Daniɛl 7:25 - Kazambale lé Sebe Sauunu 1979

²⁵ É dan dére naanénu fe lɛ Loruzan ma; é dan kele pa lɛ Loruzan lé munu ta, yé é a a gi léé, é dan bléyinu valé bélidɔwenu nɔla lɛ, yé wo dan Loruzan lé munu pa lɛ a lee lɛɛ yaa é buu.

Daniɛl 7:25 ပူးပေါင်းရင်းမြစ်များ

Ézai 37:23

Mi kyɛn lé bé sɔnɔ yé i bɔrɔ yéli a maa? Mi kyɛn ta lé i siaan? I yuɛ fuoan plɛplɛ Izraɛl lé Mi Sauun ma.

Daniɛl 11:28

É dan nɔla lɛ élé tɛrɛla fuafɛ kiɛre nya é lee; yé é dan dɔ lɛ gipawe sauun ma é bli gi. É dan we kɛlɛ lɛ a ma, ’bɛ zuo yé é dan go lɛ élé tɛrɛ la é ziin.

Daniɛl 12:7

Yé mi lé, lɛnsɔ ke a ta, ’té é ke é dɔle ’yi ta loru, maa a dére ’ma; yé é bɛyi valé é bɛbo nwa lagi zia, ’té Bale lé éé voo é yuɛma lɛɛfaama, a glɛ ’ka lo, éé a ’nyɔɔn‐an a tɔ nya yé é léé: É dan kɛlɛ lɛ lɛɛ yaa é buu giéle zuo ma. Yé dé Bale lé munu lé plɛplɛ faa nyaa tata bléyian va, yé we ’konu faa é nyaa.

Daniɛl 2:21

Yee ɛ bléyinu valé mi zi wenu nɔlaan, yee ɛ minwiinzan blɛnnu sié ana ’té éé wo dɔa ana. Yee ɛ wedɔɔle no wedɔɔzannu lɛ, yé yee ɛ gikinile no ’wuoatazannu lɛ.

Daniɛl 3:26

’Bɛ zuo, Nébukanɛsaa bié ’furu lé kyɛ a tana, a sɔnɔ, yé é léé: Sadrak koo, Mésak koo, Abɛd‐Négo koo, balenu faa Nwiinzan wuomunu, ’ka bɔra a gi, ’ka da. Yé Sadrak koo, Mésak koo, Abɛd‐Négo koo, wo bɔra kyɛ méléna.

Daniɛl 4:17

Fɛyuɛmalenu lé woo fɛnu tabin‐é, wo we ’ko ’wuo dɔ; mi sauunnu munu béli dɔ we ’ko nya, léé, munu faa a gi dɔɔ léé, plale mi nwiin faa a é plale Loruzan wuo; dé miomian sɔ a lɛ, éé ’bɛzan plaan munu nwiin, yé éé munu faa va mi kiéné kɛla minwiinzan nya.

Daniɛl 4:2

Tɔmasenu valé we blɛnnu lé balenu faa Nwiinzan a kɛlɛ an lɛ, é sɔ an lɛ léé, maa wo zuo fe mi bɛnu lɛ.

Daniɛl 4:25

Wo dan i bin lɛ munu méléna, yé i dan nyana lɛ bwigiwinu va. Wo dan lunu nɔ lɛ i lɛ bélé diri zo, yé bé ble. Lolu é dan i kɛlɛ lɛ drɔɔdrɔɔ, yé lɛɛ sɔrafié é dan gié lɛ i ta fɔɔ yé bé gi dɔɔ léé, plale mi nwiin faa a é plale Loruzan wuo, yé dé miomian sɔ a lɛ, éé ’bɛzan plaan munu nwiin.

Daniɛl 4:32

Wo dan i bin lɛ munu méléna, yé i dan nyana lɛ bwigiwinu va. Wo dan lunu nɔ lɛ i lɛ bélé diri zo yé bé ble, yé lɛɛ sɔrafié é dan gié lɛ i ta fɔɔ yé bé gi dɔɔ léé, plale mi nwiin faa a é plale Loruzan wuo, yé dé miomian sɔ a lɛ, éé ’bɛzan plaan munu nwiin.

Daniɛl 7:18

Naa, lagi Loruzan lé munu é dan pla lɛ munu nwiin, yé plale munu nwiin é dan vo lɛ wozé nya lɛɛfaama, a glɛ ’ka lo, ’té ’bɛ glɛ ’ka dɔa monomono lo.

Daniɛl 7:20

yé a béli vu lé wo ke a nwiin bɛ, ’té a béli koɛzan bɔra yé wa béli yaa so a ’lɛ, ’té a yuɛnu ke, ’té a ’léé ke we blɛnblɛn fe ’léé nya bɛ, yé ’té a blɛn mini é bɔlunu ta bɛ, é sɔ an lɛ léé, maa we ’konu gi ’ma.

Daniɛl 7:8

An vo a bélinu naginina, yé a béli kiéné do bɔra é ziin a bélinu méléna, yé wa béli yaa so a béli kiéné ’ko ’lɛ; yé a yuɛ a bélé blami yuɛ zo, yé a ’léé a we blɛnblɛn fe ’léé nya.

Daniɛl 8:11

É nwa fɔɔ lai sunyanu nwiinzan va, yé balebanwi lé wa kyɛ blé, ’té wa no lɛɛfaama, é a nɔle yi ga, yé é alé fɛna plɛplɛ zana a gi.

Daniɛl 8:14

Yé é lé an lɛ léma: Nyanadi valé bladi baa do wuru do yɔ soru giéle zuo lé fɛna plɛplɛ gi é dan kɛlɛ lɛ tegele.

Daniɛl 8:9

Yé béli kiéné do bɔra a béli ziɛn va béli do ma, yé é kɛlɛ blɛn yirinwana bɛyilazia koo, yirinwanazia koo, tɛrɛnu faa va tɛrɛ zima koo, wo vazia.

Daniɛl 9:27

Minwiinzan ’ko é dan gipawe gligli do kɛlɛ lɛ mi kiɛre va flɛyi do wuo. Yé flɛyi ’ko méléna, é dan saraka bole valé blɛ kɛlɛle yi ga lɛ. Fɛsɛrɛzan é dan bozowenu kɛlɛ lɛ fɔɔ yé a sɛrɛle valé wean wa ma’lɛrɛ azé nya, yé é bɔ a ma.

OZÉ (Osée) 7:16

Wo ’ka nɔlaan Loruzan Bale va lo. Wa dabli kɛlɛ sa nya. Wolé mi blɛnblɛnnu é dan dia lɛ gwɔun ’léé; woo dére blɛnblɛn fé, azama. We ’ko é dan wo kɛlɛ lɛ yérisiéamafɛ nya Éjipiti tɛrɛ la.

2 Tɛsalɔnik munu 2:3

Dé mian é dabli gɔnɔ faa kɛlɛoo, té ka dɔ ’bɛzan lɛ lo. É a lé midiérabléyi é bɔ é vinin, yé mi ple lé é ke é sanle bɛ, é a lé wa ye bɔrana.

2 Tɛsalɔnik munu 2:4

É a mi nyanézan nya. É léé, fɛ faa lé wa laama Bale, é valé fɛ faa lé munu a bɔa, ’é a wo nwiin, fɔɔ yé é nyana Balebangikɔn gi, ’té é ébozen laama Bale.

2 Tɛsalɔnik munu 2:8

’Bɛ zuo, yee Bale lé zi ma wenyané fezan é dan bɔra lɛ, mian Mizan Jézu é dan a sɛrɛ lɛ é ’léé fu nya, yé é dan a kulu ga lɛ é dale lé san nya bɛ, yee lé.

Wegɔɔnle 12:14

Wo gola blɛn bɛa fié nɔ lezan lɛ, a sile we gi yé é go ’élé fɛna bwi gi méné lee baa, ana lé wo fɛblele nɔ a lɛ lɛɛ yaa é buu.

Wegɔɔnle 12:6

Yé lezan vɔ fli gi yé é go bwi gi, fɛna lé Kazambale a ma’lɛrɛ azé nya, ana, yé wo fɛblele nɔ a lɛ ’bɛna yi wuru suiɛdo yi yɔ yaa.

Wegɔɔnle 14:12

Kazambale lé munu lé yara pale we la lé é ke ’ko: woo Kazambale lé bélidɔwenu kɛla, ’té wo bli a Jézu lɛ.

Wegɔɔnle 16:6

Naa, wo Kazambale lé munu valé balelayemunu nyɛ zana, amalé ilé nyɛ nɔle wo lɛ yé wa mini yara lé.

Wegɔɔnle 17:6

Yé maa le ’ko ye é gyɛlɛ Kazambale lé munu valé Jézu lé wenayemunu nyɛ nya bélé nwɛ zo. Maa a ye aan wo, an gi vuru é baba.

Wegɔɔnle 18:24

yé balelayemunu koo, Kazambale lé munu koo, munu faa lé wo wo bɔrɔ bo tɛrɛ la koo, wo wo nyɛ ye bii Babilɔn ta, ’bɛzama.