Daniɛl 7:9 - Kazambale lé Sebe Sauunu 1979

⁹ Maa a naginina bléyian va, ’té woo webleblinnu dɔraan. Yé mi kwa lé ke yinu ’lɛ, é nyana. Alé sɔ a fu tata bélé tɔrɛ zo. A nwiin nwinnu a bélé ’blakyɛɛ zima zo. Alé webleblin a bélé kyɛnɛnɛnu zo, yé alé webleblin ganenu a bélé kyɛnyɛ zo.

Daniɛl 7:9 ပူးပေါင်းရင်းမြစ်များ

1 Minwiinzannu 22:19

Yé Misé léé: ’I Gakelebale dére ’ma ma. Maa Gakelebale ye é nyanale élé fuablin ta, yé lai sunyanu faa a é dɔle a sɔnɔ, a bɛyila valé a bɛbola.

2 Minwiinmunu lé Wezuofe Sɛbɛ 18:18

Yé Misé léé: ’Ka Gakelebale dére ’ma ma. Maa Gakelebale ye é nyanale élé webleblin ta, yé lanu lé sunyanu a é dɔle a bɛyila valé a bɛbola.

Lɛrɛvɔ Sɛbɛ 45:8

We tegele sɔ i lɛ, yé weple za a i gi; Amalé oo Bale, ilé Bale ginanale lé nyɔnɔ zén i nwiin yé é gié i bɔlunu zé ta.

Lɛrɛvɔ Sɛbɛ 90:2

Gɔblɛnnu bɔrale ’lɛ, ’Té i ’ka tan tɛrɛ valé é tafɛnu kɛlɛ lɛ lo, Lɛɛfaama a glɛ ’ka lo, ’té bii a Bale nya.

Lɛrɛvɔ Sɛbɛ 93:2

Ilé webleblin a é dɔle gligli é kyɛn; I pélisiana ’ka lo, i ana yifaama.

Ézai 6:1

Minwiinzan Ozias galɛɛ nya, maa Mizan Gakelebale ye é nyanale blin lé ke é dɔrale fɛna loru na, a ta, ’té alé varɔ blɛn lɔlu Balebangikɔn gi fɛna sauun fan.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Jérémi 49:38

Maa dan anlé webleblin dɔra lɛ Élam, yé maa dan a nwiinzan blɛn valé minwiinzannu gyɛ lɛ. Maa Gakelebale ɛ ke a fena.

Ézékiɛl 1:26

Fɛna pla lé é ke wo ’wuo ta loru, ’bɛ ta loru fɛ do ana; é a bélé safiigɔlɛ zo. ’Té a zi a bélé webleblin zo. Yé webleblin ’ko ta, fɛ do ana bélé mi zo, ’té é a é dɔle a ta loru.

Daniɛl 7:13

Yuɛziwenu lé maa wo ye é béli, maa a wo naginina aan wo, ’té mi do lé é ke bélé blami be do zo, ’té é dan latinu nya, yé é bié mi kwa lé ke yinu ’lɛ, a vazia, yé wa bié a sɔnɔ.

Daniɛl 7:22

fɔɔ yé mi kwa lé ke yinu ’lɛ, é da yé é weblele se kɛlɛ Loruzan lé munu lɛ yé a bléyi bɔ yé é a se kɛlɛ wo lɛ léé, wo pla munu nwiin.

Misé 5:2

Bɛwemalé Bale é dan élé munu pa lɛ munu lee, fɔɔ yé lezan lé néyaabléyi ’é bɔ, yé a bwe pɔnénu é da Izraɛlnu va.

Abaku 1:12

Gakelebale, anlé Bale sauun, bian i lɛɛ ’ka lɛɛnu va lo loo? Ko ’ka dan ga lɛ lo. Gakelebaleoo, Gakelebale, i bɛn ’ko dɔ i déretawe kɛlɛzannu nya ilé munu ma. Anlé Gɔlɛgɔ, i bɛn ’ko nwa wo kɛlɛle ilé we lɛdɔ migizannu nya we ma.

Matio 17:2

A yara dɔbɛ nɔla wo yuɛ va, yé a yara bi nyananyana bélé yiri zo, yé alé sɔnu kɛlɛ fu tata bélé san zo.

Matio 28:3

A yara a bélé lɛɛ yuɛwuovɔle zo, yé alé sɔ a fu tata bélé tɔrɛ lé a gi éé bié, a zo.

Maak 9:3

alé sɔnu kɛlɛ nyananyana, yé wo kɛlɛ fu tata. Mian é sɔ zuruwo yé é kɛlɛ fu tata bélé sɔ ’ko zo, ’bɛzan ’ka tɛrɛ la ’ko lo.

Kelewenu 2:30

É ke aan wo balelayezan nya, é a gi dɔɔ léé, Kazambale a fe ébo kunle nya léé, é dan David kululazan do nyana lɛ David lé webleblin ta.

Kelewenu 2:33

Kazambale a nwa aan wo é bɛyi nya, yé Léli Sauun lé a Ti a nɔle lé we fe a lɛ é kyɛn, é a ye a va, yé é a zén ko ta, fɛan zo lé ka a ye yé ka a ’ma, a zo.

Filip munu 3:9

Yé dé an kɛlɛ Krist gi, maa ’ka a gi kɛlɛle tegele lé éé sié bélidɔwe va, ’bɛ we ma lo, naa, maa a a gi kɛlɛle tegele lé éé sié blivole Jézu Krist lɛ va, a we ma. Kɛlɛle tegele ’ko, Bale a no blipale ma.

1 Timoté 6:16

’té vole é yuɛma lé a glɛ ’ka lo é a yee do kpen ɛ lee bɛ, ’té é ke é nyanale san lé mi do kpen ’ka bɔa biéle lɛ a sɔnɔ lo, a gi bɛ, ’té mi do kpen ’ka tan é yuɛ vɔ lɛ a ta lo yé wo ’ka bɔa yuɛ vɔle lɛ a ta boenwo lo bɛ, yee ɛ dan Jézu gɔɔn lɛ. Tɔbɔle valé plɛplɛ a azé nya lɛɛfaama, a glɛ ’ka lo. Amɛɛn.

1 Jan 1:5

We lé ko a ’ma a ta, yé ko ke a fena ka lɛ ’ko, yee lé é ke léé, Kazambale a san nya, yé gunuti do kpen ’ka a va lo.

Wegɔɔnle 1:14

A ’wuo valé a nwunnu a fu tata bélé tɔrɛ zo; a yuɛnu a bélé kyɛnɛnɛ zo;

Wegɔɔnle 19:18

minwiinzannu koo, sunyazannu koo, mi plɛplɛnu koo, wisoonu valé ’wotazannu koo, munu faa, miné valé luunu, mi kiénénu valé mi blɛnnu, wo faa koo, yé ’ka wo wi ble.

Wegɔɔnle 20:4

Yé maa webleblinnu ye, yé Bale weblele se kɛlɛ wotazannu lɛ. Yé munu lé wo wo ’wuo kini Jézu lé we fele valé Kazambale dére lé we ma koo, munu lé wo ’ka dia lɛ ’wo bli la wi valé é yili ’lɛ lo, ’té wo ’ka wi lé tɔmase gyɛ lɛ, dé wo yarapɛla léé, dé wo bɛ la léé, ana lo, maa wo boennu ye. Wo nwa é yuɛma é ziin yé wo pla munu nwiin Krist va lɛɛ wuru soru.

Wegɔɔnle 4:2

Tɔɔn yé maa si an pɔlɛ gi yé an nɔla miléli nya. Yé bé ye, webleblin a la gi, ’té mi do a é nyanale yee webleblin ’ko ta.