Daniɛl 9:16 - Kazambale lé Sebe Sauunu 1979

¹⁶ Mizan, ilé bliflile valé i wɛwɛ dɔle ’é si ilé fla Jérusalɛm valé ilé gɔ plɛplɛ ma ma, i nyanai zénle blɛn yɛrama. Naa, kolé wenyanénu valé ko tranu lé weplenu kɛlɛle ma lé Jérusalɛm valé ilé munu kɛlɛ serelebomazannu nya munu faa lé ke wo zi, wo yuɛ gi.

Daniɛl 9:16 ပူးပေါင်းရင်းမြစ်များ

Néémi 9:8

Bii ɛ bli ye tegele i ’lɛ, i gipawe kɛlɛ a va, yé i blivolɛdére nɔ a lɛ, léé, tɛrɛ lé ke Kanaannu koo, Étinu koo, Amorénu koo, Férézinu koo, Jébusinu koo, Giigazinu koo, wozé nya, i dan a nɔ lɛ a kulu lɛ, yé i dɔ i dére ta, naa, i a tegele.

Lɛrɛvɔ Sɛbɛ 143:1

David lé lɛrɛ lé. Gakelebale, ’i an ban i tɔné nya, maa a gona bazorona, ’i tɔné dɔ anlé nyanainya dére lɛ. I a yarapawelazan nya, i a tegele, amalé ’i we an lɛ ma.

Lɛrɛvɔ Sɛbɛ 31:1

David lɛrɛ ’ko vɔle gɔɔn lɛrɛvɔmunu ’lɛzan lɛ.

Lɛrɛvɔ Sɛbɛ 41:13

Anlé we a tegele, amalé i bɔ an va, Yé i an dɔ i ’lɛ yifaama.

Lɛrɛvɔ Sɛbɛ 71:2

I a tegele, amalé ’i an si we gi yé ’i an si munu lee. ’I an ban i tɔné nya, yé ’i bɔ an va.

Lɛrɛvɔ Sɛbɛ 79:4

Ko kɛlɛ serelebomazannu nya ko punmazannu yuɛ gi, Yé munu lé wo ko zi lɛ sɔɔ, woo ko ma we nanaan, ’té woo yéri sié ko ma.

Lɛrɛvɔ Sɛbɛ 85:4

I daan i wɛwɛ dɔle faa ma, Ilé bliflile lé é ke tɔntɔn, i daan a ma.

Lɛrɛvɔ Sɛbɛ 89:51

Mizan, serele lé wa bo i wuozannu ma, a sele ’é dɔ i gi ma; Sɔnɔ faa lé munu kiɛre a woo, wa an gi;

Fwile 20:5

Té i dia i bli la wo ’lɛ lo, té i wo mawe kɛlɛ lo; naa, maa, Gakelebale, ilé Bale, maa a maawo Bale nya, yé maa munu lé weple ma ban dɔa wolé nénu nwiin, fɔɔ an zapamunu kulu yaazan valé wo kulu ziɛnzan nya,

Ézai 5:25

Bɛwemalé Gakelebale bli fli élé munu ma; é bɛ nwa léé, ’é wo bla. Gɔblɛnnu ma nyɔɔn; migalenu a bélé bli zo zinu ta. Dé é kɛlɛ ’bɛ zo‐oo, a bli ’ka dɔralaan lo, ’té a bɛ a wo gyɛn gi duowo.

Jérémi 24:9

Maa dan wo kɛlɛ lɛ kanaleefɛ valé we tɔntɔn bɔamazannu nya bɛnnu faa lɛ, yé fɛfaana lé maa dan wo bin lɛ, wo dan kɛlɛ lɛ serelebomazannu nya, wo dan wolé we fe lɛ gi la, wo dan we nana lɛ wo ma, wo dan kɛlɛ lɛ balepamazannu nya.

Jérémi 29:18

Maa dan wo zuo bin lɛ gwɔun koo, lɔrɔ koo, migyɛgyɛ koo, wo nya, yé maa dan wo kɛlɛ lɛ kanaleefɛ nya tɛrɛ la bɛnnu faa lɛ; maa dan wo kɛlɛ lɛ balepamazannu koo, kwavɔmitazannu koo, wenanamazannu koo, serelebomafɛnu koo, wo nya, bɛnnu faa lé maa wo pa zia wo va bɛ, wo lɛ.

Jérémi 32:31

Naa, fla ’ko an bli fli yé an wɛwɛ dɔ, é sia a pabléyi va fɔɔ kyɔ, amalé é sɔ an lɛ léé, maa a si an yuɛ gi.

Jérémi 32:32

Izraɛl munu valé Juda munu koo, wo nwiinzan blɛn koo, wozannu koo, wolé Balebanmunu valé wolé balelayemunu koo, Juda munu valé Jérusalɛm munu koo, wenyanénu lé wa kɛlɛ an bliflile we gi, aléwemalé é sɔ an lɛ léé, maa a si an yuɛ gi.

Ézékiɛl 22:4

nyɛ lé bé zana, é valé i tiridɔle we ma miyilinu kɛlɛle nya bɛ, wolé we a i nwiin. ’Bɛ zo lé i i yi kenu si a ta, yé i bɔ ilé lɛɛ nyaana. Amalé maa i kɛlɛ gwɛmazan nya bɛngɔnɔnu lɛ, é valé we nanamazan nya tɛrɛ faa la munu lɛ.

Ézékiɛl 5:14

Maa dan ka nyanana vo lɛ é pla yé maa dan ka kɛlɛ lɛ serelebomazannu nya bɛnnu lé wo ka zi lɛ sɔɔ, wo lɛ, giézannu faa yuɛ gi.

Daniɛl 11:45

É dan élé fua sɔkɔnnu dɔ lɛ wɛyinu méléna, gɔ tɔbɔle lé é ke plɛplɛ, a vazia. É dan bɔ lɛ ézé ’wuo plana, ’té a bɔavazan ’ka lo.

Daniɛl 9:20

An vo wefena ’té an bazoroan, yé anlé wenyanénu valé anlé munu Izraɛl munu lé wenyanénu fe, yé maa anlé zanté vɔ Gakelebale anlé Bale lɛ, anlé Bale lé gɔ plɛplɛ lé we ma.

Joɛl 3:17

Yé ka dan a gi dɔɔ lɛ léé, maa a Gakelebale, kalé Bale nya, ’Té an nyanaan anlé gɔ ’lɛzan Siɔn nwiin. Jérusalɛm é dan kɛlɛ lɛ é tinle Yé bɛnnu ’ka dan gié lɛ ana é dɛrɛ lo.

Zakari 8:3

Gakelebale léma: Maa nɔlaan an pa gi Siɔn, yé é sɔ an lɛ léé, maa nyana Jérusalɛm. Wo dan Jérusalɛm laa lɛ, yarapawela fla, yé wo dan lai sunyanu lé Gakelebale lé gɔ laa lɛ, gɔ sauun.

2 Tɛsalɔnik munu 1:6

Kazambale éé we kɛla tegele amalé munu lé woo kle paan ka ta bɛ, é dan kle pa lɛ wo ta.

1 Jan 1:9

Dé kaa kaalé wenyanénu fe, Bale a yarapawelazan nya yé é a tegele yé é kaa ma we voo yé éé weple faa sié kaa lee, yé é kaa kɛla tata.

1 Samuɛl 2:7

Gakelebale éé mi gya nyané nya yé éé fua no mi lɛ, Éé mi tuaan yé éé mi nwaan.