Daniɛl 7:28 - Kazambale lé Sebe Sauunu 1979

²⁸ Dérenu ’wuo dɔ ’ko. Maa Daniɛl, an ’wuogibɔrɔlenu gibɔrɔ blɛn pa an ma. An kɔlɛ fuola yé an dére ’konu tadɔ an bli gi.

Daniɛl 7:28 ပူးပေါင်းရင်းမြစ်များ

Wepélisiananu 37:10

É a zuo fe é ti valé é bwenu lɛ. A ti we pla a lɛ, yé é léé: Nyɛ lé bé gyɛ bɛ, a gi lé nɔɔ? É a lé, maa koo, i bu koo, i bwenu koo, ko dia ko bli la tɛrɛ va i ’lɛɛ?

Wepélisiananu 37:11

A va maawole a é bwenu bli gi, naa, we ’konu sele voo a ti gi.

Daniɛl 10:16

Yé bé ye, mi do lé é ke bélé blaminu zo, é mane an lɔlu ma. An ’léé fuo yé mi lé é ke é dɔle an ’lɛ bɛ, maa lé a lɛ léé: Anzan, yuɛziwe ’ko é an gi nyɛ blɛn kini yé anlé plɛplɛ faa si an lee.

Daniɛl 10:8

An vo an do yé an yuɛziwe blɛn ’ko ye. An fuu faa si an ta, an yara sɛrɛ, yé anlé plɛplɛ faa si an lee.

Daniɛl 11:27

Minwiinzan blɛn fié ’ko wo dan wo ’wuoi bɔrɔ lɛ wenaané kɛlɛle ma, yé wo dan viéwo lɛ wo ke lɛ fɛble pala do zi. Naa, ’bɛ nyian ’ka dan wo lɛ wo lɛ lo. Naa, a nyaabléyi lé Bale a dɔ, é ’ka dan nyaa lɛ ’bɛ bléyi ’lɛ lo.

Daniɛl 12:13

Yé bii, ’i tawo a ’wuoplana zia. I dan flin lɛ yé i dan nwa lɛ loru ilé zarafɛ yele we ma a yi nyaalanu nya.

Daniɛl 12:9

É a zi pa léé: Daniɛl, ’i go. Naa, dére ’konu é dan vo lɛ ana é yɔɔle ’kyɛ, ’té wo ’léé a é bééle fɔɔ yé a nyaabléyi é bɔ.

Daniɛl 4:16

’Wo alé mi bli si a gi, yé ’wo wi bli vɔ a gi, yé lɛɛ sɔrafié ’é gié a ta ma.

Daniɛl 4:19

Yé Daniɛl lé wa laama Bɛlsatasaa, kwakwa vɔ a ta bléyi sɛ nya yé gi bɔrɔ pa a ma. Yé minwiinzan blɛn we fe é ziin yé é léé: Bɛlsatasaa, té nyɛ ’ko valé é gifele é gi bɔrɔ pa i ma lo. Yé Bɛlsatasaa a zi pa a lɛ léé: Anzan, nyɛ ’ko ’é kɛlɛ i nyanézannu zé nya, yé a gi fele ’é kɛlɛ i mazannu zé nya ma.

Daniɛl 5:6

Minwiinzan blɛn kɔlɛ fuola yé é gibɔrɔ pa a ma. A sowɔlɛ so é ke ’léé, yé a powuonu vo tɔɔtɔɔ.

Daniɛl 7:15

Gibɔrɔ pa maa Daniɛl ma, yé yuɛziwenu lé maa wo ye, wo di kini an gi.

Daniɛl 8:1

Minwiinzan blɛn Bɛlsasaa plale mi nwiin lɛɛ yaazan nya, maa Daniɛl, maa yuɛziwe do ye, yuɛziwenu lé maa wo ye é vinin, wo zuo.

Daniɛl 8:17

É da an va, fɛana lé an ke é é dɔle, ana. Dé é bié, di blɛn kini an gi yé an dia an bli la. Yé é lé an lɛ léé: Blami be, ’i we ’ko ’ma ma; naa, yuɛziwe ’ko a bléyi voéla we nya.

Daniɛl 8:19

’Bɛ zuo é lé an lɛ léé: We lé é dan bɔ lɛ bléyi voélazan lé ke bliflibléyi nya, a nya, maa dan a paa lɛ i gi. Naa, wo bléyi do dɔ bléyi voélazan nya.

Daniɛl 8:27

We ’konu zuo, maa Daniɛl, maa yi kiɛre gié, ’té an yuɛgi zun, ’té gyɛ a an ma. ’Bɛ zuo yé an nwa yé an kun minwiinzan blɛn lé wenu kɛlɛle ma. Yuɛziwe lé maa a ye, é an gi vuru, yé mi do kpen ’ka a gi dɔɔ lɛ lo.

Maak 9:15

Mi gu Jézu ye tɔɔn, wo kɛlɛ wɛ, yé wo vlan si a vazia, wele a va we ma.

WENÉNÉ LÉ LUK A GYE (Évangile selon Luc) 2:19

Mari we ’konu faa ta dɔ é bli gi, ’té éé wo bɔrɔan é bɔn‐in.

WENÉNÉ LÉ LUK A GYE (Évangile selon Luc) 2:51

’Bɛ zuo é go wo va Nazarɛt, yé é pla wo wuo. We ’konu faa vo a bu bli gi.

WENÉNÉ LÉ LUK A GYE (Évangile selon Luc) 9:44

’Kaanu, ’ka tɔné dɔ we ’ko lɛ é zima ma: wo dan maa blami Be pa lɛ munu lee.