lanje do ye é ziin sina la méléna, ’té Wenéné lé é ’ka nyaan lo, é a a lee, a fele tɛrɛlamunu lɛ we gi, bɛntɛrɛ faa koo, bɛn faa koo, dére faa koo, migɔnɔ faa koo, woo lé.

Wegɔɔnle 3:7

’I sɛbɛ pa Filadɛfi léglizi lé lanje lɛ zia. ’Bé fe a lɛ léé: Mi sauun valé Webozen, ’té David lé lakléwɔlɛ ke a lee, dé é a lɛ so, mi do kpen ’ka a lɛ taan lo, dé é a lɛ tan, mi do kpen ’ka a lɛ soo lo, a dére lé é ke ’ko: