Daniɛl 7:18 - Kazambale lé Sebe Sauunu 1979

¹⁸ Naa, lagi Loruzan lé munu é dan pla lɛ munu nwiin, yé plale munu nwiin é dan vo lɛ wozé nya lɛɛfaama, a glɛ ’ka lo, ’té ’bɛ glɛ ’ka dɔa monomono lo.

Daniɛl 7:18 ပူးပေါင်းရင်းမြစ်များ

Lɛrɛvɔ Sɛbɛ 45:16

Woo wo gɔɔn‐an minwiinzan blɛn lɛ, ginanale lé éé giéan é glɛ la, a nya, Yé wo wɔra minwiinzan lé fuakɔn gi.

Lɛrɛvɔ Sɛbɛ 49:14

Wolé tawobɛ valé wolé ’tugyɛwe lé ke bɛ; Yé munu lé woo goo wo zuo, wo dérenu sɔ ’bɛnu lɛ. Ka ye do.

Ézai 14:2

Bɛn bɛ gi munu é dan Izraɛl si lɛ yé wo go wo nya Izraɛl lé tɛrɛ la, yé munu lé ’bɛnu da wo nya bɛ, ’bɛnu é dan kɛlɛ lɛ Izraɛlnu leegɔnénu valé wo leelomu nya, Gakelebale lé tɛrɛ la. Munu lé wo kɛlɛ ’bɛnu lé luu nya, ’bɛnu é dan kɛlɛ lɛ woé luu nya, yé wo dan pla lɛ yaawotazannu nwiin.

Daniɛl 7:14

Kɛlɛle minwiinzan nya koo, fuablele koo, plale mi nwiin koo, wa se kɛlɛ a lɛ, yé migɔnɔ faa koo, bɛnnu koo, dére faa do do vɔmunu koo, wa bɔ. Alé plale mi nwiin a plale mi nwiin lé a glɛ ’ka lo, ’té é ’ka giéan lo, a nya, yé a plale mi nwiin ’ka nyaan monomono lo.

Daniɛl 7:17

Wi blɛn ziɛn ’ko, wa minwiinzan blɛn ziɛn lé wo dan bɔra lɛ tɛrɛ la, wo nya.

Daniɛl 7:22

fɔɔ yé mi kwa lé ke yinu ’lɛ, é da yé é weblele se kɛlɛ Loruzan lé munu lɛ yé a bléyi bɔ yé é a se kɛlɛ wo lɛ léé, wo pla munu nwiin.

Daniɛl 7:25

É dan dére naanénu fe lɛ Loruzan ma; é dan kele pa lɛ Loruzan lé munu ta, yé é a a gi léé, é dan bléyinu valé bélidɔwenu nɔla lɛ, yé wo dan Loruzan lé munu pa lɛ a lee lɛɛ yaa é buu.

Daniɛl 7:27

Plale mi nwiin koo, munu plale a wuo koo, tɛrɛ la bɛngɔnɔnu faa lé fua koo, wo dan wo nɔ lɛ Loruzan lé munu lɛ. ’Bɛnu lé plale mi nwiin a plale mi nwiin lé é vo ana lɛɛfaama, a glɛ ’ka lo, a nya, yé minwiinzannu faa é dan a bɔ lɛ yé wo dan a lɛdɔ lɛ a ma.

Abudias 1:17

Naa, sile we gi é dan kɛlɛ lɛ Siɔn gɔ nwiin; é dan kɛlɛ lɛ sauun, Yé Jakɔb lé munu é dan ’wolé tɛrɛ si lɛ é ziin.

WENÉNÉ LÉ LUK A GYE (Évangile selon Luc) 1:33

É dan pla lɛ Jakɔb gɔnɔlamunu faa nwiin lɛɛfaama, yé a plale munu nwiin glɛ ’ka dan dɔ lɛ lo.

1 Korent munu 6:2

Ka ’ka a gi dɔɔa léé, Bale lé munu é dan tɛrɛlamunu lé we ble lɛ loo? Yé dé ka ɛ dan munu lé we ble lɛ, ’té kalé we kiénénu blele yara kaan loo?

Éfez munu 1:3

Kazambale, Kaazan Jézu Krist Ti lé é kaa drɔɔ vo léli drɔɔ vole gɔnɔ faa nya fɛna lorunu na Krist gi, a drɔɔ ’é vo ma.

Éfez munu 6:12

Naa, kaa ’ka buo sié tɛrɛlamunu ma lo; naa, la worona wemaplɛplɛzannu koo, fɛnu lé woo wo lɛdɔama koo, tɛrɛ ’ko la gunuti nwiinzannu koo, léli lɛrɛlɛrɛnu lé wo ke fɛna lorunu na koo, wo ma lé kaa buo sié.

Wegɔɔnle 20:4

Yé maa webleblinnu ye, yé Bale weblele se kɛlɛ wotazannu lɛ. Yé munu lé wo wo ’wuo kini Jézu lé we fele valé Kazambale dére lé we ma koo, munu lé wo ’ka dia lɛ ’wo bli la wi valé é yili ’lɛ lo, ’té wo ’ka wi lé tɔmase gyɛ lɛ, dé wo yarapɛla léé, dé wo bɛ la léé, ana lo, maa wo boennu ye. Wo nwa é yuɛma é ziin yé wo pla munu nwiin Krist va lɛɛ wuru soru.

Wegɔɔnle 22:5

Béli ’ka dan tan lɛ é dɛrɛ lo; Mizambale é dan wo ta kini lɛ, amalé wo mawe ’ka kyɛbɔ valé yirisan gi lo. Yé wo dan pla lɛ munu nwiin lɛɛfaama.

Wegɔɔnle 3:21

Mian we ’ko ’wuo vo a lɛ, ko dan nyana lɛ a nya anlé webleblin ta, bélé fɛan zo lé a ’wuo vo an lɛ yé an Ti an nyana ’é va élé webleblin ta, a zo.

Wegɔɔnle 5:10

yé i wo kɛlɛ bɛngɔnɔ do nya, kolé Bale banzannu nya, yé wo dan pla lɛ tɛrɛ nwiin, amalé ilé sɛbɛ sile valé zɔrɔkaanyɔɔ bɔi yara lé.