Daniɛl 8:27 - Kazambale lé Sebe Sauunu 1979

²⁷ We ’konu zuo, maa Daniɛl, maa yi kiɛre gié, ’té an yuɛgi zun, ’té gyɛ a an ma. ’Bɛ zuo yé an nwa yé an kun minwiinzan blɛn lé wenu kɛlɛle ma. Yuɛziwe lé maa a ye, é an gi vuru, yé mi do kpen ’ka a gi dɔɔ lɛ lo.

Daniɛl 8:27 ပူးပေါင်းရင်းမြစ်များ

Daniɛl 10:16

Yé bé ye, mi do lé é ke bélé blaminu zo, é mane an lɔlu ma. An ’léé fuo yé mi lé é ke é dɔle an ’lɛ bɛ, maa lé a lɛ léé: Anzan, yuɛziwe ’ko é an gi nyɛ blɛn kini yé anlé plɛplɛ faa si an lee.

Daniɛl 10:8

An vo an do yé an yuɛziwe blɛn ’ko ye. An fuu faa si an ta, an yara sɛrɛ, yé anlé plɛplɛ faa si an lee.

Daniɛl 4:19

Yé Daniɛl lé wa laama Bɛlsatasaa, kwakwa vɔ a ta bléyi sɛ nya yé gi bɔrɔ pa a ma. Yé minwiinzan blɛn we fe é ziin yé é léé: Bɛlsatasaa, té nyɛ ’ko valé é gifele é gi bɔrɔ pa i ma lo. Yé Bɛlsatasaa a zi pa a lɛ léé: Anzan, nyɛ ’ko ’é kɛlɛ i nyanézannu zé nya, yé a gi fele ’é kɛlɛ i mazannu zé nya ma.

Daniɛl 5:14

Maa a ’ma i ma léé, balenu léli a i gi, yé i va a é kinile, yé i gi kini, yé wedɔɔle lé a glɛ ’ka lo, é a i gi.

Daniɛl 7:28

Dérenu ’wuo dɔ ’ko. Maa Daniɛl, an ’wuogibɔrɔlenu gibɔrɔ blɛn pa an ma. An kɔlɛ fuola yé an dére ’konu tadɔ an bli gi.

Daniɛl 8:17

É da an va, fɛana lé an ke é é dɔle, ana. Dé é bié, di blɛn kini an gi yé an dia an bli la. Yé é lé an lɛ léé: Blami be, ’i we ’ko ’ma ma; naa, yuɛziwe ’ko a bléyi voéla we nya.

Daniɛl 8:2

Maa yuɛziwe ’ko ye bléyian va, ’té é a bélé maa a Élam tɛrɛ la fla blɛn lé wa laama Suz, a ta. Anlé yuɛzi gi, ’té maa a Ulai yuu sɔnɔ.

Daniɛl 8:7

Maa a ye léé, é bié ’blagɔné sɔnɔ yé é bli fli a ma. É ’wuo zun ’blagɔné ma, yé é a béli fiénu yéli, ’té plɛplɛ do kpen ’ka ’blagɔné lee yé ’bɛ é dɔ a ’lɛ lo. É ’blagɔné bo tɛrɛ va yé é a zɔn é gane nya, yé mi lé ’bɛ é ’blagɔné sié a lee, ’bɛzan ’ka ye lɛ lo.

Abaku 3:16

Maa ’ma, yé an bɔn gi kɛlɛ wɛwɛwɛ. An dére ’ko ’ma tɔɔn, an lɔlunu nyɔɔn, An wɔlɛnu éé yaan an gi, Yé an powuonu vo tɔɔtɔɔ. É a lé an we tɔntɔn bɔyi lɛbɛn an ta nya é dɔle, Yian nya lé yaamitazan é dan nwa lɛ yé é go guli dan migɔnɔnu ma, a yi nya.

1 Samuɛl 3:15

Samuɛl vo é yiale fɔɔ bladi, a zuo é Gakelebale lé kɔn lɛnu so. Samuɛl kana yuɛziwe gi fele ma Éli lɛ.