Daniɛl 8:8 - Kazambale lé Sebe Sauunu 1979

⁸ Boligɔné lé plɛplɛ gi gyɛ é baba, naa, dé alé plɛplɛ lɛ sɔɔ, a béli blɛn yéli. Yé a béli blɛn ziɛn bɔra a pa gi, yé wo yara dɔ fu sina ziɛnna.

Daniɛl 8:8 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 26:16

Naa, dé é dɔ plɛplɛ, a bli a saan. É wenyané kɛlɛ Gakelebale élé Bale ma. É wɔra Gakelebale bangikɔn gi lasikɔrɔ kyɛblele we ma lasikɔrɔ kyɛblena.

Esitɛɛ 9:4

Naa, Maadosé a plɛplɛ minwiinzan blɛn lé kɔn gi yé a tɔ a nwɛɛnna bɛntɛrɛ faa ta, naa, a plɛplɛ gi a gona gyɛle nya, azama.

Jérémi 49:36

Fu ziɛn lé woo sié la glɛ sina ziɛnna, maa dan wo laa lɛ Élam munu ma. Maa dan wo faa kini lɛ ékema fu ’konu nya, yé Élam munu lé wo fwi, bɛn lé wo ’ka dan bɔ lɛ a gi lo, ’bɛ bɛn ’ka lo.

Jérémi 5:27

Mane?-?nu woo zénkɔɔ faan fɛan zo, a zo lé wolé kɔnnu a é fanle dablifɛnu nya. ’Bɛ zo lé woo kɛla mi plɛplɛnu valé fuablezannu nya.

Ézékiɛl 16:7

Maa i kɛlɛ kiɛre baa ’é baa nya, bélé bwi gi lunu zo. Yé i tinle péli sia; i toro, yé i kɛlɛ é nɔnɔmi kaii; i nyɔ fan yé i nwin tuu. Naa, ’té i a é porole, é porole tata.

Ézékiɛl 28:9

I dan a fe lɛ i gyɛzan yuɛ va léé: Maa lé ke Bale nyaa? I dan kɛlɛ lɛ blami nya i gyɛzan lee, i ’ka dan kɛlɛ lɛ Bale nya lo.

Daniɛl 11:4

A kɛlɛle blɛn zuo, alé plale mi nwiin é dan sɛrɛ lɛ, yé a gi é dan bɔi lɛ lagi fu ziɛn vazia. É ’ka dan kɛlɛ lɛ a kulunu zé nya lo, yé alé plɛplɛ ta é dan zana lɛ. Naa, wo dan a kini lɛ ékema, yé é dan kɛlɛ lɛ mi bɛnu zé nya.

Daniɛl 4:31

É a tan wefena tɔɔn, dére do si la gi yé é a ’ma. É léé: Minwiinzan blɛn Nébukanɛsaa, ’i we ’ko ’ma ma, wo dan ilé plale mi nwiin si lɛ i lee.

Daniɛl 5:20

Naa, bléyian va lé é bo kɛlɛ blɛn yé a yuɛ ma kɛlɛ plɛplɛ fɔɔ yé é blii boblɛn nya, wa zun gla nya élé webleblin ta, yé wo alé fua si a lee.

Daniɛl 7:2

Daniɛl wefele péli sia yé é léé: Yuɛziwenu lé maa wo ye é béli, maa a wo naginina aan wo, yé bé ye, lagi fu ziɛn wɛyi blɛn nwa fiaa.

Daniɛl 7:6

’Bɛ zuo maa a naginina, yé an wi yaazan ye; é a bélé kua zo, yé a bɛa ziɛn a é dɔle a lala bélé miané zé zo. Wi ’ko ’wuo a ziɛn, yé wo plale mi nwiin se kɛlɛ a lɛ.

Daniɛl 8:22

A béli ziɛn lé wo bɔra a béli blɛn lé é yéli, a pa gi bɛ, wa bɛngɔnɔ ziɛn lé wo dan nwa lɛ bɛntɛrɛ ’ko la, wo nya; naa, wozé plɛplɛ ’ka bélé a vininzan zé zo lo.

Daniɛl 8:5

Dé maa a naginina téiin, bé ye, boligɔné do si yirivɔnazia yé é gié tɛrɛ faa la, ’té é ’ka manean tɛrɛ ma lo; boligɔné ’ko, a béli a do blɛn é dɔle a yuɛnu méléna.

Daniɛl 8:7

Maa a ye léé, é bié ’blagɔné sɔnɔ yé é bli fli a ma. É ’wuo zun ’blagɔné ma, yé é a béli fiénu yéli, ’té plɛplɛ do kpen ’ka ’blagɔné lee yé ’bɛ é dɔ a ’lɛ lo. É ’blagɔné bo tɛrɛ va yé é a zɔn é gane nya, yé mi lé ’bɛ é ’blagɔné sié a lee, ’bɛzan ’ka ye lɛ lo.

Matio 24:31

Yé maa dan anlé lanjenu nwunvɔ lɛ béli fɛnle nya, yé munu lé maa wo si a va anzé nya, lanjenu é dan wo si lɛ tɛrɛ sun ziɛn ta, é sia la glɛ sina fɔɔ yé é bɔ la glɛ koɛ ma.

Maak 13:27

Yé maa dan anlé lanjenu nwunvɔ lɛ yé munu lé maa wo si a va anzé nya, maa dan wo si lɛ tɛrɛsun ziɛn ta, é sia tɛrɛ glɛ sina fɔɔ yé é bɔ la glɛ sina yé maa wo zén ékeva.

Bélidɔwesɛbɛ Fiézan 31:20

Naa, an dan go lɛ munu ’konu nya tɛrɛ lé maa anbo ’nyɔɔn wo tranu lɛ léé, maa dan a nɔ lɛ wo lɛ, a ta. Tɛrɛ nyɔnɔzan lé. Wo dan fɛ ble lɛ, wo dan kan lɛ, wo dan bua lɛ. ’Bɛ zuo wo dan nɔla lɛ yé wo go bale bɛnu zuo, ’té woo wo bɔa; wo dan ’wo lɔlu plɛn lɛ an ma, yé wo dan anlé gipawe sɛrɛ lɛ;

Wegɔɔnle 7:1

’Bɛ zuo, maa lanje ziɛn ye é dɔle tɛrɛ sun ziɛn ta; wo kun tɛrɛ la fu ziɛn ma, té fu ’é gié tɛrɛ koo, wɛyi koo, yilinu koo, wo ma lo we gi.