Daniɛl 8:23 - Kazambale lé Sebe Sauunu 1979

²³ Wozé plale mi nwiin nyaabléyi va, bléyian va lé wolé wenyané fan, minwiinzan blɛn do é dan nwa lɛ, ’té é a é fanle we blɛnblɛn fele valé dabli kɛlɛle nya.

Daniɛl 8:23 ပူးပေါင်းရင်းမြစ်များ

Wepélisiananu 15:16

Wo néné zi néné ziɛnzan nya wo dan nyana lɛ ’ko é ziin. Naa, Amoré munu lé wenyané ’ka tan fan lɛ lo.

Wegɔnévɔlenu 1:6

gɔnévɔle koo, tɔraléénu koo, wedɔɔmunu dére valé wolé wefele koo, wo gi ’male lɛ.

Ézékiɛl 38:16

Gɔg‐oo, Gɔg, i dan go lɛ i ’lɛzia anlé munu ma, bélé lati lé é tua tɛrɛ sɔnɔ, a zo. Yi voélanu gi, maa dan ka nwa lɛ anlé tɛrɛ ma, léé, bɛnnu an dɔɔ. Bii ɛ nya lé wo dan a gi dɔɔ lɛ léé, maa a blɛn.

Ézékiɛl 38:8

Yi kiɛre giéle zuo, i dan kɛlɛ lɛ wo zilɛzan nya. Munu lé wo so gwɔun lee, ’té wo si bɛnnu va, ’té wo zén ékeva, Izraɛl gɔnu lé wo vo bwi nya bléyi kiɛre va, wo nwiin, yé wo nyana woboma duaa wo nyanananu na, munu ’ko bɛ, i dan nwa lɛ wo ma lɛɛ voélazannu gi.

Daniɛl 10:14

Wean é dan bɔ lɛ ilé munu ma é voéla, an dan a zuo fe lɛ i lɛ sin, naa, yuɛziwe ’ko a ’bɛ bléyi zé nya.

Daniɛl 11:21

Mi lé é ’ka munu yuɛ gi bɔa lo, ’bɛ é dan a pagi si lɛ, naa, minwiinzan dɔbɛ ’ka ’bɛ nyɛɛ lɛ lo. ’Bɛ é dan bɔra lɛ vole drɔɔ bléyi va, yé ’bɛ é dan plale mi nwiin si lɛ dabli kɛlɛle nya.

Daniɛl 11:24

Vole drɔɔ bléyi va, é dan nyana lɛ tɛrɛnu ’ko va tɛrɛ zimanu ta; yé wenu lé a tranu koo, a tranu é tranu koo, wo ’ka tan a vinin kɛlɛ lɛ lo, é dan wo kɛlɛ lɛ. Gulizarafɛnu koo, mi pagifɛnu koo, fuafɛnu koo, é dan wo guli lɛ. Bléyi kenu wuo, é dan we kenu ma’lɛrɛ lɛ léé, é kɔn plɛplɛnu sié ézé nya.

Daniɛl 7:11

’Té maa a naginina, dére blɛnblɛnnu lé wo ke bɔrana wi béliné ’ko ’léé, a we ma. Maa a naginina tɔɔn, wo wi ’ko gyɛ yé wa gale sɛrɛ; wa vɔ kyɛ va a kyɛblele we ma.

Daniɛl 7:20

yé a béli vu lé wo ke a nwiin bɛ, ’té a béli koɛzan bɔra yé wa béli yaa so a ’lɛ, ’té a yuɛnu ke, ’té a ’léé ke we blɛnblɛn fe ’léé nya bɛ, yé ’té a blɛn mini é bɔlunu ta bɛ, é sɔ an lɛ léé, maa we ’konu gi ’ma.

Daniɛl 7:25

É dan dére naanénu fe lɛ Loruzan ma; é dan kele pa lɛ Loruzan lé munu ta, yé é a a gi léé, é dan bléyinu valé bélidɔwenu nɔla lɛ, yé wo dan Loruzan lé munu pa lɛ a lee lɛɛ yaa é buu.

Daniɛl 7:8

An vo a bélinu naginina, yé a béli kiéné do bɔra é ziin a bélinu méléna, yé wa béli yaa so a béli kiéné ’ko ’lɛ; yé a yuɛ a bélé blami yuɛ zo, yé a ’léé a we blɛnblɛn fe ’léé nya.

Daniɛl 8:22

A béli ziɛn lé wo bɔra a béli blɛn lé é yéli, a pa gi bɛ, wa bɛngɔnɔ ziɛn lé wo dan nwa lɛ bɛntɛrɛ ’ko la, wo nya; naa, wozé plɛplɛ ’ka bélé a vininzan zé zo lo.

Daniɛl 8:24

Alé plɛplɛ gi é dan gyɛ lɛ, naa, abo lé gla ma kaan lo; é a fɛsɛrɛzan nya fɛan zo, é gié é glɛ la. Wenu lé é dan wo kɛlɛ lɛ wo nyian é dan wo lɛ a lɛ. É dan mi plɛplɛnu valé Bale lé munu sɛrɛ lɛ tata.

Daniɛl 8:25

A bɛ ma kɛlɛle néné valé alé dabli kɛlɛle nyian wole lé we ma, a bli é dan fan lɛ bo blɛn wenu nya, yé munu lé wo ke é nyanale drɔɔ, é dan wo kiɛre gyɛ lɛ za ma, yé é dan nwa lɛ minwiinzannu nwiinzan ma; naa, é dan ’wii lɛ, dɔlé ’té mi do ’ka we do kɛlɛ lɛ a lɛ lo.

Mi Nɔnɔle 24:24

Naa, ’yitagoronu é dan si lɛ Kitim, Yé é dan yaa lɛ Asirinu nwiin, é valé Ébrunu nya, Naa, wo dan yee kulu ga lɛ é ziin.

Matio 23:32

’Ka ka tranu kɛlɛwe pɔné lɛ sɔɔ ma.

1 Tɛsalɔnik munu 2:16

Ko a a va léé, ko we fe yolémunu lɛ wo sile we gi we ma, naa, Juifinu tun dɔ kolé wefele gi, yé wo yara pa wolé wenyané kɛlɛle ta fɔɔ yé ’bɛ lɛ sɔɔ. Naa, Kazambale bli fli wo ma.

1 Timoté 4:1

Naa, Kazambale Léli lé wéiin léé, bléyi voélanu nya mi kenu é dan si lɛ Kazambale lé we gi yé wo dan ’wo péli vɔ lɛ misaanyonu valé yonu lé wepaale va.

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.