Daniɛl 8:21 - Kazambale lé Sebe Sauunu 1979

²¹ Boligɔné lé bé ye, é a Javan nwiinzan blɛn nya. A béli blɛn lé ke a yuɛnu méléna, é a wo nwiinzan blɛn vininzan nya.

Daniɛl 8:21 ပူးပေါင်းရင်းမြစ်များ

Daniɛl 10:20

É lé an lɛ léma: Wean ma lé an da i va, bé gi dɔɔ? Sin, an dan go lɛ an pa gi gulidanle Pɛɛs munu nwiinzan va we gi. An gole zuo Javan nwiinzan é dan da lɛ.

Daniɛl 11:2

Sin, an dan webozen gɔɔn lɛ i lɛ. Bé ye, minwiinzan blɛn yaa é dan kɛlɛ lɛ é ziin Pɛɛs tɛrɛ la. A ziɛnzan é dan fuafɛnu téé lɛ yé é mini a bɔlunu faa zé ta. Yé bléyian va lé é dan kɛlɛ lɛ plɛplɛ élé fuafɛnu gi, é dan nwa lɛ élé plɛplɛ faa nya Javan tɛrɛlamunu ma.

Daniɛl 11:3

Yé minwiinzan blɛn nyanazan do é dan pla lɛ mi nwiin élé plɛplɛ blɛn nya, yé wɛan é sɔ ’bɛ lɛ, ’bɛ é dan a kɛlɛ lɛ.

Daniɛl 2:39

Izé nyaale zuo, mi bɛ é dan pla lɛ munu nwiin, naa, ’bɛzan zé ’ka dan kɛlɛ lɛ blɛn bélé izé zo lo. Yé a yaazan é dan pla lɛ mi nwiin, ’bɛ zé a bélé zéné zo. Yee ɛ dan pla lɛ tɛrɛ faa nwiin.

Daniɛl 7:6

’Bɛ zuo maa a naginina, yé an wi yaazan ye; é a bélé kua zo, yé a bɛa ziɛn a é dɔle a lala bélé miané zé zo. Wi ’ko ’wuo a ziɛn, yé wo plale mi nwiin se kɛlɛ a lɛ.

Daniɛl 8:20

’Blagɔné lé bé ye, ’té a bélinu a, é a Médi munu valé Pɛɛs munu nwiinzan blɛn nya.

Daniɛl 8:22

A béli ziɛn lé wo bɔra a béli blɛn lé é yéli, a pa gi bɛ, wa bɛngɔnɔ ziɛn lé wo dan nwa lɛ bɛntɛrɛ ’ko la, wo nya; naa, wozé plɛplɛ ’ka bélé a vininzan zé zo lo.

Zakari 9:13

Juda lé ke anlé sa nya, maa gana, ’Té Éfraim ɛ ke anlé sawɔlɛ nya; Bii Siɔn, maa dan ilé munu nwa lɛ Bii Javan lé munu ma. Yé maa dan i kɛlɛ lɛ bélé nyanazan lé gwɔun zo.