Daniɛl 9:12 - Kazambale lé Sebe Sauunu 1979

¹² Dérenu lé é a fe ko valé ko nwiinzannu lé woo zi gɔɔn‐an ko lɛ, kolé we nya, é wo lɛ sɔɔ. É we tɔntɔn blɛn bɔ ko ma. We lé é bɔ Jérusalɛm ma, ’bɛ zo we ’ka bɔ lɛ tɛrɛ la fɛ bɛ do kpen na lo.

Daniɛl 9:12 ပူးပေါင်းရင်းမြစ်များ

1 Minwiinzannu 3:9

Amalé ’i wedɔɔbli nɔ i wuozan lɛ, ilé munu lé weblele we gi, wezin valé wenyané va sile we gi. Naa, ilé munu kiɛre ’ko, de ɛ bɔa wolé we blele lɛɛ?

2 Minwiinzannu 22:16

Gakelebale léma: Bé ye, maa dan we tɔntɔnnu bɔ lɛ fɛkona valé ana munu ma, sɛbɛ lé Juda nwiinzan blɛn a ta fe, a dére faa yɛrama.

JOB (Job) 12:17

Éé goo weplamilɛzannu nya luu gi, Éé weblemunu ’wuo gi blin‐an ’wo ma.

Lɛrɛvɔ Sɛbɛ 148:11

Tɛrɛ la minwiinzannu valé migɔnɔ faa koo, Minwiinzannu benu valé tɛrɛ la weblezannu faa koo,

Lɛrɛvɔ Sɛbɛ 2:10

Yé sin, minwiinzan blɛnnu, ’ka tawo wedɔɔle nya. ’Kaa tɛrɛla weblezannu, ’ka we ’ma ma.

Wegɔnévɔlenu 8:16

An nya lé dutinu koo, Mi segelenu koo, tɛrɛ la weblezannu faa koo, woo plaan munu nwiin.

Ézai 43:28

Bɛwemalé maa kɔn sauun nwiinzannu kɛlɛ mi planu nya, Maa Jakɔb nɔ léé, a kulu ’é ga, Yé maa Izraɛl nɔ léé, ’wa sɔnɔ.

Ézai 44:26

Maa an wuozan dére dɔa plɛplɛ; Tɛlɛ tɛlamawe lé anlé nwunvɔzannu a fé, maa a lɛ sɔɔan; Maa lé Jérusalɛm ma léé, munu é dan nyana lɛ ana, Yé maa lé Juda lé flanu ma léé, wo dan wo pa lɛ ’wo pa gi; Yé wolé flanu lé wo vo ’wo ’bin nya, maa dan wo pa lɛ ’wo pa gi.

Jérémi 30:7

We tɔntɔn lé. Naa, yi blɛn lé; ’Bɛ zoɛ yi vinin ’ka tan bɔ lɛ lo. É a Jakɔb lé klebleyi nya, Naa, é dan si lɛ a gi.

Jérémi 32:23

Wo da, yé wo tɛrɛ ’ko si wozé nya, naa, wo ’ka i dére lɛdɔ lɛ a ma lo, yé wo ’ka ilé bélidɔwe tawe kɛlɛ lɛ monomono lo; we faa lé i wo béli dɔ a nya léé, ’wa kɛlɛ, wo ’ka a kɛlɛ lɛ lo. Amalé i we tɔntɔnnu faa ’ko bɔ wo ma.

Jérémi 39:16

’I go bé fe Étiopi mi Ébɛd‐Mélɛk lɛ léé: Lai sunyanu lé Gakelebale, Izraɛl lé Bale léma: Bé ye, wenu lé maa wo bɔle fla ’ko ma zuo fe, ’té wa wenaanénu nya, wo ’ka wezinnu nya lo, wo dan bɔ lɛ yi ’ko nya i yuɛ va.

Jérémi 44:23

Ka lasikɔrɔpo kyɛ ble, yé ka wenyané kɛlɛ Gakelebale ma; ka ’ka ka tɔné dɔ lɛ Gakelebale dére lɛ lo; ka ’ka tawo lɛ alé bélidɔwenu koo, a déretawenu koo, alé weplalenu koo, wo ta lo, amalé we tɔntɔn ’konu bɔ ka ma, ka a yé kyɔ fɛan zo, a zo.

Jérémi Lé Wuvɔ Sɛbɛ 1:12

Maa a wefena ka lɛ, ka faa lé ka ke giéna ’ko, ka lɛ. ’Ka nagini, ’ka ye, nyané lé maa a blena ’ko, ’Bɛ zoɛ nyanéblele bɛ aa? Gakelebale bli fli baba yi nya é kle pa an ta.

Jérémi Lé Wuvɔ Sɛbɛ 2:13

An dan fe lɛ i lɛ nɔɔ? Jérusalɛm munu, maa ka daan mɛ fɛ maa? Jérusalɛm munu, Maa ka daan mɛ fɛ ma ka tɔrɔ paale we maa? Naa, ka manɔn a blɛn bélé wɛyi zo; de ɛ bɔa a nyaale lɛɛ?

Jérémi Lé Wuvɔ Sɛbɛ 2:17

Gakelebale é bligiwe lɛ sɔɔ, Dére lé é a fe é kyɛn, é a lɛ sɔɔ; Yee fla lé é a sɛrɛ, ’té a nyanai ’ka zén‐é a ta lo; É i kɛlɛ i nyanézannu ginanamafɛ nya, yé munu lé wo yaa i ta, é wolé plɛplɛ taa pa.

Jérémi Lé Wuvɔ Sɛbɛ 4:6

We lɛdɔle anlé munu gi a blɛn, É mini Sɔdɔm zé ta, É sɛrɛ tata bléyi do nya, ’Té mi do ’ka é bɛ mane lɛ a ma lo.

Ézékiɛl 13:6

Wolé yuɛziwenu a é pla, yé wolé wefelenu a vié nya. Wo léé, Gakelebale léma, dɔlé ’té Gakelebale ’ka wo nwunvɔ lɛ pelo. Yé wa kɛlɛna léé, munu bli ’é vo a lɛ léé, wo dére lɛ é dan sɔɔ lɛ.

Ézékiɛl 5:9

Kalé bozowenu faa lé we ma lé, we lé maa ’ka tan a vinin kɛlɛ lɛ lo, ’té maa ’ka dan a bɛ kɛlɛ lɛ monomono lo, maa dan a kɛlɛ lɛ ka lɛ.

Daniɛl 12:1

’Bɛ bléyi va Mikaɛl lé é ke mi blɛn nya, ilé munu ta gulidanzan nya, é dan nwa lɛ. Bléyi ’ko é dan kɛlɛ lɛ nyané ble bléyi nya. É sia bɛnnu pélisia bléyi va fɔɔ yé é bɔ bléyi ’ko va, wo ’ka tan ’bɛ zoɛ nyané vinin ble lɛ lo. ’Bɛ bléyi va, ilé munu lé wo tɔ ke é gyɛle sɛbɛ gi, wo dan si lɛ we gi.

Joɛl 2:2

Yi ’ko la, béli éé taan yé gunu éé dɔraan; Yi ’ko la, lati éé tuaan, yé lolu éé vɔa; É dan bélé tukinile zo yé é zén gɔnu ta, Migɔnɔ lé wo ke kiɛre, ’té wa plɛplɛ, woo lé; Wo ’ka tan wo zoɛ munu ye lɛ é vinin lo, Yé wo ’ka dan wo zoɛ munu ye lɛ wo zuo monomono lo.

Amɔs 3:2

’Kaa do kpen lé maa ka si tɛrɛ la migɔnɔnu faa va, bɛwemalé maa dan we lɛdɔ lɛ ka gi, kalé wenyanénu faa lé we ma.

Zakari 1:6

Duowo, an dérenu lé maa wo pa an wuozannu balelayezannu ’léé ka tranu zé nya, wo lɛ ’ka é sɔɔle loo? Yé wo nɔla yé wo léé: We lé é dɔ lai sunyanu lé Gakelebale gi léé, é a kɛla ko lɛ kolé tawobɛ valé ko kɛlɛwenu yɛrama, é a kɛlɛ.

Zakari 1:8

Maa nagini é béli, ’té mi do a wisoo kanakana ta, ’té é a é dɔle miiteyilinu méléna furɔ va; ’té wisoo kanakananu koo, a gbamblɛnu koo, a funu koo, ’té wa zuo.

Zakari 7:12

Wo ’wo bli la dɔ plɛplɛ bélé gɔlɛ zo, léé, bélidɔwe koo, dére lé lai sunyanu lé Gakelebale a fe é Léli nya balelayemunu vininnu lɔlu nya, ’bɛ koo, té wa ’ma lo. Ana lé lai sunyanu lé Gakelebale bi wo ma bliflile blɛn nya.

Matio 24:21

Naa, nyanéblele é dan kɛlɛ lɛ tɔntɔn fɔɔ é sia tɛrɛ pélisia bléyi va fɔɔ yé é bɔ bléyi ’ko va, nyanéblele ’ko zoɛ ’ka tan bɔ lɛ lo, yé wo ’ka dan a zoɛ ye lɛ monomono lo.

Matio 5:18

Naa, maa lé ka lɛ webozen nya léé, dé la valé tɛrɛ ’ka tan gié lɛ lo, bélidɔwe gyɛwɔlɛ kiiéné valé a bale kiiéné do kpen ’ka dan san lɛ a va lo, fɔɔ, yé a kɛlɛle faa lɛ é sɔɔ.

Maak 13:19

Yi ’konu lé nyanéblele é dan kɛlɛ lɛ blɛn fɔɔ é sia Kazambale lé tɛrɛkɛlɛ?-?bléyi va fɔɔ é bɔ kyɔ ma, nyanéblele ’ko zoɛ ’ka tan bɔ lɛ lo, yé wo ’ka dan a zoɛ ye lɛ monomono lo.

WENÉNÉ LÉ LUK A GYE (Évangile selon Luc) 21:22

Naa, ’bɛ yinu é dan kɛlɛ lɛ we lɛgi pa yinu nya, we faa lé wa gyɛ sɛbɛ gi, a lɛsɔɔle we ma.

Rom munu 15:8

’Bɛ gi léé, Krist kɛlɛ ganedɔmunu wuozan nya, yé blivolɛdére lé Bale a fe ko tranu lɛ, é ’bɛ lɛ sɔɔ yé ’bɛ nya lé é a gɔɔn léé, Kazambale a wezen fezan nya, é ’ka viéwoo lo.