Daniɛl 7:2 - Kazambale lé Sebe Sauunu 1979

² Daniɛl wefele péli sia yé é léé: Yuɛziwenu lé maa wo ye é béli, maa a wo naginina aan wo, yé bé ye, lagi fu ziɛn wɛyi blɛn nwa fiaa.

Daniɛl 7:2 ပူးပေါင်းရင်းမြစ်များ

Ézai 17:12

Oo, munu kiɛre a wena; wo vun éé wé bélé wɛyi vun wele zo. Bɛnnu bɔ gyɛ, woo gi éé wé bélé ’yiyoro plɛplɛnu gi wele zo.

Jérémi 49:36

Fu ziɛn lé woo sié la glɛ sina ziɛnna, maa dan wo laa lɛ Élam munu ma. Maa dan wo faa kini lɛ ékema fu ’konu nya, yé Élam munu lé wo fwi, bɛn lé wo ’ka dan bɔ lɛ a gi lo, ’bɛ bɛn ’ka lo.

Jérémi 51:42

Wɛyi zén Babilɔn ta; a fɔrɔlenu Babilɔn ta bua.

Daniɛl 11:4

A kɛlɛle blɛn zuo, alé plale mi nwiin é dan sɛrɛ lɛ, yé a gi é dan bɔi lɛ lagi fu ziɛn vazia. É ’ka dan kɛlɛ lɛ a kulunu zé nya lo, yé alé plɛplɛ ta é dan zana lɛ. Naa, wo dan a kini lɛ ékema, yé é dan kɛlɛ lɛ mi bɛnu zé nya.

Daniɛl 2:19

Bale yee we yɔɔleo nagɔɔn Daniɛl lɛ yuɛzi gi é béli. Yé Daniɛl lanu lé Bale drɔɔ vo.

Daniɛl 7:13

Yuɛziwenu lé maa wo ye é béli, maa a wo naginina aan wo, ’té mi do lé é ke bélé blami be do zo, ’té é dan latinu nya, yé é bié mi kwa lé ke yinu ’lɛ, a vazia, yé wa bié a sɔnɔ.

Daniɛl 7:7

’Bɛ zuo yé yuɛziwenu lé maa wo ye é béli, maa a wo naginina, yé wi ziɛnzan lé maa a ye, éé di kinié mi gi, éé mi ta daan é ma, yé a plɛplɛ gié é glɛ ta; a suiɛnu a blɛnblɛn; wa foliɛwɔlɛ nya. Éé fɛ blé, ’té éé fɛ ’wiié, ’té a pɔné lé ’bɛ voo, é a zɔn‐o é gane nya; a dɔbɛ a é sile wi vininzannu ma. A béli a vu.

Daniɛl 8:2

Maa yuɛziwe ’ko ye bléyian va, ’té é a bélé maa a Élam tɛrɛ la fla blɛn lé wa laama Suz, a ta. Anlé yuɛzi gi, ’té maa a Ulai yuu sɔnɔ.

Daniɛl 8:8

Boligɔné lé plɛplɛ gi gyɛ é baba, naa, dé alé plɛplɛ lɛ sɔɔ, a béli blɛn yéli. Yé a béli blɛn ziɛn bɔra a pa gi, yé wo yara dɔ fu sina ziɛnna.

Zakari 6:5

Lanje a zi pa an lɛ léma: Lagi fu ziɛnnu lé woo bɔraan fɛana lé wo ke é dɔle Tɛrɛfaazan ’lɛ ana bɛ, wo lé.

Matio 24:31

Yé maa dan anlé lanjenu nwunvɔ lɛ béli fɛnle nya, yé munu lé maa wo si a va anzé nya, lanjenu é dan wo si lɛ tɛrɛ sun ziɛn ta, é sia la glɛ sina fɔɔ yé é bɔ la glɛ koɛ ma.

Wegɔɔnle 17:15

Yé é lé an lɛ léé: ’Yinu lé bé ye, ’té gɔnégini le ke é nyanale wo ta bɛ, wa migɔnɔnu koo, mi gunu koo, bɛnnu koo, dérenu koo, wo nya.

Wegɔɔnle 7:1

’Bɛ zuo, maa lanje ziɛn ye é dɔle tɛrɛ sun ziɛn ta; wo kun tɛrɛ la fu ziɛn ma, té fu ’é gié tɛrɛ koo, wɛyi koo, yilinu koo, wo ma lo we gi.