Daniɛl 7:13 - Kazambale lé Sebe Sauunu 1979

¹³ Yuɛziwenu lé maa wo ye é béli, maa a wo naginina aan wo, ’té mi do lé é ke bélé blami be do zo, ’té é dan latinu nya, yé é bié mi kwa lé ke yinu ’lɛ, a vazia, yé wa bié a sɔnɔ.

Daniɛl 7:13 ပူးပေါင်းရင်းမြစ်များ

Lɛrɛvɔ Sɛbɛ 110:2

Gakelebale é dan ilé plale mi nwiin péli sia lɛ Siɔn, yé é bɔ fɛfaana. ’I pla i nyanézannu nwiin ma.

Lɛrɛvɔ Sɛbɛ 2:8

Bé laa an lee yé maa dan bɛnnu nɔ lɛ i lɛ ilé tɔnɔfɛ nya, Maa dan tɛrɛ nɔ lɛ i lɛ izé nya, fɔɔ yé é bɔ a glɛ sina.

Lɛrɛvɔ Sɛbɛ 47:5

É fɛna si a va kozé nya, Jakɔb lé é sɔ a lɛ, alé fua lé. Ka ye do.

Jérémi 49:19

Bé ye, é si Juudɛn yuu tɔbɔle gɔɔn ma yé é nwa nyanana plɛplɛ ma bélé golizra zo. Kele tɔɔn, maa kɛlɛ léé, Édom munu é fwi, yé mi lé maa a si a va, maa dan ’bɛzan dɔ lɛ ana. Naa, de ɛ ke bélé maa zoo? De ɛ dan an béli dɔ lɛɛ? Yé minwiinzan lé é dan dɔ lɛ an ma, é a kyɛɛn?

Ézékiɛl 1:26

Fɛna pla lé é ke wo ’wuo ta loru, ’bɛ ta loru fɛ do ana; é a bélé safiigɔlɛ zo. ’Té a zi a bélé webleblin zo. Yé webleblin ’ko ta, fɛ do ana bélé mi zo, ’té é a é dɔle a ta loru.

Daniɛl 2:44

Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

Daniɛl 7:12

Wo wi koɛnu lé plɛplɛ si ’wo lee, naa, wo wo vo é yuɛma bléyi ke nya.

Daniɛl 7:2

Daniɛl wefele péli sia yé é léé: Yuɛziwenu lé maa wo ye é béli, maa a wo naginina aan wo, yé bé ye, lagi fu ziɛn wɛyi blɛn nwa fiaa.

Daniɛl 7:22

fɔɔ yé mi kwa lé ke yinu ’lɛ, é da yé é weblele se kɛlɛ Loruzan lé munu lɛ yé a bléyi bɔ yé é a se kɛlɛ wo lɛ léé, wo pla munu nwiin.

Daniɛl 7:9

Maa a naginina bléyian va, ’té woo webleblinnu dɔraan. Yé mi kwa lé ke yinu ’lɛ, é nyana. Alé sɔ a fu tata bélé tɔrɛ zo. A nwiin nwinnu a bélé ’blakyɛɛ zima zo. Alé webleblin a bélé kyɛnɛnɛnu zo, yé alé webleblin ganenu a bélé kyɛnyɛ zo.

Daniɛl 8:15

Maa Daniɛl, maa yuɛziwe ’ko ye bléyian va, ’té maa a kwa kulina léé, maa a gi ’ma, bé ye, fɛyuɛmale do lé é ke bélé mi zo, é dɔ an ’lɛ.

Matio 13:41

Maa blami Be, an dan anlé lanjenu pa lɛ zia yé wo dan misaanwenu valé weplekɛlɛmunu faa si lɛ anlé munu méléna;

Matio 24:30

’Bɛ zuo maa blami Be zé tɔmase é dan bɔra lɛ la gi, yé tɛrɛ la bɛnnu faa é dan wuvɔ lɛ yé wo dan maa blami Be ye lɛ dana latinu ta plɛplɛ valé fua blɛn tagɔɔnle nya.

Matio 25:31

Dé maa blami Be da anlé fua ta gɔɔnle nya anlé lanjenu faa nya an va, an dan nyana lɛ anlé webleblin tɔbɔle ta.

Matio 26:64

Jézu a zi pa a lɛ léé: Yee lé bé fe bɛ. ’Bɛ ta loru, maa lé ka lɛ léé, é sia bléyi ’ko va, ka dan maa blami Be ye lɛ é nyanale Plɛplɛzan Bale bɛyilazia, yé ka dan an ye lɛ dana latinu ta.

Matio 28:18

Jézu bié aan wo yé é lé wo lɛ léé: Wo plɛplɛ faa nɔ an lɛ tɛrɛ la valé la gi.

Matio 8:20

Jézu a zi vɔ a lɛ léé: Kwanénu yɛrɛ a, yé mianénu kɔn a, naa maa blami Be yiɛna ’ka lo.

Maak 13:26

’Bɛ zuo munu é dan maa blami Be ye lɛ dana latinu ta, plɛplɛ blɛn valé fua tagɔɔnle nya.

WENÉNÉ LÉ LUK A GYE (Évangile selon Luc) 21:27

’Bɛ zuo wo dan maa blami Be ye lɛ dana lati ta plɛplɛ valé fua blɛn tagɔɔnle nya.

WENÉNÉ LÉ LUK A GYE (Évangile selon Luc) 21:36

Amalé ’ka vo é yuɛma yé ’ka bazoro yifaama, kalé plɛplɛ yele we ma, yé ka bɔ sile lɛ wenu faa lé wo dan bɔ lɛ bɛ, wo lee, yé ka bɔ dɔle lɛ loru, maa blami Be yara.

WENÉNÉ LÉ LUK A GYE (Évangile selon Luc) 24:27

Yé é a pélisia Moizi valé balelayemunu lé sɛbɛnu faa gi yé ébo tawe gɔɔn wo lɛ sɛbɛnu faa gi.

WENÉNÉ LE JAN A GYE (Évangile selon Jean) 12:34

Yé mi gu lé a lɛ léé: Ko a ’ma bélidɔwe sɛbɛ gi léé, Krist é dan vo lɛ é yuɛma lɛɛfaama. Yé mɛmalé bii léé, é a lé wo blami Be duun? De ɛ ke ’bɛ blami Be ’ko nyaa?

WENÉNÉ LE JAN A GYE (Évangile selon Jean) 3:13

Mi vinin ’ka tan go lɛ la gi lo, ’té dé é ’ka mi lé é si la gi, maa blami Be lé an ke la gi mi, an nya lo.

WENÉNÉ LE JAN A GYE (Évangile selon Jean) 5:27

Yé maa a blami Be nya; bɛwemalé é a se kɛlɛ an lɛ léé, an munu lé we ble.

Kelewenu 7:56

Yé é léé: Ka yua, la lɛ a é sole, yé maa blami Be yé é dɔle Kazambale bɛyila.

1 Tɛsalɔnik munu 4:17

’Bɛ zuo yé ko mi yuɛmalenu lé, ko vo ’ko, wo dan ko faa sia lɛ ékeva wo nya latinu ta, keele we gi Mizan nya la worona. A zo lé ko dan vo lɛ yifaama Mizan va.

1 Timoté 6:16

’té vole é yuɛma lé a glɛ ’ka lo é a yee do kpen ɛ lee bɛ, ’té é ke é nyanale san lé mi do kpen ’ka bɔa biéle lɛ a sɔnɔ lo, a gi bɛ, ’té mi do kpen ’ka tan é yuɛ vɔ lɛ a ta lo yé wo ’ka bɔa yuɛ vɔle lɛ a ta boenwo lo bɛ, yee ɛ dan Jézu gɔɔn lɛ. Tɔbɔle valé plɛplɛ a azé nya lɛɛfaama, a glɛ ’ka lo. Amɛɛn.

Ébrunu 2:14

Naa, kɔlɛ lé nénu éé sié a nya wo ti valé wo bu va, yee kɔlɛ duo nya lé Jézu da. Yé a gale nya lé, mi lé gale lé plɛplɛ ke a lee, ’bɛ gi léé, yonufaatagɔné, yé é ’bɛzan kulu ga,

Ébrunu 9:24

Fɛna sauun lé mi a kɛlɛ fɛ boen zuosonafɛ nya, Krist ’ka wɔra lɛ ’bɛna lo. É wɔra la bozen gi yé ébo dɔ Kazambale yara sin kaalé we gi.

Wegɔɔnle 1:13

yé kyan fintrannu méléna mi do lé é ke bélé blami be zo, maa a ye. Varɔ grɔgrɔ a a ta, ’té kyan kyɛsidi a a golɛ ta.

Wegɔɔnle 1:18

An ga, yé maa lo, maa a é yuɛma sin lɛɛfaama, a glɛ ’ka lo. Yé ga valé gamunu nyanana lé lakléwɔlɛnu a maa ɛ lee.

Wegɔɔnle 1:7

Bé ye, é dan latinu ta. Mi faa é dan a ye lɛ, a fɔnmunu koo é ziin; tɛrɛ la bɛnnu faa é dan wuvɔ lɛ alé we ma. Iin. Amɛɛn.

Wegɔɔnle 14:14

Maa a nagini, ’té lafu do ana, yé mi do lé é ke bélé blami be zo é a é nyanale lafu ta; kyankoro a a ’wuo ma, yé kɔblané ’lɛzan a a lee.