Daniɛl 7:15 - Kazambale lé Sebe Sauunu 1979

¹⁵ Gibɔrɔ pa maa Daniɛl ma, yé yuɛziwenu lé maa wo ye, wo di kini an gi.

Daniɛl 7:15 ပူးပေါင်းရင်းမြစ်များ

Wepélisiananu 41:8

’Bɛ é tu kini, Faraɔn gi kyɛ dɔ, yé yokɛlɛmunu faa valé wedɔɔmunu faa lé ke Éjipiti tɛrɛ la, é munu nwunvɔ wo laana. Wo da aan wo, é ’élé nyɛ zuo fe wo lɛ. Naa, wo va mi do kpen ’ka bɔ lɛ wo gi fele lɛ Faraɔn lɛ lo.

Jérémi 17:16

Yé maa, maa i lɛdɔ a ma. Maa ’ka sɔn vɔ lɛ an kɛlɛle Bale lé munu pazan nya ma lo; yé bé gi dɔɔ léé, maa ’ka a va léé, yi tɔntɔn é bɔ lo; wean é bɔra an ’léé, maa a fe gɔrɔ la.

Daniɛl 10:16

Yé bé ye, mi do lé é ke bélé blaminu zo, é mane an lɔlu ma. An ’léé fuo yé mi lé é ke é dɔle an ’lɛ bɛ, maa lé a lɛ léé: Anzan, yuɛziwe ’ko é an gi nyɛ blɛn kini yé anlé plɛplɛ faa si an lee.

Daniɛl 2:1

Nébukanɛsaa plale mi nwiin lɛɛ fiézan nya, é nyɛ gyɛ. É gibɔrɔ pa a ma, yé é ’ka bɔa yigyɛle lɛ lo.

Daniɛl 2:3

Minwiinzan blɛn lé wo lɛ léé: An nyɛ do gyɛ yé é gibɔrɔ pa an ma. É sɔ an lɛ léé, maa nyɛ ’ko ’ma.

Daniɛl 4:19

Yé Daniɛl lé wa laama Bɛlsatasaa, kwakwa vɔ a ta bléyi sɛ nya yé gi bɔrɔ pa a ma. Yé minwiinzan blɛn we fe é ziin yé é léé: Bɛlsatasaa, té nyɛ ’ko valé é gifele é gi bɔrɔ pa i ma lo. Yé Bɛlsatasaa a zi pa a lɛ léé: Anzan, nyɛ ’ko ’é kɛlɛ i nyanézannu zé nya, yé a gi fele ’é kɛlɛ i mazannu zé nya ma.

Daniɛl 4:5

An nyɛ do gyɛ yé é kana blɛn zén an gi. ’Wuogibɔrɔlenu lé wo da an ’wuo gi, ’té maa a é yiale koo, yuɛzi wenu lé maa wo ye koo, wo an zuru va nyɛ kini blɛn.

Daniɛl 7:1

Babilɔn minwiinzan blɛn Bɛlsasaa plale mi nwiin lɛɛ vininzan nya, Daniɛl nyɛ gyɛ yé é yuɛziwenu ye, ’té é a é yiale. ’Bɛ zuo yé é yee nyɛ gyɛ sɛbɛ ta, yé é a va we blɛnnu zuo fe.

Daniɛl 7:28

Dérenu ’wuo dɔ ’ko. Maa Daniɛl, an ’wuogibɔrɔlenu gibɔrɔ blɛn pa an ma. An kɔlɛ fuola yé an dére ’konu tadɔ an bli gi.

Daniɛl 8:2

Maa yuɛziwe ’ko ye bléyian va, ’té é a bélé maa a Élam tɛrɛ la fla blɛn lé wa laama Suz, a ta. Anlé yuɛzi gi, ’té maa a Ulai yuu sɔnɔ.

Daniɛl 8:27

We ’konu zuo, maa Daniɛl, maa yi kiɛre gié, ’té an yuɛgi zun, ’té gyɛ a an ma. ’Bɛ zuo yé an nwa yé an kun minwiinzan blɛn lé wenu kɛlɛle ma. Yuɛziwe lé maa a ye, é an gi vuru, yé mi do kpen ’ka a gi dɔɔ lɛ lo.

Abaku 3:16

Maa ’ma, yé an bɔn gi kɛlɛ wɛwɛwɛ. An dére ’ko ’ma tɔɔn, an lɔlunu nyɔɔn, An wɔlɛnu éé yaan an gi, Yé an powuonu vo tɔɔtɔɔ. É a lé an we tɔntɔn bɔyi lɛbɛn an ta nya é dɔle, Yian nya lé yaamitazan é dan nwa lɛ yé é go guli dan migɔnɔnu ma, a yi nya.

2 Piɛri 1:14

naa, maa a gi dɔɔ léé, an sile sɔkɔn ’ko gi bɔ é pu; Kaazan Jézu Krist a gɔɔn an lɛ a zo.