Daniɛl 9:20 - Kazambale lé Sebe Sauunu 1979

²⁰ An vo wefena ’té an bazoroan, yé anlé wenyanénu valé anlé munu Izraɛl munu lé wenyanénu fe, yé maa anlé zanté vɔ Gakelebale anlé Bale lɛ, anlé Bale lé gɔ plɛplɛ lé we ma.

Daniɛl 9:20 ပူးပေါင်းရင်းမြစ်များ

Ezidras 10:1

Ezidras a ba ’ko zorona bléyian va, ’té éé wolé wenyané fé wuvɔle nya, ’té é a é diale Bale lé kɔn ’léé; yé Izraɛlnu gu blɛn da zén lɛ a zi, gɔnénu koo, lomu koo, nénu koo, wo nya; yé wo yuɛyi vo yorona é baba wuvɔle nya.

Néémi 1:6

’i an ban i tɔné nya, yé i yuɛ é vo é fuole an lɛ. Ba lé i wuozan ke a zorona bléyi ’ko va, i wuozannu Izraɛl lé we ma bladi nyanadi, ’i tɔné dɔ a lɛ. An Izraɛlnu lé wenyané fé, wenyanénu lé ko kɛlɛ i ma, maa a wo fena. Naa, maa valé an ti lé kɔn gi munu, ko wenyané kɛlɛ.

Lɛrɛvɔ Sɛbɛ 145:18

Munu faa lé woo Gakelebale laan, é a wo sɔnɔ, Wo faa lé wa laan ’wo bli faa nya, woo lé;

Lɛrɛvɔ Sɛbɛ 32:5

Maa anlé wenyané bɔra i lɛ, an ’ka anlé weple yɔɔ lɛ lo. Maa léé, an dan anlé wesɛrɛlenu fe lɛ Gakelebale lɛ. Yé wenyané lé é an wɔlɛ gi nyaa an ma, bé fwi. Ka ye do.

Bale Lé We Gifezan 7:20

Weboen nya, mi tegele lé éé wezin kɛla, té é ’ka wenyané kɛla pelo, ’bɛzan ’ka tɛrɛ la lo.

Ézai 56:7

maa dan go lɛ wo nya anlé gɔ sauun nwiin, yé maa dan wo gi nana lɛ anlé bazorokɔn gi. Winu lé woo wo kyɛ blé an lɛ, yé sarakanu lé woo wo boo an lɛ an banna ta, maa dan wo ban‐ɛn ble lɛ. Naa, wo dan anlé kɔn laa lɛ munu faa lé bazorokɔn.

Ézai 58:9

Yé i dan Gakelebale laa lɛ, yé é dan we lɛ; i dan siaa lɛ yé é dan a fe lɛ léé: Maa lo. Dé i daan yaale ma mi ta, dé i daan bon‐ɛnle ma mi nya, é valé mi sɔnɔdérenu fele ma,

Ézai 6:5

Yé maa léé: Wenaané kɛlɛ an lɛ! Maa a é sanle weboen nya, naa, maa a mi lé a lɔlu tiri ke é dɔle, a nya, yé maa nyanaan munu lé wo lɔlu tiri ke é dɔle, wo va; maa Minwiinzan blɛn, lai sunyanuzan Gakelebale ye an yuɛ nya, azama.

Ézai 65:24

An tɔ laale é vo wo bɔrɔ gi mi, yé maa a zi pa; dé wa tan wefena an lɛ, ’té maa a nyi si é kwakwa.

Daniɛl 10:12

É lé an lɛ léé: Daniɛl, té i kana we do lee lo. Yian nya lé i bli bɔ we ’ko gi ’male ma yé ibo kɛlɛ kiéné ilé Bale ’lɛ, Bale i dérenu ’ma a yi nya yé i dérenu ’ko lé we ma lé an da.

Daniɛl 10:2

’Bɛ bléyi va, maa Daniɛl, an flɛyi yaa kɛlɛ gyɛbole nya.

Daniɛl 11:45

É dan élé fua sɔkɔnnu dɔ lɛ wɛyinu méléna, gɔ tɔbɔle lé é ke plɛplɛ, a vazia. É dan bɔ lɛ ézé ’wuo plana, ’té a bɔavazan ’ka lo.

Daniɛl 9:16

Mizan, ilé bliflile valé i wɛwɛ dɔle ’é si ilé fla Jérusalɛm valé ilé gɔ plɛplɛ ma ma, i nyanai zénle blɛn yɛrama. Naa, kolé wenyanénu valé ko tranu lé weplenu kɛlɛle ma lé Jérusalɛm valé ilé munu kɛlɛ serelebomazannu nya munu faa lé ke wo zi, wo yuɛ gi.

Zakari 8:3

Gakelebale léma: Maa nɔlaan an pa gi Siɔn, yé é sɔ an lɛ léé, maa nyana Jérusalɛm. Wo dan Jérusalɛm laa lɛ, yarapawela fla, yé wo dan lai sunyanu lé Gakelebale lé gɔ laa lɛ, gɔ sauun.

Kelewenu 4:31

Wo nyaa bazorole nya aan wo, fɛana lé wo ke é zénle ékeva, a ma nyɔɔn, yé Léli Sauun wo faa kun yé wo Kazambale dére fe wo bli tadɔle plɛplɛ nya.

Rom munu 3:23

Naa, munu faa wenyané kɛlɛ yé Kazambale lé fuasan vuru wo faa ma;

SEBE LÉ JAK A GYE (Épitre de Jacques) 3:2

Kaa faa éé saan gɔnɔ kiɛre nya. Dé mi ’ka saan é dére fele gi lo, ’té gun ’ka a ma lo, ’té éé bɔa ébo kunle lɛ we faa gi.

Wegɔɔnle 21:10

Yé an si an pɔlɛ gi yé an nɔla miléli nya, yé é go an nya gɔ blɛn torole nwiin. Yé fla sauun lé ke Jérusalɛm lé, é si la gi Kazambale va yé é zun, a nya, é a nagɔɔn an lɛ.

Wegɔɔnle 21:2

Fla sauun lé ke Jérusalɛm dɛrɛ nya, maa a ye sina la gi Kazambale va yé é zun. A ma a é ’lɛrɛle bélé bosizan lé é ’lɛrɛ é zana lɛ, a zo.